អាហារូបត្ថម្ភ - ទោះកូនក្នុងវ័យណាក៏ដោយ ក៏សមាសភាពអាហារូបត្ថម្ភនៅតែជាផ្នែកមួយដ៏សំខាន់បំផុតជួយដល់ការលូតលាស់របស់កូនៗ បន្ថែមពីលើការបំបៅដោះ។ ផ្នែកនេះ នឹងលម្អិតបញ្ហា នានា និងដំណោះស្រាយជូន ថាតើអាហារូបត្ថម្ភណាល្អ ដែលកូនគួរញ៉ាំ និងចៀសវាង
ប៉ាម៉ាក់ណាក៏ចង់ឲ្យកូនមានសុខភាពល្អ និងមានបញ្ញាស្មារតីល្អរៀនពូកែដែរ។ បើម្បីឲ្យក្ដីបំណងនេះបានសម្រេច ប៉ាម៉ាក់ត្រូវយកចិត្តទុកដាក់ជាពិសេសលើរបបអាហារ ដែលមានសារជាតិចិញ្ចឹមល្អសម្រាប់កូន ក៏ដូចជាផ្ដល់ឱកាសឲ្យកូនបានបញ្ចេញសកម្មភាពរាងកាយផងដែរ។ ស្វែងយល់កាន់តែច្បាស់ជាមួយព័ត៌មានរូបភាពរបស់យើងទាំងអស់គ្នា!
ត្រួតពិនិត្យដោយ • Nov 17, 2022
កម្ពស់កូនយើង ភាគច្រើនគឺអាស្រ័យទៅតាមកម្ពស់របស់ម៉ាក់ប៉ា ឬសាច់ញាតិ ពោលគឺបណ្ដាលមកពីកត្តាហ្សែន។ បន្ថែមពីលើកត្តាហ្សែន របបអាហារ ឬសារធាតុចិញ្ចឹមក៏ដើរតួនាទីសំខាន់ជួយដល់ការលូតលាស់ឆ្អឹង និងកម្ពស់របស់អាអូនដែរ។ ហេតុនេះហើយ ទើបវាជាការចាំបាច់សម្រាប់ម៉ាក់ប៉ាត្រូវដឹងពីអាហារណាល្អ និងគួរបន្ថែមទៅក្នុងរបបអាហារកូន ជួយដល់ការពន្លូតកម្ពស់របស់អាអូន។ ១. សារធាតុចិញ្ចឹមចាំបាច់ដល់ការលូតកម្ពស់កូន អំឡុងវ័យលូតលាស់ កូនៗត្រូវការរបបអាហារដែលមានតុល្យភាព និងធ្វើសកម្មភាពរាងកាយណាដែលជួយដល់ការលូតកម្ពស់កូនដូចជា លេងកីឡាបាល់បោះ ឬហែលទឹក។ល។ ហើយសម្រាប់សារធាតុចិញ្ចឹមចាំបាច់ ផ្ដល់ជំនួយដល់ការលូតកម្ពស់កូនមានដូចជា ប្រូតេអ៊ីន កាបូអ៊ីដ្រាត វីតាមីន និងជាតិរ៉ែផ្សេងៗ។ ២. កំពូលអាហារជួយដល់ការលូតកម្ពស់កូន ស៊ុត៖ ស៊ុត ផ្ដល់ប្រូតេអ៊ីនយ៉ាងតិច៦.៥ក្រាម និងមានផ្ទុកសារធាតុអាស៊ីដ អាមីណូ។ នេះបណ្ដាលឲ្យស៊ុតជាប្រភពសម្បូរប្រូតេអ៊ីនមួយល្អដល់ការលូតលាស់ឆ្អឹងរបស់ក្មេង។ បន្ថែមពីលើនេះ ស៊ុតក៏មានផ្ទុកសារធាតុចិញ្ចឹមផ្សេងទៀតដែរដូចជា វីតាមីនD ខ្លាញ់អូមេហ្គា៣ សេឡេញ៉ូម ដែលជួយដល់ការលូតលាស់ និងអភិវឌ្ឍន៍ទូទៅរបស់អាអូន។ ទឹកដោះគោ៖ ប្រូតេអ៊ីន វីតាមីន D និងជាតិរ៉ែដូចជា ប៉ូតាស្យូម កាល់ស្យូម និងម៉ាញេសូមនៅក្នុងទឹកដោះគោ ជួយទ្រទ្រង់ការលូតលាស់ឆ្អឹងអាអូន។ យកល្អម៉ាក់ប៉ាគួរឲ្យអាអូនញ៉ាំទឹកដោះគោស្រស់យ៉ាងតិចមួយកែវ/ថ្ងៃ ដើម្បីបំពេញតម្រូវការសារធាតុចិញ្ចឹមជួយដល់កម្ពស់កូន ឬអាចឲ្យកូនញ៉ាំយ៉ាអួរជំនួសក៏បាន។ សណ្ដែកសៀង៖ សណ្ដែកសៀងផ្ទុកប្រូតេអ៊ីនខ្ពស់ និងពោរពេញទៅដោយហ្វូឡាត វីតាមីន កាបូអ៊ីដ្រាត និងជាតិកាកសរសៃ ចាំបាច់ជួយដល់ការលូតលាស់ឆ្អឹងរបស់កូន។ បើម៉ាក់ប៉ាបន្ថែមទឹកសណ្ដែកសៀង ឬតៅហ៊ូទៅក្នុងរបបអាហារប្រចាំថ្ងៃអាអូនរឹតតែពិសេសដល់ការលូតកម្ពស់កូន។ សាច់ក្រហម៖ […]
ត្រួតពិនិត្យដោយ • Sep 17, 2021
ចំពោះទារក ឬអាអូនតូចអាយុក្រោម៦ខែ គ្មានអាហារណាល្អជាងទឹកដោះម្ដាយនោះទេ។ ទឹកដោះម្តាយអាចផ្ដល់អាហាររូបត្ថម្ភល្អ និងអាចឲ្យអាអូនលូតលាស់ដោយមិនបារម្ភបញ្ហាសុខភាពតូចតាចមួយចំនួន។ ទោះជាយ៉ាងណា ម៉ាក់ៗក៏ត្រូវផ្ដាច់ដោះ និងបន្ថែមទឹកដោះគោឲ្យកូនបៅជំនួសដែរ ដូចនេះហើយការជ្រើសរើសម្សៅទឹកដោះគោសម្រាប់អាអូនពិតជាសំខាន់ណាស់ដល់ការលូតលាស់ អភិវឌ្ឍន៍ និងសុខភាពកូន។ វេជ្ជបណ្ឌិតជំនាញ អ៊ុន យូ បម្រើការងារនៅមន្ទីរពេទ្យកុមារជាតិវិញ បានឲ្យដឹងថា មុននឹងសម្រេចជ្រើសរើសម្សៅទឹកដោះឲ្យកូនម៉ឹម ម៉ាក់ៗចាំបាច់ត្រូវជ្រើសរើសប្រភេទម្សៅទឹកដោះគោដែលមានគ្រប់សារធាតុចិញ្ចឹមសម្រាប់កុមារ ដែលជួយទាំងរាងកាយ ឆ្អឹង ជួយទាំងប្រព័ន្ធការពារ បញ្ញាស្មារតី និងខួរក្បាលកូន។ នៅពេលជ្រើសរើសម្សៅទឹកដោះគោ ម៉ាក់ប៉ាពិនិត្យរូបមន្តផ្សំលើសំបកកំប៉ុងដែរ តើទឹកដោះគោប្រភេទនោះតើមានគ្រប់សារជាតិដែលកូនត្រូវការឬអត់? មួយវិញទៀត ម៉ាក់ប៉ាត្រូវជ្រើសរើសយកម្សៅទឹកដោះគោណា ដែលស័ក្តិសមនឹងកូន តាមការសង្កេតមើលការឆ្លើយតបរបស់កូនលើទឹកដោះគោនោះ ជ្រើសរើសតាមការណែនាំពីអ្នកជំនាញត្រឹមត្រូវ មិនគួរជ្រើសម្សៅទឹកដោះគោតាមគ្នាទេ។ ម៉ាក់ប៉ាត្រូវដឹងថា ជួនកាលម្សៅទឹកដោះគោដែលកូនអ្នកដទៃប្រើត្រូវ មិនប្រាកដថាកូនយើងប្រើត្រូវ មាឌថ្លោស សុខភាពល្អដូចគេទេ ព្រោះរាងកាយ និងតម្រូវការអាហាររបស់ក្មេងម្នាក់ៗមិនដូចគ្នាឡើយ។ ការជ្រើសជ្រើសម្សៅមិនបានត្រឹមត្រូវ នាំឲ្យកូនលូតលាស់យឺត មិនឡើងទម្ងន់ ឧស្សាហ៍មានបញ្ហាប្រព័ន្ធរំលាយអាហារ រួមមានហើមពោះ ទល់លាមក អាលែកហ្ស៊ីជាដើម។ បន្ថែមពីលើនេះ វេជ្ជបណ្ឌិត អ៊ុន យូ បញ្ជាក់ថា ការបំបៅកូនដោយម្សៅទឹកដោះគោមិនមែនជាជម្រើសល្អឡើយ ទោះជាម៉ាក់ៗរវល់យ៉ាងណាក្តី ត្រូវឆ្លៀតបំបៅកូនដោះឲ្យបានយ៉ាងតិច ៦ ខែ ដោយបូមទឹកដោះសម្រាប់កូនបៅ ពេលយើងរវល់ ឬមិននៅក្បែរកូនពេលថ្ងៃ […]
ត្រួតពិនិត្យដោយ • Jul 16, 2021
របបអាហារត្រឹមត្រូវ និងបែបបទរស់នៅសកម្ម ដើរតួនាទីដ៏សំខាន់ក្នុងការជំរុញដល់ការលូតកម្ពស់របស់កុមារ។ ពិតណាស់ ប្រសិនបើកូនមិនទទួលបានសារធាតុចិញ្ចឹមគ្រប់គ្រាន់នៅក្នុងរបបអាហារទេនោះ កម្ពស់របស់ពួកគេក៏មិនមានការលូតលាស់ច្រើនដូចគ្នា។ ដូចនេះ ប៉ាម៉ាក់គប្បីបញ្ចូលអាហារល្អៗសម្រាប់ការលូតកម្ពស់ឲ្យកូនញ៉ាំជាទៀងទាត់។ សារជាតិចិញ្ចឹមមួយចំនួនដែលជួយឲ្យកម្ពស់កូនលូតលាស់៖ ប្រូតេអ៊ីន កាបូអ៊ីដ្រាត រ៉ែ វីតាមីន អាហារទាំង៥ប្រភេទខាងក្រោមនេះ ប៉ាម៉ាក់គប្បីឲ្យកូនញ៉ាំជារៀងរាល់ថ្ងៃ ដើម្បីពន្លឿនការដល់ការលូតកម្ពស់៖ ១. ទឹកដោះគោ ពិតណាស់ ទឹកដោះគោគឺជាអាហារដ៏ល្អឯកក្នុងការជួយពង្រឹងដល់ការលូតលាស់របស់ក្មេង។ វាផ្ទុកសារធាតុចិញ្ចឹមច្រើន ដែលជួយឲ្យកុមារលូតកម្ពស់យ៉ាងឆាប់រហ័ស។ មិនត្រឹមតែប៉ុណ្ណោះ វាក៏ជួយការដល់ការអភិវឌ្ឍឆ្អឹង និងសាច់ដុំកុមារឲ្យកាន់តែរឹងមាំទ្វេដង។ ២. ស៊ុត ជាមួយគ្នានេះដែរ ស៊ុតសម្បូរទៅដោយជាតិប្រូតេអ៊ីន កាល់ស្យូម វីតាមីនB12 និងសារជាតិriboflavin ព្រមទាំងសារធាតុចិញ្ចឹមមួយចំនួនទៀត ដែលល្អបំផុតសម្រាប់ការលូតលាស់របស់កុមារ។ ៣. សណ្ដែកសៀង សណ្ដែកសៀងជាអាហារដែលមានសារធាតុចិញ្ចឹមល្អៗ ដែលជួយដល់ការឡើងកម្ពស់ ប្រសិនបើយើងញ៉ាំវារាល់ថ្ងៃ។ វាជាប្រភពនៃប្រូតេអ៊ីន ហ្វូឡេត វីតាមីន ជាតិសរសៃ និងកាបូអ៊ីដ្រាត ដែលអាចជួយបង្កើតការលូតកម្ពស់យ៉ាងមានប្រសិទ្ធភាព។ លើសពីនេះ ប្រូតេអ៊ីននៅក្នុងសណ្ដែកសៀងក៏ជួយពង្រឹងម៉ាស និងកម្លាំងនៃឆ្អឹង និងជាលិកាផងដែរ។ ៤. ចេក ចេកសម្បូរទៅដោយសារធាតុរ៉ែជាច្រើន ដូចជាប៉ូតាស្យូម ម៉ង់ហ្គាណែស និងកាល់ស្យូម ព្រមទាំងបាក់តេរីល្អ ដែលអាចជួយពន្លូតកម្ពស់បានយ៉ាងស័ក្ដិសិទ្ធិ។ ជាក់ស្ដែង ប៉ូតាស្យូមនៅក្នុងផ្លែចេកអាចជួយការពារឆ្អឹង និងធ្មេញឲ្យរឹងមាំ ក៏ដូចជាបន្សាបឥទ្ធិពលអាក្រក់របស់សូដ្យូមមកលើឆ្អឹង។ ៥. បន្លែស្លឹកបៃតង ចំណែកឯបន្លែស្លឹកបៃតងក៏មានគុណប្រយោជន៍សម្បូរបែបសម្រាប់ការលូតកម្ពស់ ដោយសារតែវាមានផ្ទុកវីតាមីន សារធាតុរ៉ែ កាបូអ៊ីដ្រាត និងជាតិសរសៃដែលអាចជួយបង្កើនកម្ពស់ ដោយរំញោចអ័រម៉ូននៅក្នុងរាងកាយ។ បន្លែទាំងនេះរួមមានស្ពៃពួយឡេង សណ្ដែកបារាំង […]
អត្ថបទដោយ • Oct 14, 2021
អាអូនតូចៗខ្លះ ពិបាកញ៉ាំបាយណាស់ ចូលចិត្តញ៉ាំតែចំណី ធ្វើឲ្យខ្វះសារធាតុចិញ្ចឹម ហើយគីឡូមិនគ្រប់ស្តង់ដារម៉ាក់ប៉ាបារម្ភទៀត។ ដូចនេះ ទើបម៉ាក់ប៉ាមួយចំនួនទិញវីតាមីនបំប៉នឲ្យកូនញ៉ាំ ព្រោះចង់ឲ្យកូនញ៉ាំបាយច្រើន ឆាប់ធាត់ តែវីតាមីនបំប៉នពិតជាជួយឲ្យកូនឡើងគីឡូមែនឬយ៉ាងណា? បកស្រាយនឹងចម្ងល់មួយនេះ លោកស្រីវេជ្ជបណ្ឌិត កុសល កណិការ ឯកទេសជំងឺកុមារ និងទារក ឲ្យដឹងថា វីតាមីនបំប៉នសម្រាប់កុមារភាគច្រើន គេផលិតឡើងជាប្រភេទ Multi-Vitamin មានន័យវីតាមីនបំប៉ននោះ ត្រូវបានផលិតឡើងដោយរួមផ្សំគ្នាជាមួយវីតាមីនចម្រុះមុខ (វីតាមីន A E C។ល។) នៅក្នុងបរិមាណមួយសមស្របទៅតាមអាយុកុមារ។ វីតាមីនបំប៉នក៏មានផ្ទុកសារធាតុរ៉ែមួយចំនួនដូចជា ជាតិដែក ឬស័ង្កសីជាដើម។ លោកស្រីបន្ត នៅពេលដែលកុមារញ៉ាំវីតាមីនបំប៉ន វាជួយឲ្យកូនមានសុខភាពរឹងមាំ និងប្រព័ន្ធភាពស៊ាំមាំមួនល្អ ជាហេតុជួយឲ្យអាអូនឡើងទម្ងន់ ព្រោះអាអូនមានសុខភាពល្អ ។ មិនមែនគ្រាន់តែម៉ាក់ប៉ាផ្ដល់វីតាមីនបំប៉នហើយ អាអូនអាចឡើងទម្ងន់ញ៉ាំតែវីតាមីនបំប៉ននឹងទេ។ វីតាមីនបំប៉ន គ្រាន់តែជាអាហារបន្ថែមចាំបាច់ផ្ដល់ឲ្យកុមារមិនសូវញ៉ាំបន្លែ ផ្លែឈើ ឬខ្វះអាហារូបត្ថម្ភ ឬពិបាកញ៉ាំបាយ។ វេជ្ជបណ្ឌិតសញ្ញាប័ត្រពីបារាំងរូបនេះ បានបន្ថែមថា ក្មេងៗគ្រប់រូបមិនចាំបាច់ញ៉ាំវីតាមីនបំប៉ននោះទេ បើកូនយើងទទួលបានវីតាមីនគ្រប់គ្រាន់តាមរយៈអាហារប្រចាំថ្ងៃហើយ (ឧ. កូនញ៉ាំបាយបាន អត់រើសបន្លែ ផ្លែឈើ ឬសាច់) យើងមិនបាច់ផ្ដល់វីតាមីនបំប៉នបន្ថែមក៏បាន។ គ្មានអ្វីល្អខ្លាំងសម្រាប់កុមារ ជាងអាហារូបត្ថម្ភដូចជា បបរខាប់គ្រប់គ្រឿង ទឹកដោះគោ […]
