បច្ចុប្បន្នជំងឺអុតស្វា កំពុងតែបន្ដកើតមាននៅបតាមបណ្ដាប្រទេសជាង ១០លើពិភពលោក រីឯក្រសួងសុខាភិបាលកម្ពុជាក៏បានប្រកាសឲ្យមានការប្រុងប្រយ័ត្នជាខ្លាំងទោះជំងឺនេះមិនទាន់មានវត្តមាននៅកម្ពុជាក៏ដោយ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល កាលពីថ្ងៃទី២២ ខែឧសភា បានចេញសេចក្ដីប្រកាសរួមមួយស្ដីអំពីការវិវត្ដ នៃជំងឺឆ្លងប្រភេទថ្មី អុតស្វា (Monkeypox) ដែលកំពុងតែឆ្លងចូលប្រទេសចំនួន១៦ប្រទេសលើពិភពលោកគិតត្រឹមថ្ងៃទី២១ ខែឧសភា ឆ្នាំ២០២២។ នេះបើតាមអ្វីដែលលោកជំទាវបានដកស្រង់ពីអង្គការសុខភាពពិភពលោក។ ថ្វីត្បិដតែជំងឺចម្លែកនេះ មិនទាន់រាលដាលមកកម្ពុជាក៏ពិតមែន ប៉ុន្ដែលោកជំទាវអំពាវនាវឲ្យប្រជាពលរដ្ឋបង្កើនការប្រុងប្រយ័ត្នឲ្យបានខ្ពស់ ចូលរួមការពារ ជាពិសេសតាមតំបន់ មន្ទីរពេទ្យ សហគមន៍ ទីប្រជុំជន ច្រកចេញចេញចូល អ្នកដំណើរ ដែលធ្លាប់មានប្រវត្ដិមកពីតំបន់ជំងឺ ជាមួយនឹងរោគសញ្ញា ក្ដៅខ្លួន កើតកន្ទួល រមាស់ ពងបែក មានទឹក។
ក្នុងស្ថានភាពសង្ស័យអ្នកដែលមានរោគសញ្ញាដូចជា ក្ដៅខ្លួន ហើមកូនកណ្ដុរ ឈឺក្បាលខ្លាំង ឈឺសាច់ដុំ មានពងបែកលើរាងកាយ ត្រូវផ្ដល់ដំណឹងទៅកាន់មន្ទីរពេទ្យជាចាំបាច់ដើម្បីធ្វើរោគវិនិច្ឆ័យ ការពារ និងត្រូវបន្ដដាក់ឲ្យនៅដាច់ដោយឡែក ជៀសវាងការចម្លងពីមួយទៅមួយបន្ដទៀត។ ករណីដែលអាចចម្លងជំងឺនេះបាន ដូចជា ការប៉ះពាល់អ្នកជំងឺ ប្រើប្រាស់របស់រួមជាមួយអ្នកជំងឺ ការរួមភេទ នៅគៀកអ្នកជំងឺ និង ជំងឺនេះក៏អាចឆ្លងពីម្ដាយទៅកូនពេលក្នុងផ្ទៃ និងពេលសម្រាលបានដែរ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
តាមសេចក្ដីប្រកាសរបស់អង្គសុខភាពពិភពលោកបានបញ្ជាក់ថា មិនទាន់មានករណីស្លាប់ដោយសារជំងឺនេះនៅឡើយទេ ហើយក៏មិនទាន់មានវាក់សាំងជាផ្លូវការនោះដែរ។ ម្យ៉ាងវិញទៀតជំងឺនេះក៏មិនមានការគំរាមកំហែងអ្វីដល់អាយុជីវិតដែរ។ ប៉ុន្ដែវាអាចបង្កការរំខាន់ដល់ជីវភាពប្រចាំថ្ងៃ ដែលអ្នកកើតជំងឺនេះអាចចំណាយពេលព្យាលបាល ចន្លោះពី ១ទៅ ២សប្ដាហ៍ និង ផលវិបាកបន្ទាប់អាចបង្កឲ្យមានស្នាមជាប់នៅលើស្បែក ប្រសិនព្យាបាលមិនបានល្អ។
[embed-health-tool-bmi]
