ជាម៉ាក់គេចឹងហើយ បារម្ភនោះបារម្ភ ពិសេសអាអូនទើបចេះដើរ តិចដួល តិចបោកក្បាល បើអាចសុខចិត្តឈឺជំនួស មិនអ៊ីចឹងគ្នាយើង? ប៉ុន្តែកាន់តែបារម្ភខ្លាំង ដួលប៉ះទង្គិចក្បាលញយខ្លាចដូចខួរក្បាលពេលអូនៗធំឡើង។ កុំបារម្ភអី ប៉ះទង្គិចក្បាលបន្តិចបន្តួចញយ សម្រាប់ក្មេងតូចៗជារឿងធម្មតាទេ។ អត្ថបទ “Hello គ្រូពេទ្យ” មួយនេះ នឹងស្រាយចម្ងល់ ក៏ដូចជាប្រាប់ពីមូលហេតុនៅពីក្រោយរឿងនេះឲ្យគ្នាយើងបានដឹង។

តាមការសិក្សា ២០% ករណីប៉ះទង្គិច ឬបោកក្បាលចំពោះក្មេងនៅកំពុងចេះដើរតេះតោះ គឺជាចេតនាក្មេងប៉ុណ្ណោះ។ ក្មេងៗភាគច្រើន ចាប់ផ្តើមមានការហ្វឹកហាត់បែបនេះ តាំងពីពួកគេមានអាយុប្រមាណ ៦ខែ ហើយករណីប៉ះទង្គិច ឬបោកក្បាលញឹកញាប់បំផុត គឺចន្លោះវ័យ ១៨-២៤ ខែ។ ទម្លាប់នេះអាចយូរបន្តិចរហូតដល់វ័យ ៣ ឆ្នាំ។ ជាធម្មតា អាអូនតែងរពឹស ជាងមីអូន ជាហេតុដួលបោកក្បាល ច្រើនជាងមីអូនដល់ ៣ ដងឯណោះ ហើយមានមូលហេតុជាច្រើនទៀតដែលក្មេងតូចៗ ចូលចិត្តបោកក្បាលអំឡុងទើបចេះដើរតេះតោះមានដូចជា៖

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

១- រំងាប់ចិត្ត

ទោះដូចជាចម្លែកបន្តិចមែន តែក្មេងចេះដើរតេះតះជាច្រើននាក់បានប្រើក្បាលការសម្រាក។ ភាគច្រើន អូនៗតែងបោកក្បាលខ្លួនឯង នៅពេលគេងលក់ ឬនៅពេលពាក់កណ្តាលយប់ អំឡុងពេលភ្ញាក់ឡើងដោយចៃដន្យ។ អាការៈបោកក្បាលនេះតែងកើតមានឡើងជាញឹកញាប់ ហើយអ្នកជំនាញគិតថាសំឡេងបោកក្បាលនេះអាចធ្វើឲ្យក្មេងៗ ស្រណុកក្នុងចិត្ត ដូចអ្វីម៉ាក់ប៉ា ឧស្សាហ៍លេងជាមួយគេ ដូចជាលើកអុក ឬបោះឡើងលើជាដើម។

២- បន្ថយការឈឺចាប់

បោកក្បាល អាចជួយអូនៗបំបាត់ការឈឺចាប់របស់ពួកគេបានផងដែរ ដូចជា ឈឺសង្កៀតធ្មេញ ឬឈឺក្នុងត្រចៀក អាចជាមូលហេតុនៅពីក្រោយការបោកក្បាលរបស់អូនៗ។ អូនៗតូចៗទើបចេះដើរតេះតោះអាចគិតថា ឈឺចាប់នៅពេលក្បាលបោកប៉ះអ្វីមួយ អាចជួយបំបាត់ការឈឺចាប់ផ្សេងទៀតទៅវិញ។

