កង្វះជាតិដែកលើកុមារមិនត្រឹមតែបង្កឱ្យកុមារមានជំងឺស្លេកស្លាំងទេ ថែមទាំងអាចបង្កឱ្យកុមារលូតលាស់រាងកាយ និងអភិវឌ្ឍខួរក្បាលយឺតទៀតផង។ ហេតុអ្វីបានជាកុមារមានជំងឺនេះ? ជំងឺនេះអាចធ្វើរោគវិនិច្ឆ័យ និងព្យាបាលតាមវិធីណាខ្លះ?
ត្រួតពិនិត្យដោយ គ្រូពេទ្យឯកទេស. វេជ្ជ. ទ្រី លីធាង · ជំងឺកុមារ · មន្ទីរពេទ្យកុមារជាតិ
កង្វះជាតិដែកលើកុមារមិនត្រឹមតែបង្កឱ្យកុមារមានជំងឺស្លេកស្លាំងទេ ថែមទាំងអាចបង្កឱ្យកុមារលូតលាស់រាងកាយ និងអភិវឌ្ឍខួរក្បាលយឺតទៀតផង។ ហេតុអ្វីបានជាកុមារមានជំងឺនេះ? ជំងឺនេះអាចធ្វើរោគវិនិច្ឆ័យ និងព្យាបាលតាមវិធីណាខ្លះ?
លោកវេជ្ជបណ្ឌិត ទ្រី លីធាង ឯកទេសរោគកុមារ និងជំងឺឈាមលើកុមារនៅមន្ទីរពេទ្យកុមារជាតិបានឱ្យដឹងថា កត្តាបង្កឱ្យកុមារខ្វះជាតិដែករហូតដល់ស្លេកស្លាំងរួមមាន៖
– អំឡុងពេលបៅដោះម្តាយ៖ ម្តាយញុំាចំណីអាហារដែលខ្វះជាតិដែក
– របបអាហារ៖ ក្រោយពេលកុមារអាយុ ៦ ខែ ម៉ាក់ប៉ាអាចឱ្យកូនញុំាអាហារដែលខ្វះជាតិដែកដូចជា បបរសជាមួយទឹកត្រី ទឹកស៊ីអ៊ីវ ស្ករស ឬអំបិលជាដើម ដោយមិនបានបន្ថែមបន្លែ ត្រី សាច់ត្រឹមត្រូវ
– ទឹកដោះគោក្រដាស៖ ការឱ្យកូនញុំាទឹកដោះគោក្រដាសមុនអាយុ ១ ខួប
– ទឹកដោះគោខាប់៖ ការឆុងទឹកដោះគោខាប់ឱ្យកូនបៅ ឬញុំាជំនួសទឹកដោះម្តាយ ឬបបរខាប់គ្រប់គ្រឿង
– ការហូរឈាមតិចៗក្នុងខ្លួន៖ ដោយសារដំបៅក្រពះ ឫសដូងបាត ឬដុះសាច់ក្នុងពោះវៀន
– ជំងឺដែលធ្វើឱ្យពោះវៀនមិនស្រូបសារធាតុចិញ្ចឹមបានល្អ (Coeliace disease) ៖ ពេលខ្លះកុមារញុំាចំណីអាហារបានគ្រប់គ្រាន់ហើយ តែពោះវៀនអត់ស្រូបយក។ ដូច្នេះជាតិដែកដែលនាំចូល អត់បានយកទៅប្រើប្រាស់ទេដែលបណ្តាលឱ្យខ្វះជាតិដែក
– ការមានសត្វល្អិតនៅក្នុងខ្លួន៖ ពេលកុមារមានសត្វល្អិតនៅក្នុងខ្លួនក៏បណ្តាលឱ្យជាតិដែកថយចុះដែរ
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
បើម៉ាក់ប៉ាសង្កេតឃើញកូនមានអាការៈស្លេកស្លាំង ម៉ាក់ប៉ាអាចនាំកូនមកពិគ្រោះជាមួយគ្រូពេទ្យ។ គ្រូពេទ្យនឹងធ្វើការពិនិត្យគ្រាប់ឈាមបន្ថែមដោយពិនិត្យលើចំណុចដូចខាងក្រោម៖
ជំងឺស្លេកស្លាំងដោយសារខ្វះជាតិដែកលើកុមារអាចព្យាបាលតាមរយៈ៖
បើកុមារមានអាយុលើសពី ៦ ខែ ម៉ាក់ប៉ាត្រូវឱ្យកុមារញុំាបបរខាប់គ្រប់គ្រឿង ហើយបើចង់ឱ្យកូនញុំាទឹកដោះគោក្រដាស ទាល់តែកូនអាយុលើស ១ ខួប ហើយក្នុងមួយថ្ងៃមិនត្រូវឱ្យកូនញុំាលើសពី ៣០០ មិល្លីលីត្រទេ។
ម្យ៉ាងទៀត ចំណីអាហារកូនត្រូវតែមានជាតិដែកដែលសម្បូរនៅក្នុងសាច់ក្រហម ថ្លើម បន្លែបៃតង សណ្តែក ទំពាំងបាយជូរក្រៀមជាដើម។ បើម្តាយបំបៅដោះ ម្តាយត្រូវញុំាចំណីអាហារដែលមានជាតិដែកគ្រប់គ្រាន់។
គ្រូពេទ្យអាចឱ្យកុមារញុំាថ្នាំជាតិដែកទៅតាមគីឡូកុមារក្នុងរយៈពេល ៣ ទៅ ៥ ខែ ហើយម៉ាក់ប៉ាត្រូវព្យាយាមឱ្យកូនញុំាថ្នាំឱ្យបានចូល និងទៀងទាត់ព្រោះថ្នាំជាតិដែកអាចពិបាកញុំា អាចក្រពុលដែលអាចធ្វើឱ្យកុមារក្អួតមកវិញ។
បើកុមារញុំាថ្នាំជាតិដែកមិនបាន ដាក់ទៅចេះតែក្អួត ឬមានបញ្ហាពោះវៀនដែលពិបាកស្រូបសារធាតុចិញ្ចឹម គ្រូពេទ្យអាចចាក់ថ្នាំជាតិដែកចូលតាមសរសៃវិញក្នុងមួយសប្តាហ៍ម្តងរយៈពេល ៤ សប្តាហ៍។
បើកុមារស្លេកស្លាំងដោយសារខ្វះជាតិដែកធ្ងន់ធ្ងរ ហើយគ្រាប់ឈាមក្រហមធ្លាក់ក្រោម ៤ គ្រូពេទ្យនឹងបញ្ចូលឈាមភ្លាមៗឱ្យកុមារដើម្បីស្តារមុខងារបេះដូង ឬជួយឱ្យកុមារលូតលាស់បានល្អមកវិញ។
លោកវេជ្ជបណ្ឌិតបានបន្ថែមថា ជំងឺស្លេកស្លាំងដោយសារខ្វះជាតិដែកលើកុមារអាចព្យាបាលជា តែត្រូវមានការសហការពីអាណាព្យាបាលដោយកែប្រែរបបអាហាររបស់កុមារ បូករួមនឹងការប្រើថ្នាំឱ្យបានទៀតទាត់។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