ត្រួតពិនិត្យដោយ • Jul 07, 2021
ម៉ាក់ប៉ាមានដឹងទេថា ក្នុងពោះវៀនកូនមានពពួកបាក់តេរីល្អរាប់លានរស់នៅ ចាំបាច់ដល់ការលូតលាស់ ជួយរក្សាសុខភាពពោះវៀន និងសុខភាពទូទៅរបស់កូនយើងបានរឹងមាំល្អ។ មិនត្រឹមតែប៉ុណ្ណោះ ពពួកបាក់តេរីល្អទាំងនេះក៏ការពារសុខភាពអាអូនពីជំងឺមួយចំនួនបានផងដែរ ហើយបាក់តេរីល្អគួរឲ្យកត់សម្គាល់នោះគឺ Probiotics។ Probiotics ជាអ្វីទៅ? Probiotics ជាបាក់តេរីល្អផ្ដល់អត្ថប្រយោជន៍ដល់សុខភាព វាក៏ជួយរក្សាតុល្យភាពបាក់តេរីល្អៗនៅក្នុងបំពង់រំលាយអាហារបានច្រើន ហើយ Probiotics ដើរតួយ៉ាងសំខាន់ក្នុងការពង្រឹងភាពស៊ាំរបស់ក្មេង។ Probiotics មិនត្រឹមតែផ្ដល់អត្ថប្រយោជន៍ច្រើនដល់សុខភាពពោះវៀនកូនទេ វាក៏ជួយសុខភាពកូនផ្នែកផ្សេងទៀតដែរដូចជា៖ – ពង្រឹងដំណើរការប្រព័ន្ធភាពស៊ាំ – ជួយដល់សុខភាពបេះដូង – កាត់បន្ថយការរលាក – កាត់បន្ថយបញ្ហារាករូស ឬបញ្ហាពោះវៀនផ្សេងៗ – កាត់បន្ថយអាលែកហ្ស៊ី – កម្ចាត់ទល់លាមក – កាត់បន្ថយក្អែ – បំបាត់បញ្ហាខ្យល់ក្នុងពោះ។ល។ ម៉ាក់ប៉ាអាចរក Probiotics បានទាំងនៅក្នុងទឹកដោះម្តាយ ផលិតផលទឹកដោះគោម្សៅ និងអាហារដទៃ ដែលយើងអាចបន្ថែមទៅក្នុងរបបអាហាររបស់អាអូនដូចជា យាអ៉ួរ គីមឈី ជ្រក់ត្រសក់ ឈីសមួយចំនួន (Cheddar, mozzarella…) ផលិតផលធ្វើពីទឹកដោះគោជាដើម។ ដោយសារ Probiotics ផ្ដល់ប្រយោជន៍មិនតិចទេដល់សុខភាព និងការលូតលាស់របស់កូនយើង ទើបថ្មីៗនេះ SYNBIOTICS ត្រូវបានគេណែនាំថា ជារូបមន្តថ្មី នៃអាហារូបត្ថម្ភសម្រាប់ក្មេង។ រូបមន្ត SYNBIOTICS ថ្មីនេះ មានការសំយោគរវាង បាក់តេរីល្អៗ ជាមួយនឹងចំណីអាហាររបស់បាក់តេរីល្អៗ ចូលទៅក្នុងផលិតផលតែមួយ […]
ត្រួតពិនិត្យដោយ • Jun 03, 2021
ការផ្ដល់ចំណីអាហារត្រឹមត្រូវដល់កូនៗ ជារឿងចាំបាច់សម្រាប់ម៉ាក់ប៉ាត្រូវធ្វើ ព្រោះវាជាផ្នែកមួយជះឥទ្ទិពលដល់សុខភាព និងការលូតលាស់របស់អាអូន។ ស្របពេលអាកាសធាតុក្ដៅបែបនេះ បើយើងបណ្ដោយឲ្យអាអូនញ៉ាំអីផ្ដេសផ្កាស អាចធ្វើឲ្យបាត់បង់ជាតិទឹកខ្ពស់ បង្កើនការរលាក។ល។ ហេតុនេះហើយ ខាងក្រោមនេះ ជាជម្រើសអាហារសម្រន់ឆ្ងាញ់ៗ សម្រាប់អាអូនញ៉ាំក្នុងអាកាសធាតុមេឃក្ដៅហែងបែបនេះ។ ១. យ៉ាអ៊ួរ នៅក្នុងយ៉ាអ៊ួរមានផ្ទុកជាតិ Probiotics ដែលល្អសម្រាប់ប្រព័ន្ធរំលាយអាហាររបស់កូនៗយើង ហើយវាក៏ល្អសម្រាប់អាអូនក្នុងរដូវក្ដៅ ព្រោះវាជួយរាងកាយឲ្យនៅត្រជាក់ពីខាងក្នុងមក។ ម៉ាក់ប៉ាអាចបន្ថែមជាផ្លែឈើទៅក្នុងយ៉ាអ៊ួរ ដើម្បីបង្កើនរសជាតិ និងផលល្អដល់រាងកាយកូន។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២.ទឹកដូង ទឹកដូងផ្ដល់ផលល្អដល់ទាំងក្មេង និងចាស់ ព្រោះវាសម្បូរដោយប៉ូតាស្យូម អេឡិចត្រូលីត និងសារធាតុរ៉ែផ្សេងៗ។ មិនតែប៉ុណ្ណោះ វាក៏ជួយរក្សាជាតិទឹកក្នុងខ្លួនយើងបានល្អផងដែរ តែម៉ាក់ប៉ាត្រូវប្រាកដថា ទឹកដូងដែលឲ្យកូនញ៉ាំជាទឹកដូងកាប់ពីដូងស្រស់ៗ មិនមែនទឹកដូងកំប៉ុងមានក្នុងផ្សារទំនើបទេ។ ៣. បន្លែ និងផ្លែឈើ ផ្ដល់បន្លែ ឬផ្លែឈើសម្បូរជាតិទឹកឲ្យកូនញ៉ាំឲ្យច្រើនៗក្នុងខែនេះដូចជា ផ្លែស្ត្រប៊ើរី ផ្លែឪឡឹក ត្រសក់ ស្ពៃក្ដោប។ល។ ដើម្បីជួយបង្គ្រប់ជាតិទឹកក្នុងខ្លួនអាអូន បន្ថែមពីលើការញ៉ាំទឹក។ ៤. ការ៉េម ក្មេងៗឲ្យតែឮពាក្យការ៉េមម្ដងៗមិនបានទេ ច្បាស់ជាទារម៉ាក់ប៉ាចង់ញ៉ាំជាមិនខាន ព្រោះវាផ្អែម ហើយត្រជាក់ទៀត ស័ក្តិសមនឹងរដូវក្ដៅបែបនេះ។ ដោយសារតែការ៉េមផ្អែម ទើបម៉ាក់ប៉ាមួយចំនួនមិនសូវឲ្យកូនញ៉ាំច្រើន ព្រោះខ្លាចប៉ះពាល់សុខភាពកូន តែបើយូរម្ដងៗពេលមេឃក្ដៅ ឲ្យអាអូនញ៉ាំការ៉េម១ដើម ក៏មិនសូវជាបញ្ហាដល់សុខភាពកូនដែរ។ [embed-health-tool-child-growth-chart] ចំណាំ៖ ក្រៅពីអាហារសម្រន់អស់នេះ ម៉ាក់ប៉ាត្រូវផ្ដល់ទឹកឲ្យកូនញ៉ាំឲ្យបានច្រើន ពិសេសក្នុងអាកាសធាតុក្ដៅ […]
ត្រួតពិនិត្យដោយ • Apr 11, 2023
អាកាសធាតុក្តៅបែបនេះ មនុស្សធំសឹងតែទ្រាំមិនបាន កុំថាឡើយក្មេងៗ បើស្រលាញ់កូន ត្រូវឲ្យអាអូន មីអូន ញ៉ាំទឹកឲ្យបានច្រើន ណាមួយកុំឲ្យបាត់កម្លាំងដោយសារអាកាសធាតុក្តៅ ក៏ដូចជាការពារពួកគេកុំឲ្យកើតជំងឺជាច្រើន ពិសេសជំងឺធាត់ តែម្តង។ ព្រោះការសិក្សាថ្មី