អត្ថបទគួរអាន៖

៣- បញ្ចេញកំហឹង

បើធ្លាប់ឃើញកូនបោកក្បាលពេលមានអារម្មណ៍ខឹងសម្បារ វាអាចជារឿងធម្មតាទេ ព្រោះអូនៗកំពុងព្យាយាមបញ្ចេញកំហឹង អារម្មណ៍មិនពេញចិត្តអ្វីមួយ។ អំឡុងពេលអាយុតិចនៅឡើយ ក្មេងតូចៗមិនចេះបញ្ចេញ ឬបង្ហាញការគិតតាមរយៈពាក្យសម្តីនោះឡើយ ដូច្នេះការធ្វើសកម្មភាពរាងកាយ គឺក្លាយជាជម្រើសល្អបំផុតរបស់ពួកគេ។

៤- ទាក់ទាញចំណាប់អារម្មណ៍

ជួនកាលក្មេងៗទើបតែចេះដើរតេះតោះបោក ឬទង្គិចក្បាលពួកគេ គឺដើម្បីទាក់ទាញចំណាប់អារម្មណ៍ពីអ្នកដទៃមកលើខ្លួនឯងប៉ុណ្ណោះ។ អូនៗអាចមានភាពវៃឆ្លាតគ្រប់គ្រាន់ ដើម្បីដឹងថាអាកប្បកិរិយាធ្វើបាបខ្លួនឯង អាចជួយខ្លួនទទួលបានការយកចិត្តទុកដាក់ពីម៉ាក់ប៉ា យ៉ាងមានប្រសិទ្ធភាពបំផុត។ ក្រៅពីគោលបំណងទាំងអស់ពីខាងលើ អូនៗអាចនឹងបោកក្បាលដោយសារតែបញ្ហានៅក្នុងដំណើរកាវិវឌ្ឍនៃរាងកាយពួកគេផងដែរ។ អាការៈបោកក្បាល អាចជាសញ្ញានៃជំងឺអូទីហ្ស៊ឹម (ជំងឺប្រព័ន្ធប្រសាទលើក្មេងៗ) ឬ បញ្ហាវិវត្តសរីរាង្គមួយចំនួន។

បោកក្បាលខ្លួនឯងនេះ គឺមិនល្អនោះទេ ប្រសិនបើញឹកញាប់ពេក ពិសេសនៅពេលដែលក្បាលរបស់គេកំពុងឈឺនោះ។ ប្រសិនបើគ្នាយើងសម្គាល់ឃើញថា អូនៗមានទម្លាប់បោកក្បាល បែបគួរឱ្យព្រួយបារម្ភនោះ សូមប្រញាប់សុំការប្រឹក្សាជាមួយវេជ្ជបណ្ឌិតជាបន្ទាន់។

ទោះបី ជារឿងកម្រកើតមានក៏ដោយ ពេលខ្លះអាការៈបោកក្បាលខ្លួនឯង ជារោគសញ្ញាជំងឺអូទីហ្ស៊ឹម (Autism) ឬជំងឺវិវត្តរាងកាយមិនប្រក្រតីដែរ ខណៈរោគសញ្ញាអាចមានដូចជា៖

– ចង់ដកខ្លួនចេញឆ្ងាយ ពីទំនាក់ទំនងនៅក្នុងសង្គម

– គ្មានទំនាក់ជាមួយក្មេងៗដទៃ មនុស្សជុំវិញខ្លួន រាប់បញ្ចូលទាំងម៉ាក់ប៉ា

– ថយចុះសមត្ថភាពខាងរាងកាយ ដូចជា និយាយ អាន និងរៀនសូត្រជាដើម។

– មានទម្លាប់ខ្មាសអៀនខ្លាំង ព្រោះបញ្ហានេ គឺបង្ហាញយ៉ាងច្បាស់ពីបញ្ហានៅក្នុងដំណើរអភិវឌ្ឍន៍របស់ក្មេងៗតែម្តង។

ចំណុចសំខាន់