ជាទូទៅ នៅពេលដែលអាអូនញ៉ាំឆ្អែត ឬឃ្លាន កូនតែងតែបង្ហាញជាតម្រុយឲ្យប៉ាម៉ាក់បានដឹង។ ប៉ុន្តែ ជួនកាលប៉ាម៉ាក់ថ្មីថ្មោង អាចមិនបានចាប់អារម្មណ៍សញ្ញាទាំងនេះ ហើយផ្ដល់ចំណីដល់កូនច្រើនជ្រុលដោយមិនដឹងខ្លួន។ ដូច្នេះ ដើម្បីដឹងថាអាអូនញ៉ាំច្រើនជ្រុល ឬអត់ ប៉ាម៉ាក់អាចសង្កេតមើលសញ្ញាមួយចំនួនខាងក្រោមនេះ។
មាតិកា
ប៉ាម៉ាក់គួរដឹង! ទាំងនេះជាសញ្ញាបញ្ជាក់ថាអាអូនបៅ ឬញ៉ាំច្រើនជ្រុល
សញ្ញាបញ្ជាក់ថាអាអូនបៅ ឬញ៉ាំអាហារច្រើនជ្រុល
- ក្អែមិនឈប់
- អាការៈហើមពោះ និងហ្គាស
- ចុកពោះញឹកញាប់
គន្លឹះបញ្ចៀសការបំបៅ ឬផ្ដល់អាហារច្រើនជ្រុលដល់ទារក
១. បំបៅដោះ
គ្រូពេទ្យកុមារបានបញ្ជាក់ថា ទារកដែលបៅទឹកដោះម្ដាយមានអត្រាញ៉ាំឆ្អែតជ្រុលតិចតួច បើទោះបីជាអាអូននៅខាំក្បាលសុដន់ម៉ាក់ជាប់មិនព្រមលែងក៏ដោយ។ នេះដោយសារតែក្បាលសុដន់ម៉ាក់មិនហូរទឹកដោះចេញ ដូចទៅនឹងដបទឹកដោះគោឡើយ។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
២. បង្កើតកាលវិភាគបំបៅដោះ ឬផ្ដល់អាហារ
ទន្ទឹមនឹងនេះដែរ ម៉ាក់គួរបង្កើតកាលវិភាគបំបៅដោះកូន ដើម្បីធ្វើឲ្យអាអូនឃ្លាននៅម៉ោងដដែល និងអាចញ៉ាំអាហារទៀងទាត់ពេលវេលា ព្រមទាំងបញ្ចៀសការញ៉ាំច្រើនជាងធម្មតា។
៣. សង្កេតមើលសញ្ញាកូនឃ្លាន
ម៉ាក់ៗអាចរកមើលសញ្ញាដែលបញ្ជាក់ថាកូនឃ្លាន ដូចជាជញ្ជក់ម្រាមដៃ។ ជាទូទៅ ទារកដែលឃ្លាន នឹងជញ្ជក់ទឹកដោះភ្លាមៗ។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
៤. ជៀសវាងបង្ខំឲ្យកូនបៅ
នៅពេលដែលកូនបៅឆ្អែត ម៉ាក់មិនគួរបង្ខំឲ្យកូនបៅបន្តទៀតឡើយ។
ការបំបៅដោះ ឬផ្ដល់អាហារឲ្យកូនច្រើនជ្រុល អាចនាំឲ្យទារកមួយចំនួនក្អែ ហើមពោះ ឬចុកពោះ។ ក្នុងករណីដែលម៉ាក់ទម្លាប់ផ្ដល់អាហារលើសពីតម្រូវការ នោះនឹងធ្វើឲ្យអាអូនធាត់ជ្រុល ច្រាលអាស៊ីដ និងប្រឈមនឹងបញ្ហាសុខភាពដទៃទៀត។ ដូច្នេះហើយ ប៉ាម៉ាក់ចាំបាច់ត្រូវសង្កេតមើលសញ្ញាដែលកូនញ៉ាំឆ្អែត ឬឃ្លានអាហារ ដើម្បីឲ្យកូនទទួលបានបរិមាណអាហារសមស្រប និងមានសុខភាពល្អ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Oversupply, https://www.llli.org/breastfeeding-info/oversupply/
Feeding Your Baby: The First Year, https://my.clevelandclinic.org/health/articles/9693-feeding-your-baby-the-first-year
Breast Milk Oversupply, https://www.cincinnatichildrens.org/health/b/breast-milk-oversupply
កំណែប្រែបច្ចុប្បន្ន
16/02/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម