backup og meta

សញ្ញាចុះជាតិស្ករក្នុងឈាម អ្នកជំងឺទឹកនោមផ្អែមត្រូវដឹង

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Nov 02, 2022

សញ្ញាចុះជាតិស្ករក្នុងឈាម អ្នកជំងឺទឹកនោមផ្អែមត្រូវដឹង

យើង​ធ្លាប់​ដឹង​ថា​អ្នក​ជំងឺ​ទឹកនោម​ផ្អែម ជា​អ្នក​ជំងឺ​ដែល​មាន​កម្រិត​ជាតិ​ស្ករ​ក្នុង​ឈាម​ខ្ពស់ តែ​ប្រសិន​ជា​ព្យាបាល​មិន​ត្រឹម​ត្រូវ ឬ​តាម​ដានសុខភាព​ជាប់​លាប់​ជាមួយ​គ្រូពេទ្យ​ជំនាញ​ទេ​នោះ ធ្វើ​ឲ្យ​អ្នក​ជំងឺ​មាន​កង្វះ​ជាតិ​ស្ករ​ទៅ​វិញ។

កាលណា​កម្រិត​ជាតិ​ស្ករ​ក្នុង​ឈាម​របស់​អ្នក​ជំងឺ​ទាប​ជាង 70mg/dl មាន​ន័យថា​កម្រិត​ជាតិស្ករ​ចុះ​ទាប​ហើយ។ កង្វះ​ជាតិ​ស្ករ​លើ​អ្នក​ជំងឺ​ទឹក​នោម​ផ្អែម អាច​នឹង​មាន​ផល​ប៉ះពាល់​ដល់​សុខភាព​អ្នក​ជំងឺ​ច្រើន ពិសេសឈាន​ទៅ​បាត់​បង់​ជីវិត ប្រសិន​បើ​ជួយ​មិនទាន់​ពេល​វេលា។

រោគ​សញ្ញា​ជាតិ​ស្ករ​ក្នុង​ឈាម​ធ្លាក់​ចុះ​ទាប

– ងងុយគេង

– ញ័រ​បេះដូង

– ឆេវឆាវ

– ឃ្លាន

– ញ័រដៃ-ជើង

– បែកញើស

– ស្ពឹក​មាត់

ឈឺក្បាល

រោគ​សញ្ញា​ជាតិ​ស្ករ​ក្នុង​ឈាម​ធ្លាក់​ចុះទាប​ខ្លាំង

– ព្រិល​ភ្នែក

វង្វេងវង្វាន់

– ពិបាក​និយាយ

– សន្លប់ ឬ​ប្រកាច់

កម្មវិធីពិនិត្យជំងឺបម្រុងទឹកនោមផ្អែមអនឡាញ

ចង់គណនារង្វាស់ចង្វាក់បេះដូង ចុចទីនេះ!

​កម្រិត​ជាតិ​ស្ករ​ក្នុង​ឈាម​ធ្លាក់​ចុះ​ទាប តើ​អ្នក​ជំងឺ​ទឹកនោមផ្អែម​ត្រូវ​ធ្វើ​ដូចម្តេច?

ក្នុង​សៀវភៅ​ជំនួយ​ស្មារតី​សម្រាប់​អ្នក​ជំងឺ​ទឹក​នោម​ផ្អែម ដែល​រៀប​រៀង​ដោយ​វេជ្ជបណ្ឌិត ស៊ុំ សត្ថា បានណែនាំថា ប្រសិន​បើ​អ្នក​ជំងឺ​នៅ​មាន​ស្មារតី​ធម្មតា អាច​ញ៉ាំ​បាន ត្រូវ​ឲ្យ​ញ៉ាំ​ជាតិស្ករ ១៥ក្រាម (ប្រហែល​ទឹក​ក្រូច​កន្លះកែវ ស្ករគ្រាប់ ២គ្រាប់ ស្ករស ឬទឹកឃ្មុំ ២ស្លាបព្រា​កាហ្វេ) រួចរង់ចាំ ១៥នាទី សឹម​ពិនិត្យ​ឈាម​មើលជាតិ​ស្ករ បើ​កម្រិត​ជាតិ​ស្ករ​ក្នុង​ឈាម​នៅ​តែ​ទាប​ជាង 70mg/dl ត្រូវ​ញ៉ាំ​ជាតិស្ករ ១៥ក្រាម​ម្តង​ទៀត រួច​ជោះឈាម​ពិនិត្យ​ជាតិ​ស្ករ​ឡើង​វិញ។

ក្នុង​ករណី​អ្នក​ជំងឺ​សន្លប់ ប្រកាច់ ឬ​ស្មារតី​មិន​ប្រក្រតី ចាំបាច់​ត្រូវ​នាំ​អ្នក​ជំងឺ​មក​មន្ទីរពេទ្យ​ជា​បន្ទាន់ ​ហាម​ឲ្យអ្នក​ជំងឺ​លេប​ជាតិ​ស្ករ​តាម​មាត់។

អត្ថទ​ពាក់ព័ន្ធ​៖

ត្រៀមកើតទឹកនោមផ្អែម

បដិសេធ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ត្រួតពិនិត្យដោយ

វេជ្ជ. ចាន់ ស៊ីណេត

· ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ ដេត ធន្នី · កែ Nov 02, 2022

advertisement iconផ្សព្វផ្សាយពាណិជ្ជកម្ម

តើអត្ថបទនេះមានប្រយោជន៍ដែរទេ?

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម