យើងធ្លាប់ដឹងថាអ្នកជំងឺទឹកនោមផ្អែម ជាអ្នកជំងឺដែលមានកម្រិតជាតិស្ករក្នុងឈាមខ្ពស់ តែប្រសិនជាព្យាបាលមិនត្រឹមត្រូវ ឬតាមដានសុខភាពជាប់លាប់ជាមួយគ្រូពេទ្យជំនាញទេនោះ ធ្វើឲ្យអ្នកជំងឺមានកង្វះជាតិស្ករទៅវិញ។
មាតិកា
សញ្ញាចុះជាតិស្ករក្នុងឈាម អ្នកជំងឺទឹកនោមផ្អែមត្រូវដឹង
កាលណាកម្រិតជាតិស្ករក្នុងឈាមរបស់អ្នកជំងឺទាបជាង 70mg/dl មានន័យថាកម្រិតជាតិស្ករចុះទាបហើយ។ កង្វះជាតិស្ករលើអ្នកជំងឺទឹកនោមផ្អែម អាចនឹងមានផលប៉ះពាល់ដល់សុខភាពអ្នកជំងឺច្រើន ពិសេសឈានទៅបាត់បង់ជីវិត ប្រសិនបើជួយមិនទាន់ពេលវេលា។
រោគសញ្ញាជាតិស្ករក្នុងឈាមធ្លាក់ចុះទាប
– ងងុយគេង
– ញ័របេះដូង
– ឆេវឆាវ
– ឃ្លាន
– ញ័រដៃ-ជើង
– បែកញើស
កម្រិតជាតិស្ករក្នុងឈាមធ្លាក់ចុះទាប តើអ្នកជំងឺទឹកនោមផ្អែមត្រូវធ្វើដូចម្តេច?
ក្នុងសៀវភៅជំនួយស្មារតីសម្រាប់អ្នកជំងឺទឹកនោមផ្អែម ដែលរៀបរៀងដោយវេជ្ជបណ្ឌិត ស៊ុំ សត្ថា បានណែនាំថា ប្រសិនបើអ្នកជំងឺនៅមានស្មារតីធម្មតា អាចញ៉ាំបាន ត្រូវឲ្យញ៉ាំជាតិស្ករ ១៥ក្រាម (ប្រហែលទឹកក្រូចកន្លះកែវ ស្ករគ្រាប់ ២គ្រាប់ ស្ករស ឬទឹកឃ្មុំ ២ស្លាបព្រាកាហ្វេ) រួចរង់ចាំ ១៥នាទី សឹមពិនិត្យឈាមមើលជាតិស្ករ បើកម្រិតជាតិស្ករក្នុងឈាមនៅតែទាបជាង 70mg/dl ត្រូវញ៉ាំជាតិស្ករ ១៥ក្រាមម្តងទៀត រួចជោះឈាមពិនិត្យជាតិស្ករឡើងវិញ។
ក្នុងករណីអ្នកជំងឺសន្លប់ ប្រកាច់ ឬស្មារតីមិនប្រក្រតី ចាំបាច់ត្រូវនាំអ្នកជំងឺមកមន្ទីរពេទ្យជាបន្ទាន់ ហាមឲ្យអ្នកជំងឺលេបជាតិស្ករតាមមាត់។
អត្ថទពាក់ព័ន្ធ៖
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Low Blood Sugar (Hypoglycemia)
https://www.cdc.gov/diabetes/basics/low-blood-sugar.html
Hypoglycemia
https://www.mayoclinic.org/diseases-conditions/hypoglycemia/symptoms-causes/syc-20373685
Symptoms of Low Blood Sugar
https://healthy.kaiserpermanente.org/health-wellness/health-encyclopedia/he.symptoms-of-low-blood-sugar.aa20831
កំណែប្រែបច្ចុប្បន្ន
02/11/2022
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម