ដល់ពេលមួយដែលប៉ាម៉ាក់ចង់ឲ្យកូនពាក់ក្រវិល គឺត្រូវយកកូនទៅចោះត្រចៀក ប៉ុន្តែដឹងអត់ ថាក្រោយចោះត្រចៀកម៉ាក់ៗត្រូវថែទាំបែបណាកុំឲ្យត្រចៀកកូនឆ្លងរោគ? ក្រោយចោះត្រចៀក បើថែទាំមិនបានល្អ អាចធ្វើឲ្យមានការឆ្លងរោគផងដែរ។ ទាំងនេះ ជាតិចនិកមួយចំនួនដែលម៉ាក់ៗគួរដឹង ដើម្បីការពារការឆ្លងរោគ និងកាត់បន្ថយអាការៈឈឺចាប់របស់កូនក្រោយចោះត្រចៀក។
- ប៉ាម៉ាក់ចៀសវាងបង្វិល ឬផ្លាស់ប្តូរក្រវិលថ្មីព្រោះអាចបណ្តាលឱ្យអូនតូចមានការឈឺចាប់ និងឆ្លងមេរោគ
- ប៉ាម៉ាក់ចៀសវាងមានអ្វីទាក់ក្រវិលអូនតូចដែលបង្កឱ្យសាច់នៅជុំវិញរន្ធត្រចៀកហែក និងការឆ្លងមេរោគ
- ប៉ាម៉ាក់ចៀសវាងដោះក្រវិលចេញមុនរន្ធត្រចៀកជាសះស្បើយ ព្រោះអាចធ្វើរន្ធត្រចៀកបិទជិតវិញ
- ប៉ាម៉ាក់គួរសម្អាតត្រចៀក និងក្រវិលអូនតូចជាមួយទឹកអំបិលដើម្បីជំរុញល្បឿនជាសះស្បើយ
- ប៉ាម៉ាក់គួរចៀសវាងលាបប្រេងកូឡា ឬគ្រីមនៅរន្ធត្រចៀកអូនតូច ព្រោះអាចអាចបណ្តាលឱ្យរន្ធត្រចៀកអូនតូចជាប់ធូលី មេរោគ និងភាគល្អិតក្នុងខ្យល់ផ្សេងទៀត ដែលអាចបង្កឱ្យមានការឆ្លងមេរោគ
- ប៉ាម៉ាក់ចៀសវាងកិបគូទក្រវិលតឹងពេក ព្រោះអាចបណ្តាលឱ្យអូនតូចមានការឈឺចាប់ និងឆ្លងមេរោគ
- ប៉ាម៉ាក់គួរចៀសវាងឱ្យអូនតូចហែលទឹកមុនពេលរន្ធត្រចៀកជាសះស្បើយ ដើម្បីការពារឆ្លងមេរោគពីក្នុងអាងទឹក ទន្លេ ឬសមុទ្រ
- បា៉ម៉ាក់គួរដោះក្រវិលអូនតូចចេញពេលយប់បន្ទាប់រន្ធត្រចៀកជាសះស្បើយ ដើម្បីរន្ធត្រចៀកមានខ្យល់ចូលចេញ និងការពារការឆ្លងមេរោគ