ខែនេះ ដូចពិបាកមើលចិត្តមេឃដល់ហើយ! ពេលថ្ងៃក្ដៅចង់ខ្លោចស្បែក តែពេលល្ងាចបែរជាធ្លាក់ភ្លៀងវិញ។ ក្នុងអាកាសធាតុបែបនេះ អាចធ្វើឲ្យគ្នាយើងមួយចំនួនងាយនឹងឈឺ ពិសេសអ្នកមានប្រព័ន្ធការពាររាងកាយខ្សោយដូចក្មេងៗជាដើម។ ពេលក្មេងៗឈឺពិបាកណាស់ អ៊ីចឹងម៉ាក់ប៉ាគួរតែចេះតិចនិកថែសុខភាពកូនក្នុងអាកាសធាតុពិបាកទាយដឹងបែបនេះ។

គណនាថ្ងៃសម្រាលកូន

ដើម្បីសុខភាពកូនតូចៗ លោកវេជ្ជបណ្ឌិត ចាន់ ស៊ីណេត បានពន្យល់ឲ្យដឹងថា នៅក្នុងខែក្ដៅអាអូនងាយប្រឈមនឹងបញ្ហាខ្សោះជាតិទឹក ហើយបើក្នុងខែភ្លៀង ក្មេងៗងាយកើតជំងឺផ្ដាសាយ គ្រុនឈាម គ្រុនចាញ់ ឬរលាកក្រពះពោះវៀនជាដើម។ ហេតុនេះហើយទើបលោកបានណែនាំឲ្យម៉ាក់ប៉ាការពារសុខភាពដោយ៖

ពេលមេឃក្ដៅ៖ ឲ្យកូនញ៉ាំទឹកគ្រប់គ្រាន់ ចៀសវាងភេសជ្ជៈមានជាតិផ្អែមខ្លាំង ឬមានសារធាតុហ្គាស (សូដាកំប៉ុង ។ល។) ការពារស្បែកកូនដោយលាបឡេការពារកម្ដៅថ្ងៃ ឬពាក់អាវវែងៗពេលចេញក្រៅ ដើម្បីចៀសវាងកូនរលាកស្បែក។
ពេលមេឃភ្លៀង៖ ចៀសឲ្យកូនញ៉ាំអាហារតាមផ្លូវ រកទីជ្រក ឬពាក់អាវភ្លៀង ពោលគឺកុំឲ្យអាអូនត្រូវទឹកភ្លៀង ដើម្បីបង្ការជំងឺផ្ដាសាយ ឬគ្រុនក្ដៅជាដើម។

សុខភាពកូន

បូកផ្សំនឹងការថែទាំខាងលើនេះ វេជ្ជបណ្ឌិតជំនាញផ្នែកទូទៅរូបនេះ ក៏បានណែនាំវិធីសាស្ត្រផ្សេងៗ ក្នុងការថែទាំសុខភាពកូនដែររួមមាន៖

– ត្រូវចាក់វ៉ាក់សាំង

– អនាម័យសុខភាពខ្ពស់

– ប្រើប្រាស់ទឹកស្អាត

– កុំទៅតំបន់ព្រៃ និងតំបន់ដែលមានជំងឺឆ្លង។

ក្រៅពីនេះ ម៉ាក់ប៉ាគួរសម្អាតអនាម័យផ្ទះឲ្យបានល្អ ពិសេសក្នុងខែភ្លៀង ដើម្បីបង្ការការកើតមូសខ្លា និងឲ្យកូនញ៉ាំអាហារក្តៅៗ ហើយមានជីវជាតិ និងឲ្យកូនបញ្ចេញសកម្មភាពរាងកាយឲ្យបានច្រើនតាមដែលអាចធ្វើទៅបាន។

ចំណុចសំខាន់

នៅក្នុងខែក្ដៅអាអូនងាយប្រឈមនឹងបញ្ហាខ្សោះជាតិទឹក ហើយបើក្នុងខែភ្លៀង ក្មេងៗងាយកើតជំងឺផ្ដាសាយ គ្រុនឈាម គ្រុនចាញ់ ឬរលាកក្រពះពោះវៀនជាដើម។
តិចនិកថែសុខភាពកូនពេលមេឃក្ដៅ៖ ឲ្យកូនញ៉ាំទឹកគ្រប់គ្រាន់ ចៀសវាងភេសជ្ជៈមានជាតិផ្អែមខ្លាំង ឬមានសារធាតុហ្គាស ការពារស្បែកកូនដោយលាបឡេការពារកម្ដៅថ្ងៃ ឬពាក់អាវវែងៗពេលចេញក្រៅ ដើម្បីចៀសវាងកូនរលាកស្បែក។
តិចនិកថែសុខភាពកូនពេលមេឃភ្លៀង៖ ចៀសឲ្យកូនញ៉ាំអាហារតាមផ្លូវ រកទីជ្រក ឬពាក់អាវភ្លៀង ពោលគឺកុំឲ្យអាអូនត្រូវទឹកភ្លៀង ដើម្បីបង្ការជំងឺផ្ដាសាយ ឬគ្រុនក្ដៅជាដើម។

អានបន្ថែម៖

មេឃថ្ងៃក្ដៅ ល្ងាចភ្លៀងអ៊ីចឹង មកដឹងវិធីការពារសុខភាពកូនកុំឲ្យឈឺច្រើន

ចំណុចសំខាន់