អំឡុងពេលពពោះ ជាពេលវេលាដ៏រំភើបរីករាយរបស់ស្រីៗយើង។ ប៉ុន្តែ ក្នុងអំឡុងពេលនេះដែរ ម៉ាក់ៗអាចប្រឈមនឹងបម្រែបម្រួលអ័រម៉ូននៅក្នុងរាងកាយដែលធ្វើឲ្យយើងងាយប្រឈមនឹងជំងឺផ្សេងៗជាច្រើន តួយ៉ាងដូចជាជំងឺទឹកនោមផ្អែមពេលពពោះ។ ជំងឺនេះ គឺជាស្ថានភាពនៃការកើនឡើងជាតិស្ករក្នុងឈាមនៅអំឡុងពេលពពោះ។
មាតិកា
គន្លឹះងាយៗ ជួយបញ្ចុះជាតិស្ករក្នុងឈាមអំឡុងពេលពពោះបែបធម្មជាតិ
ការកើនឡើងជាតិស្ករក្នុងឈាមអំឡុងពេលពពោះ
អំឡុងពេលពពោះ ទារក និងសុកផលិតអ័រម៉ូនជាក់លាក់មួយចំនួន ដែលរារាំងរាងកាយម៉ាក់ៗពីការប្រើប្រាស់អាំងស៊ុយលីនប្រកបដោយប្រសិទ្ធភាព។ ដូច្នេះហើយ ទើបយើងត្រូវផលិតអង់ស៊ុយលីនបន្ថែម ដើម្បីគ្រប់គ្រងកម្រិតជាតិស្ករក្នុងឈាម។ យ៉ាងណាមិញ ប្រសិនបើអាំងស៊ុយលីនមិនគ្រប់គ្រាន់ទេនោះ ជាតិស្ករក្នុងឈាមនឹងកើនឡើងក្នុងកោសិកាជំនួសវិញ។
ជាទូទៅ ជំងឺទឹកនោមផ្អែមពេលពពោះមិនមានរោគសញ្ញាជាក់លាក់ឡើយ លុះត្រាតែយើងធ្វើតេស្តរកមើលកម្រិតជាតិស្ករ។ ប៉ុន្តែ ក៏មានស្ត្រីខ្លះលេចចេញនូវរោគសញ្ញា ដូចជាស្រេកទឹក នោមញឹកញាប់ អស់កម្លាំងខ្លាំង ឆ្លងមេរោគញឹកញាប់ និងឃ្លានខ្លាំងខុសពីធម្មតា។
មូលហេតុបង្កឲ្យកើតជំងឺទឹកនោមផ្អែមពេលពពោះ
មូលហេតុនៃការកើតជំងឺនេះ មានដូចជាម៉ាក់ៗពពោះនៅអាយុច្រើន មានជំងឺគីសទឹកក្រពេញអូវែ មិនធ្វើលំហាត់ប្រាណ កម្រិតស្រ្តេសកើនឡើង និងមានប្រវត្តិគ្រួសារកើតជំងឺទឹកនោមផ្អែម។
ជំងឺទឹកនោមផ្អែមពេលពពោះបង្កផលប៉ះពាល់អ្វីខ្លះ?
សម្រាប់ទារកក្នុងផ្ទៃដែលមានម៉ាក់ៗកើតជំងឺទឹកនោមផ្អែមពេលពពោះ អាចបណ្តាលឲ្យទារកមានទំហំធំ ការឆ្លងមេរោគ និងពន្យារនៃការអភិវឌ្ឍនៃសួត ។ បន្ថែមពីនេះ ជំងឺទឹកនោមផ្អែមពេលពពោះ ក៏អាចឲ្យកូនទទួលបានជាតិស្ករក្នុងឈាម និងកម្រិតអុកស៊ីហ្សែនទាប ព្រមទាំងមានហានិភ័យនៃការវិវត្តនៃជំងឺធាត់ ជំងឺទឹកនោមផ្អែម និងជំងឺមេតាប៉ូលីស នៅពេលអនាគត។ ចំពោះម៉ាក់ៗវិញ អាចមានហានិភ័យសម្រាលកូនដោយវះកាត់ សម្ពាធឈាមខ្ពស់ សម្រាលកូនមុនខែ ឬអាចវិវត្តន៍ទៅជំងឺទឹកនោមផ្អែមជារៀងរហូតនៅពេលក្រោយ។
គន្លឹះគ្រប់គ្រងជាតិស្ករក្នុងឈាមអំឡុងពេលពពោះ
- រក្សាទម្ងន់ខ្លួនឲ្យបានសមល្មម ញ៉ាំអាហារល្អ និងធ្វើលំហាត់ប្រាណជាទៀងទាត់
- ញ៉ាំអាហារមានជាតិប្រូតេអ៊ីនខ្ពស់ដូចជាបន្លែ ផ្លែឈើ សាច់មាន់ ត្រី និងគ្រាប់ធញ្ញជាតិ
- ជៀសវាងភេសជ្ជៈបន្ថែមស្រក ទឹកផ្លែឈើ ផលិតផលនំប៉័ង និងការ៉េម
- កាត់បន្ថយការញ៉ាំប្រៃ ពីព្រោះអាចបណ្តាលឲ្យសម្ពាធឈាមខ្ពស់
- តាមដានជាតិស្ករក្នុងឈាមជាប្រចាំ
- គួរពិនិត្យរកមើលជំងឺទឹកនោមផ្អែម ក្រោយសម្រាលកូនបាន៦ ទៅ១២សប្តាហ៍។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Diabetes During Pregnancy: Diet Tips
https://www.ucsfhealth.org/education/diabetes-during-pregnancy-diet-tips
What can I eat with gestational diabetes?
https://www.diabetes.org.uk/guide-to-diabetes/enjoy-food/eating-with-diabetes/gestational-diabetes
Gestational diabetes diet
https://medlineplus.gov/ency/article/007430.htm
កំណែប្រែបច្ចុប្បន្ន
28/04/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម