អំឡុងពេលពពោះ បើធ្វេសប្រហែសក្នុងការថែទាំសុខភាព អាចបណ្ដាលឲ្យទារកប្រឈមនឹងកើតបញ្ហាពីកំណើតខ្ពស់មែនទែន។ ក្នុងនោះ បញ្ហាពីកំណើតទាក់ទងនឹងសរីរាង្គរបស់អាអូនក៏កើតមានញឹកញាប់ដែរ។ បើចង់ដឹងកូនមានវិបត្តិសរីរាង្គ ឬអត់ យើងគួរធ្វើបែបណា?
ចង់ដឹងកូនមានវិបត្តិសរីរាង្គពីកំណើតឬអត់ ម៉ាក់ៗពពោះគួរពិនិត្យសុខភាពតាមរបៀបណាខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឆ្លើយតបនឹងបញ្ហានេះ លោកវេជ្ជបណ្ឌិត សឿ ច័ន្ទវិសាល ឯកទេសផ្នែកសម្ភព និងរោគស្រ្តី ឲ្យដឹងថា ជំងឺវិបត្តិសរីរាង្គដែលអាអូនក្នុងផ្ទៃដែលជួបញឹកញាប់ជាងគេមាន ជំងឺ Trisomy21 (ជំងឺសតិមិនគ្រប់ទឹក) Trisomy18 និង Trisomy13។ ស្ត្រីចាំបាច់បំផុតមិនអាចខកខានបានត្រូវពិនិត្យផ្ទៃពោះ នៅអាយុកូនពី១១-១៣សប្ដាហ៍ ៦ថ្ងៃ ដើម្បី៖
១. ពិនិត្យអេកូ វាស់កម្រាស់កញ្ចឹងកកូន (NT)
២. វាស់ប្រវែង ឆ្អឹងច្រមុះ
៣. បូមឈាមម៉ាក់ៗធ្វើតេស្ដ Double test: Free beta hCG, PAPP-A
៤. អាយុម្ដាយ
លោកបញ្ជាក់ថា ក្រោយពីបានលទ្ធផលនេះ និងអាចគណនា ដើម្បីរកហានិភ័យកម្រិតទាប ឬកម្រិតខ្ពស់របស់ជំងឺទាំង ៣ខាងលើ។ ក្នុងករណីលទ្ធផលបញ្ជាក់ថា មានហានិភ័យកម្រិតទាប ម៉ាក់ៗត្រូវតាមដានពិនិត្យផ្ទៃពោះដូចធម្មតា។
ប៉ុន្តែ បើលទ្ធផលបញ្ជាក់ថា មានហានិភ័យខ្ពស់ គឺត្រូវធ្វើការចោះបូមយកទឹកភ្លោះយកកោសិកាកូនទៅពិនិត្យរកភាពខុសប្រក្រតីនៃក្រូម៉ូសូម នៅអាយុ១៦សប្ដាហ៍ឡើងទៅ និងពិនិត្យអេកូ ពិនិត្យលម្អិតរកភាពមិនប្រក្រតីនៃសរីរាង្គនីមួយៗរបស់កូន នៅអាយុពី១៨-២៤សប្ដាហ៍។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម