ក្រោយសម្រាលកូនហើយ ចាស់ៗតែងហៅថា ស្រីៗ «កូនខ្ចី» និងតម្រូវឲ្យអ្នកកូនខ្ចីនោះ នៅស្ងៀមមិនត្រូវធ្វើអ្វីទាំងអស់រាប់ខែ រហូតចូលដល់ឆ្នាំទៀតផង ព្រោះគិតថាការធ្វើការងារសម្រាប់អ្នកសម្រាលកូនរួច បណ្ដាលឲ្យទាស់។
វេជ្ជបណ្ឌិត គាន់ អូន បានឲ្យដឹងថា ពាក្យកូនខ្ចីរបស់ចាស់ៗពីមុន គឺក្រោយសម្រាលស្រីៗត្រូវស្លៀកពាក់ជិតៗ ពាក់មួក គ្របត្រចៀក ឬមានសម្លីញ៉ុកត្រចៀកកុំឲ្យចូលខ្យល់ ពាក់ស្រោមជើង និងសម្រាកនៅស្ងៀមរាប់ខែមិនធ្វើអ្វីសោះ។ លោកពន្យល់ថា ក្រោយសម្រាលកូនបាន ៤៥ ថ្ងៃ គេលែងហៅថាកូនខ្ចីទៀតហើយ ព្រោះជាពេលដែលអាចមករដូវ និងរួមភេទបានឡើងវិញ ដែលនេះជានិយមន័យនៃពាក្យកូនខ្ចីត្រឹមត្រូវតាមក្បួនពេទ្យ។ ជាធម្មតាស្ត្រីនឹងចាប់ផ្ដើមមករដូវវិញនៅចន្លោះ ៣ ទៅ ១០ សប្ដាហ៍ក្រោយសម្រាលកូន ឬជាមធ្យម ៤៥ ថ្ងៃ តែលក្ខខណ្ឌនេះក៏មានភាពខុសៗគ្នាទៅតាមស្ត្រីម្នាក់ៗ អាស្រ័យលើសុខភាពកាយ ចិត្ត និងរបៀបនៃការបំបៅកូន។
សាស្ត្រាចារ្យវេជ្ជបណ្ឌិតរូបនោះបន្ថែមទៀតថា មុនរយៈពេល ៤៥ ថ្ងៃនេះម៉ាក់ៗក៏អាចទៅផ្សារ ធ្វើម្ហូប បោសផ្ទះ បោកសម្លៀកបំពាក់ ធ្វើការងារគ្រប់យ៉ាងគ្រាន់តែកុំសូវធ្វើធ្ងន់ដែលហួសពីកម្លាំងយើង និងអាចដើរហើរលេងឆ្ងាយក៏បាន គ្រាន់តែត្រូវចេះការពារខ្លួនកុំឲ្យឈឺ ព្រោះបើឈឺដូចជាផ្ដាសាយ ក្អក អាចឆ្លងទៅទារកបាន ហើយកូននៅតូចឈឺមិនមែនស្រួលក្នុងការបញ្ចុកថ្នាំឡើយ។
ប្រធានផ្នែករោគស្ត្រី នៃមន្ទីរពេទ្យកាល់ម៉ែតបន្តថា ចាស់ៗច្រើនបង្គាប់ស្ត្រីសម្រាលកូនរួចមិនឲ្យញ៉ាំអាហារមានបន្លែ ព្រោះខ្លាចកូនហើមពោះ។ តែក្បួនវិជ្ជាសាស្ត្រគេហាមតែបន្លែឆៅ បន្លែលាងមិនស្អាត ប៉ុណ្ណោះក្រៅពីនោះញ៉ាំបានធម្មតា ដើម្បីសម្បូរទឹកដោះឲ្យកូនបៅ។ មួយវិញទៀតការមិនឲ្យត្រូវទឹកភ្លៀង ឬចេញក្រៅមានអាកាសធាតុត្រជាក់ ក៏ជួយការពារមិនឲ្យឈឺបានដែរ គ្មានទាក់ទងនឹងរឿងទាស់អ្វីទេ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Caring for Your Health After Delivery
https://my.clevelandclinic.org/health/articles/9679-postpartum-care
Labor and delivery, postpartum care
https://www.mayoclinic.org/healthy-lifestyle/labor-and-delivery/in-depth/postpartum-care/art-20047233
Postnatal care
https://www.mariestopes.org.kh/services/maternity-services/postnatal-care/
កំណែប្រែបច្ចុប្បន្ន
12/03/2025
អត្ថបទដោយ Try Ravi
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ សុខ វណ្ណ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
