ការពពោះ ជាបទពិសោធន៍ដ៏រំភើបរីករាយមួយរបស់ម៉ាក់ៗ ប៉ុន្តែនៅពេលជាមួយគ្នានេះ ស្ត្រីពពោះអាចប្រឈមនឹងបញ្ហាសុខភាពមួយចំនួន ដូចជាអាការៈក្រហាយទ្រូងជាដើម។ អារម្មណ៍ក្រហាយនៅទ្រូង និងបំពង់ក ធ្វើឲ្យម៉ាក់ៗមិនស្រួលក្នុងខ្លួន ជាពិសេសនៅពេលយប់ ឬក្រោយញ៉ាំអាហារ។ តើបញ្ហានេះកើតឡើងបណ្តាលមកពីអ្វី? ដោះស្រាយបែបណា?
មាតិកា
គន្លឹះដោះស្រាយបញ្ហាក្រហាយទ្រូងអំឡុងពេលពពោះ ម៉ាក់ៗមិនគួររំលង!
មូលហេតុនៃការក្រហាយទ្រូងអំឡុងពេលពពោះ
១. ការប្រែប្រួលអ័រម៉ូន
ការកើនឡើងនៃកម្រិតអ័រម៉ូន ជាពិសេសអ័រម៉ូន progesterone អាចជំរុញឲ្យអាស៊ីដក្រពះច្រាលត្រឡប់ទៅកាន់បំពង់អាហារវិញ ដែលបញ្ហាឲ្យមានអាការៈក្រហាយទ្រូង។
២. សម្ពាធនៅលើក្រពះកើនឡើង
អំឡុងពេលពពោះ ស្បូនដែលកំពុងលូតលាស់បានដាក់សម្ពាធលើក្រពះ ដែលអាចរុញអាស៊ីដក្រពះទៅក្នុងបំពង់អាហារ។ សម្ពាធនេះ រួមចំណែកដល់ការវិវត្តនៃរោគសញ្ញាក្រហាយទ្រូង។
៣. របបអាហារ
អាហារ និងភេសជ្ជៈជាក់លាក់ អាចនាំឲ្យម៉ាក់ៗប្រឈមនឹងអាការៈក្រហាយទ្រូងអំឡុងពេលពពោះ ដែលអាហារទាំងនេះ រួមមានអាហារហឹរ ខ្លាញ់ច្រើន ឬអាហារចៀន ពពួកផ្លែក្រូច សូកូឡា កាហ្វេអ៊ីន ភេសជ្ជៈដែលមានជាតិហ្គាស។ល។
៤. ការប្រែប្រួលរូបរាងកាយ
ស្របពេលដែលទារកលូតលាស់ ស្បូនដែលរីកធំអាចរុញក្រពះឡើងទៅខាងលើ និងបង្កើនឱកាសនៃការច្រាល់អាស៊ីដ និងក្រហាយទ្រូង។
៥. ស្រ្តេស និងផ្លូវចិត្ត
ស្រ្តេស និងការថប់បារម្ភ អាចធ្វើឲ្យរោគសញ្ញាក្រហាយទ្រូងកាន់តែធ្ងន់ធ្ងរជាងមុន។ ជាក់ស្តែង ម៉ាក់ៗអាចមានការប្រែប្រួលអារម្មណ៍ និងកើនឡើងកម្រិតស្ត្រេសអំឡុងពេលពពោះ ដែលកត្តានេះរួមចំណែកដល់ការវិវត្តនៃអាការៈក្រហាយទ្រូង។
គន្លឹះជៀសវាងបញ្ហាក្រហាយទ្រូងអំឡុងពេលពពោះ
- ជៀសវាងអាហារដែលនាំឲ្យក្រហាយទ្រូង
- ទំពារអាហារយឺតៗ និងឲ្យម៉ត់ល្អ
- ជៀសវាងគេងភ្លាមៗក្រោយញ៉ាំអាហាររួច
- ស្លៀកសំលៀកបំពាក់រលុងៗ ជាពិសេសនៅបរិវេណពោះ
- ញ៉ាំទឹកឲ្យបានគ្រប់គ្រាន់
- គ្រប់គ្រងស្ត្រេសឲ្យបានល្អ តាមរយៈការធ្វើសកម្មភាពកំសាន្តផ្សេងៗ ហាត់ប្រាណបែបស្រាលៗ ឬធ្វើសមាធិ។ល។
- ក្នុងករណីដែលបញ្ហាក្រហាយទ្រូងមិនបាត់ទៅវិញ ឬកាន់តែធ្ងន់ធ្ងរ ម៉ាក់ៗគួរតែពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Heartburn During Pregnancy
https://my.clevelandclinic.org/health/diseases/12011-heartburn-during-pregnancy
How to Prevent and Treat Heartburn During Pregnancy
https://www.lancastergeneralhealth.org/health-hub-home/motherhood/your-pregnancy/how-to-prevent-and-treat-heartburn-during-pregnancy
Pregnancy Heartburn? 7 Ways to Get Relief
https://intermountainhealthcare.org/blogs/topics/intermountain-moms/2021/05/pregnancy-heartburn-7-ways-to-get-relief/
កំណែប្រែបច្ចុប្បន្ន
10/07/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម