ពេលខ្លះយើងមិនដឹងថា ផ្នែកមួយណារបស់អាហារ ឬអាហារស្ថិតក្នុងលក្ខខណ្ឌណាមានជាតិពុលទេ ហើយយើងអាចញុំាផ្នែកដែលពុល ឬអាហារនោះដោយមិនដឹងខ្លួន ឬដោយអចេតនា ដែលបណ្តាលឱ្យយើងមានបញ្ហាសុខភាព ប្រសិនបើករណីពុលអាហារនោះស្រាល។ ប្រសិនបើករណីពុលអាហារធ្ងន់ធ្ងរ អាចបណ្តាលឱ្យយើងគ្រោះថ្នាក់ដល់អាយុជីវិត។ តើមានអាហារអ្វីខ្លះដែលអាចធ្វើឱ្យយើងពុលដោយមិនដឹងខ្លួន?

ប្រភេទអាហារទូទៅដែលអាចធ្វើឱ្យយើងពុលដោយមិនដឹងខ្លួនមានដូចជា៖

គ្រាប់ផ្លែឈើស្រស់៖ គ្រាប់ផ្លែប៉ោម គ្រាប់ឆើរី គ្រាប់អាព្រីខត គ្រាប់ផ្លែប៉ែស គ្រាប់ផ្លែព្រូនមានផ្ទុកសមាសធាតុពុលហៅថា អ៊ីដ្រូសែនស្យានិត (Hydrogen cyanide)។ ដូច្នេះពេលញុំាផ្លែឈើទាំងនេះ យើងត្រូវចៀសវាងការខាំគ្រាប់របស់ពួកវា។
ដំឡូងបារាំង៖ ដំឡូងបារាំងពណ៌បៃតង និងដំឡូងបារាំងដែលចេញពន្លកមានសារជាតិពុលសូឡានីន (Solanine) ដែលអាចបង្កឱ្យមានជំងឺធ្ងន់ធ្ងរ ប្រសិនបើយើងញុំាក្នុងបរិមាណច្រើន នេះបើយោងតាមបណ្ណាល័យវេជ្ជសាស្ត្រជាតិអាមេរិក។
ទឹកឃ្មុំ៖ ទឹកឃ្មុំដែលមិនបានឆ្លងកាត់ការសម្លាប់មេរោគមានផ្ទុកសារធាតុពុល Grayanotoxin ដែលធ្វើឱ្យយើងវិលមុខ ខ្សោយ បែកញើសច្រើន ចង្អោរ ឬក្អួតពេញមួយថ្ងៃ ។

ប្រភេទអាហារដែលអាចធ្វើឱ្យយើងពុលដោយមិនដឹងខ្លួន

គ្រាប់អាល់ម៉ុន៖ គ្រាប់អាល់ម៉ុនមានពីរប្រភេទគឺ គ្រាប់អាល់ម៉ុនផ្អែម និងគ្រាប់អាល់ម៉ុនល្វីង។ គ្រាប់អាល់ម៉ុនល្វីងមានផ្ទុកសារធាតុពុលអ៊ីដ្រូសែនស្យានិតក្នុងបរិមាណច្រើន។ ការញុំាគ្រាប់អាល់ម៉ុនល្វីងឆៅ ៧ ទៅ ១០ គ្រាប់អាចបណ្តាលឱ្យមនុស្សពេញវ័យមានបញ្ហា និងអាចបង្កគ្រោះថ្នាក់ដល់កុមារ។
គ្រាប់ស្វាយចន្ទីឆៅ៖ គ្រាប់ស្វាយចន្ទីឆៅមានផ្ទុកសារធាតុពុល Urushiol។ ម្យ៉ាងវិញទៀតសម្បកវាក៏មានផ្ទុកអាស៊ីដ Anacardic ដែលធ្វើឱ្យយើងឡើងកន្តួលរមាស់។

ស្វែងយល់ពីបញ្ហាប្រព័ន្ធរំលាយអាហារ ចុចទីនេះ

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

កម្មវិធីពិនិត្យបញ្ហាលិង្គមិនឡើងរឹងអនឡាញ

ប្រសិនបើយើងពុលអាហារ ភាគច្រើនអាចបណ្តាលឱ្យយើងចង្អោរ ក្អួត ឬរាកដែលធ្វើឱ្យយើងបាត់បង់ជាតិទឹក និងសារធាតុរ៉ែ។ ក្នុងករណីនេះយើងត្រូវញុំាទឹកឱ្យបានច្រើនដើម្បីបំពេញជាតិទឹកឡើងវិញ។ ប្រសិនបើមានអាការៈធ្ងន់ធ្ងរ យើងត្រូវទៅពេទ្យជាបន្ទាន់។

អត្ថបទគួរអាន៖

ចំណុចសំខាន់

ប្រភេទអាហារទូទៅដែលអាចធ្វើឱ្យយើងពុលដោយមិនដឹងខ្លួនមានដូចជា៖

គ្រាប់ផ្លែឈើស្រស់
ដំឡូងបារាំងចេញពន្លក
គ្រាប់អាល់ម៉ុនល្វីង
គ្រាប់ស្វាយចន្ទីឆៅ
ទឹកឃ្មុំដែលមិនបានឆ្លងកាត់ការសម្លាប់មេរោគ

ប្រភេទអាហារមួយចំនួន អាចធ្វើឱ្យពុលដោយមិនដឹងខ្លួន

ចំណុចសំខាន់