ការបំបៅដោះកូន ចាំបាច់ណាស់សម្រាប់អាអូន និងម៉ាក់ៗគ្រប់រូប ព្រោះគ្មានអាហារអ្វីផ្សេងដែលផ្ដល់ដល់ប្រយោជន៍ល្អដល់អាអូនដូចជាទឹកដោះម្ដាយផ្ទាល់នោះទេ។ បើម៉ាក់ៗចង់ឲ្យកូនលូតលាស់ល្អ គួរឲ្យអាអូនបៅរហូតដល់អាយុប៉ុន្មានទើបល្អទៅ?
ទាក់ទងនឹងបញ្ហានេះ លោកវេជ្ជបណ្ឌិត ចាន់ ស៊ីណេត បានឲ្យដឹងថា ការបំបៅដោះកូនដល់អាយុណានោះ ជាជម្រើសរបស់ម៉ាក់ៗទេ។ ប៉ុន្តែ អង្គការសុខភាពពិភពលោក WHO បានណែនាំឲ្យ ម្ដាយគ្រប់រូបបំបៅដោះកូនយ៉ាងតិចឲ្យគ្រប់ ៦ខែ សិនសឹមផ្ដាច់ឲ្យកូនបៅទឹកដោះគោ ឬផ្ដល់ចំណីអាហារផ្សេងៗដល់កូន។ ទោះយ៉ាងនេះក្ដី ម៉ាក់ៗអាចជ្រើសយកការបំបៅដោះកូន រហូតអាអូនមានអាយុ ១-២ខួប ឬលើសនេះ ក៏មិនមានបញ្ហា ឲ្យតែជម្រើសនោះសមស្របសម្រាប់ម៉ាក់ៗ។
ការបំបៅដោះកូនមានអត្ថប្រយោជន៍ច្រើនផ្ដល់ដល់ទាំងម្ដាយ និងកូន។ មិនតែប៉ុណ្ណោះ មានការស្រាវជ្រាវច្រើនបានបង្ហាញឲ្យឃើញថា ការបំបៅដោះកូនអាចកាត់បន្ថយហានិភ័យកូនៗកើតបញ្ហាសុខភាពផ្សេងៗដូចជា រាករូស ឆ្លងមេរោគក្នុងត្រចៀក ឬអាចការពារកូនពីជំងឺទឹកនោមផ្អែម ជំងឺធាត់ ជំងឺហឺត និងបញ្ហាទារកស្លាប់ភ្លាមៗ (SIDS)។
[embed-health-tool-baby-poop-tool]
ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខ បញ្ជាក់ថា ចំពោះម៉ាក់ៗវិញ ការបំបៅដោះកូនជួយដុតកម្លោចកាឡូរី និងជួយបង្រួមស្បូនឡើងវិញ។ លើសពីនេះ ម៉ាក់ៗដែលបំបៅដោះកូនអាចស្រកទម្ងន់មកធម្មតាវិញបានលឿន ហើយមិនតែប៉ុណ្ណោះ ការបំបៅដោះកូន ក៏អាចកាត់បន្ថយហានិភ័យស្ត្រីកើតជំងឺដូចជា៖
២. ជំងឺលើសសម្ពាធឈាម
៣. ជំងឺទឹកនោមផ្អែម
៤. ជំងឺបេះដូង។ល។
លើសពីនេះ ការបំបៅដោះកូនក៏អាចជួយការពារម៉ាក់ៗពីជំងឺមហារីកស្បូន និងមហារីកក្រពេញអូវ៉ែ។
អត្ថបទគួរអាន៖
- ក្មេងកើតអូទីស្សឹមអាចព្យាបាលជាទេ?
- អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប
- អាហារស្រីៗពពោះគួរញ៉ាំ និងមិនគួរញ៉ាំ ការពារកូនកុំឲ្យកើតមកមានបញ្ហាអូទីស្សឹម
- តិចនិកសាមញ្ញ អាចជួយក្មេងៗរើបម្រះពីជំងឺអូទីស្សឹមបាន
- ពិតទេ ក្មេងៗមើលទូរស័ព្ទយូរ អាចកើតអូទីស្សឹម?
- បើកូនកើតអូទីស្សឹម គួរយកទៅព្យាបាលនៅពេទ្យណា?
