១- តើអ្វីជាដុំសុដន់ប្រភេទ fibroadenoma?
ដុំ fibroadenoma នៅលើសុដន់គឺជាដុំស្លូតមួយដែលច្រើនកើតលើមនុស្សស្រីវ័យក្មេង។ ដុំនេះមិនបង្ករជាគ្រោះថ្នាក់ធ្ងន់ធ្ងរនោះទេ ហើយភាគច្រើនបាត់ទៅវិញដោយខ្លួនឯង និងមិនចាំបាច់ត្រូវការការព្យាបាលដែរ។ ដុំ fibroadenoma មិនមែនជាដុំមហារីកនោះទេ ហើយមិនរីករាលដាលទៅកាន់សរីរាង្គដទៃផ្សេងទៀតនោះដែរ។ ភាគច្រើនដុំនេះមានទំហំតូច រឹងពេលប៉ះ តែមិនឈឺនោះទេ។
អត្ថបទពាក់ព័ន្ធ៖ កើតមហារីកសុដន់ ប៉ះពាល់អារម្មណ៍ដៃគូអត់?
២- ដុំ fibroadenomas នៅលើសុដន់មានពីរប្រភេទគឺ៖
- ដុំ fibroadenomas ធម្មតាមិនបង្ករឲ្យឈានទៅរកជំងឺមហារីកនៅសុដន់។ រូបរាងរបស់មិនប្រែប្រួល គឺនៅដដែលបើមើលតាមមីក្រូទស្សន៍។
- ដុំ fibroadenomas សាំញ៉ាំមានកោសិកាគីសតូចៗ ផ្ទុកទៅដោយទឹកពេញអាចមើលឃើញនឹងភ្នែកទទេ នឹងមានជាប់ជាតិកាល់ស្យូម។
៣- ហេតុអ្វីបានជាស្រីៗកើតដុំ fibroadenomas នៅលើសុដន់?
អ្នកវិទ្យាសាស្ត្រមិនទាន់អាចបកស្រាយបាននៅឡើយទេ ថាហេតុអ្វីបានជាស្រីៗកើតដុំ fibroadenomas។ ប៉ុន្តែ គេជឿថាអ័រម៉ូន (អឺស្ត្រូហ្សែន) អាចជាមូលហេតុបង្ករឲ្យកើតបញ្ហាមួយនេះ។ ក្រៅពីនេះនៅមានថ្នាំគ្រាប់ពន្យាកំណើត ពេលស្រីៗខ្លះបានលេបមុនអាយុ ២០ឆ្នាំ គឺអាចឲ្យវិវត្ដទៅជាដុំ fibroadenomas ច្រើនជាងអ្នកដទៃ។ ដុំនៅលើសុដន់អាចរីកមាឌកាន់តែធំពេលស្រីៗកំពុងពពោះ ហើយនឹងអាចរួញមកវិញពេលដល់វ័យអស់រដូវ។
អត្ថបទពាក់ព័ន្ធ៖
- ស្រីៗប្រយ័ត្នកើតមហារីកមិនដឹងខ្លួន បើនៅតែមានទម្លាប់អាក្រក់ទាំងនេះ
- ស្រីៗវះកាត់ពង្រីកដើមទ្រូងញឹកញាប់ អាចប្រឈមមហារីកសុដន់?
៤- តើធ្វើដូចម្ដេចទើបអ្នកដឹងថាខ្លួនឯងមានដុំនៅលើសុដន់?
គ្រូពេទ្យនឹងពិនិត្យលើសុដន់របស់យើង។ ពេលខ្លះយើងប្រហែលជាត្រូវការថតមើល ឬប្រើម៉ាស៊ីនថតសុដន់ ដើម្បីដឹងថាជាដុំមហរីកឬមិនមែន និងអាំចតម្រូវឲ្យច្រឹបសាច់នោះយកទៅវិភាគនៅមន្ទីពិសោធន៍។
៥- ធ្វើដូចម្ដេចដើម្បីកម្ចាត់ដុំ fibroadenomas នៅលើសុដន់ចេញបាន?
ទោះបីជាដុំ fibroadenomas មិនបង្ករឲ្យមានគ្រោះថ្នាក់ដល់សុខភាពរបស់ស្រីៗក្ដី ស្រីៗយើងក៏អាចជ្រើសយកវិធីវះកាត់ចោលប្រសិនបើចង់ ឬប្រសិនបើមានប្រវត្តិក្រុមគ្រួសារកើតជំងឺមហារីកសុដន់។ ការណែនាំឲ្យវះកាត់ដុំលើសុដន់ប្រសិនបើ៖
- ដុំនោះធ្វើឲ្យប៉ះពាល់ដល់រូបរាងរបស់សុដន់
- ដុំបណ្ដាលឲ្យយើងឈឺ
- ធ្លាប់មានក្រុមគ្រួសារកើតជំងឺមហារីកសុដន់
- ប្រសិនបើលទ្ធផលវិភាគសាច់ចេញមកមិនសូវល្អ
ប៉ុន្តែនៅពេលដែលយើងវះយកដុំ fibroadenomas ចេញរួចរាល់ ដុំនេះនៅតែអាចកើតឡើងវិញម្ដងទៀតបានដដែល។
ប្រសិនបើដុំ fibroadenomas មិនរីកធំជាងមុន ឬរួមតូចវិញដោយខ្លួនឯង យើងប្រហែលជាមិនចាំបាច់ត្រូវខ្វល់ពីដុំនេះពេកទេ ដោយសារតែការវះយកចេញគឺបានន័យថា យើងបាត់បង់ជាលិកាជុំវិញសុដន់ជាច្រើន។ ហើយថែមទាំងបន្សល់ទុកស្លាក់ស្នាម និងអាចខូចរូបរាងរបស់សុដន់ ឬអាចធ្វើឲ្យសុដន់របស់យើងប្រែរូបរាងទៅជាចម្លែកក៏ថាបាន។
៦- ការរស់នៅជាមួយដុំ fibroadenomas នៅលើសុដន់
មនុស្សស្រីមានដុំ fibroadenomas នៅលើសុដន់គឺអាចប្រឈមមុខខ្ពស់ក្នុងការវិវត្ដទៅរកជំងឺមហារីកសុដន់។ ដូចនេះប្រសិនបើយើងរកឃើញថាខ្លួនឯងមានដុំ fibroadenomas នៅលើសុដន់ហើយ គួរតែទៅជួបជាមួយគ្រូពេទ្យឲ្យបានទៀងទាត់ ដើម្បីតាមដានស្ថានភាព។ គ្រូពេទ្យនឹងណែនាំឲ្យយើងពិនិត្យដងខ្លួនឲ្យបានញឹកញាប់ ដើម្បីពិនិត្យរកមើលបញ្ហាមិនប្រក្រដីណាមួយកើតឡើងលើសុដន់របស់យើង។ ប្រសិនបើយើងសង្កេតឃើញមានការប្រែប្រួលមិនប្រក្រតីលើរូបរាង ទំហំ ឬប្រែប្រួលលើដុំ fibroadenomas ដែលមានស្រាប់លើសុដន់ យើងគួរតែប្រញ៉ាប់ទៅជួបគ្រូពេទ្យឲ្យបានលឿន។
អត្ថបទពាក់ព័ន្ធ៖
- កត្តាសំខាន់ទាំងបីនេះ ជាមូលហេតុធ្វើឲ្យកើតមហារីកសុដន់ ពិតមែន?
- ខ្លាច! ត្រូវចេះបង្ការផង ប្រយ័ត្នលាប់ឡើងវិញ
- ស្រីៗគួរដឹង! នេះជាថ្នាំអាចបង្ការមហារីកសុដន់
- Mastodynia (បញ្ហាឈឺសុដន់)
- ស្រីៗ បើមានអារម្មណ៍មិនស្រួលពេលពាក់អាវក្នុង អាចជាសញ្ញាមហារីកសុដន់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