ក្មេងៗផឹកទឹកតិចតួចក្នុងមួយថ្ងៃៗ នឹងនាំឲ្យអូនៗផឹកភេសជ្ជៈរសជាតិផ្អែមកាន់តែច្រើន។ ការសិក្សាមួយ ធ្វើឡើងដោយមន្ទីរពិសោធន៍ ផ្នែកអាហារបំប៉ន នៃសាកលវិទ្យាល័យរដ្ឋ Pennsylvania សហរដ្ឋអាមេរិក បង្ហាញថា ក្មេងៗផឹកទឹកតិចតួច នឹងជំរុញឲ្យការផឹកភេសជ្ជៈផ្អែមខ្លាំង និងមានកាឡូរីខ្ពស់ កាន់តែច្រើន ដែលជាមូលហេតុបង្កឲ្យកើតជំងឺធាត់ ឈឺធ្មេញ និងជំងឺទឹកនោមផ្អែម។ ការសិក្សា បានប្រមូលទិន្នន័យពីការស្ទង់មតិថ្នាក់ជាតិ ពិនិត្យលើសុខភាព និងអាហារបំប៉ន នៅអាមេរិក ជាលទ្ធផល ក្មេង ១/៥ នាក់ មិនផឹកទឹកទាល់តែសោះ ក្នុងមួយថ្ងៃៗ។ ទិន្នន័យនេះ ប្រមូលពីឆ្នាំ ២០១១-២០១២ និងឆ្នាំ ២០១៥-២០១៦ លើក្មេងៗសរុប ៨.៤០០នាក់ អាយុចាប់ពី ២-១៩ ឆ្នាំ។ ក្នុងចំណោមក្មេង ៥នាក់ គឺមានម្នាក់ មិនញ៉ាំទឹករាល់ថ្ងៃ ជំនួសមកវិញនូវភេសជ្ជៈផ្អែម ដែលមានដល់ទៅ ២០០ កាឡូរី/ថ្ងៃ ប្រៀបធៀបជាមួយក្មេងៗផឹកទឹក […]
ត្រួតពិនិត្យដោយ • Apr 27, 2021
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មក្រុមគ្រូពេទ្យជំនាញ និងអ្នកត្រួតពិនិត្យមាតិការាល់ការចេញផ្សាយ សុទ្ធតែជាក្រុមគ្រូពេទ្យដែលបញ្ចប់ការសិក្សាត្រឹមត្រូវ និងទទួលស្គាល់ជាផ្លូវការដោយក្រសួងសុខាភិបាលឬស្ថាប័នពាក់ព័ន្ធផ្លូវការ ដើម្បីលើកស្ទួយសហគមន៍របស់យើងដោយមាតិកាចេញផ្សាយជាបន្តបន្ទាប់សម្រាប់សាធារណជន។ តួនាទីរបស់ក្រុមគ្រូពេទ្យ ឬអ្នកជំនាញក្នុងការត្រួតពិនិត្យខ្លឹមសារមាតិកា គឺត្រូវប្រាកដច្បាស់ ១០០% ត្រឹមត្រូវទៅតាមក្បួនខ្នាតវេជ្ជសាស្ត្រ មិនហួសសម័យ និងមានមូលដ្ឋានជាភ័ស្តុតាងត្រឹមត្រូវពីការស្រាវជ្រាវ ឬព័ត៌មានសុខភាពពីប្រភពទុកចិត្តជាផ្លូវការ។ ក្រុមគ្រូពេទ្យជំនាញ និងឯកទេសរបស់យើងធ្វើការទាំងថ្ងៃទាំងយប់ សម្រាកតិចម៉ោង ប្រសិនបើតម្រូវឲ្យត្រួតពិនិត្យរាល់មាតិកាពីបញ្ហាសុខភាពនានាដើម្បីចេញផ្សាយ ដើម្បីជាគុណប្រយោជន៍ ជាទំនុកចិត្ត ជាប្រភពព័ត៌មានដ៏ត្រឹមត្រូវ ឲ្យសាមញ្ញងាយយល់ ក្នុងគោលបំណងតែមួយគត់គឺ ជួយឲ្យរាល់ការសម្រេចចិត្តរបស់អ្នកកាន់តែល្អ និងល្អបំផុត។
មើលបន្ថែមពីគ្រូពេទ្យឯកទេស
