ស្រ្តីពពោះ ផ្ដាសាយមិនងាយបាត់ អត់ចង់លេបថ្នាំខ្លាចប៉ះពាល់កូន ត្រូវធ្វើម៉េច?

ពពោះ ហើយកើតផ្ដាសាយទៀត ជារឿងគ្រោះថ្នាក់ ព្រោះការប្រើថ្នាំផ្ដេសផ្ដាស នឹងធ្វើឱ្យប៉ះពាល់សុខភាពទារកនៅក្នុងផ្ទៃ។ ចាំ “Hello គ្រូពេទ្យ” ប្រាប់វិធីដោះស្រាយ!

១- វិធីការពារងាយៗ

ផ្ដាសាយ ងាយឆ្លងណាស់ ជាពិសេសអ្នកពពោះ។ ស្រីៗមានផ្ទៃពោះ គួរយល់ដឹងពីវិធីការពារ កុំឱ្យផ្ដាសាយ៖

– លាងដៃនឹងសាប៊ូឱ្យបានញឹក

– បើដឹងអ្នកផ្ទះ ឬពួកម៉ាកផ្ដាសាយ កុំទៅជិត

– នៅឱ្យឆ្ងាយពីមនុស្សច្រើននាក់ផ្ដុំគ្នានៅមួយកន្លែង ដែលអាចចម្លងផ្ដាសាយបានលឿនបំផុត

– បើដឹងថា ដៃមិនស្អាត កុំយកទៅប៉ះនឹងភ្នែក ច្រមុះ និងមាត់ ព្រោះមេរោគផ្ដាសាយងាយឆ្លងណាស់។

គណនាថ្ងៃមេជីវិតញីទុំធ្លាក់នៅទីនេះ

គណនាថ្ងៃសម្រាលកូន

ការឡើងទម្ងន់ស្ត្រីអំឡុងពពោះ

២- វិធីព្យាបាលតាមធម្មជាតិ

អាចសាកល្បងព្យាបាលផ្ដាសាយដំបូងតាមធម្មជាតិសិន មុនទៅពេទ្យ៖

– ញ៉ាំទឹក ឬទឹកផ្លែឈើស្រស់សម្បូរវីតាមីន C ឱ្យច្រើន

– គេងឱ្យច្រើន ពេលមានផ្ដាសាយតិចៗ (ឈឺក្បាល វិលមុខ -ល-)

– ប្រើឧបករណ៍ចម្រោះខ្យល់បរិសុទ្ធ ឬផលិតខ្យល់ (គេតែងដាក់ក្នុងបន្ទប់ម៉ាស្សា ដើម្បីផលិតក្លិនឈ្ងុយក្នុងបន្ទប់) ដែលមានក្លិនក្រូចឆ្មារ ឬក្លិនផ្សេងៗដែលត្រូវនឹងច្រមុះ។

ពពោះ

៣- វិធីព្យាបាលតាមវេជ្ជសាស្ត្រ

បើព្យាបាលតាមធម្មជាតិ នៅតែមិនជា ហើយមានលក្ខណៈធ្ងន់ ដោយសារវីរុស ត្រូវទៅពេទ្យពិនិត្យ និងព្យាបាល ព្រោះរាល់ការប្រើថ្នាំពេទ្យតាមចិត្តចង់ ឬទិញផ្ដេសផ្ដាសនៅខាងក្រៅ អាចប៉ះពាល់ដល់កូនក្នុងផ្ទៃ។

អាន៖