ស្រីៗមានផ្ទៃពោះភាគច្រើនចាស់ឲ្យថ្នមខ្លួន មិនត្រូវធ្វើការធ្ងន់ៗ បើនិយាយរឿងហាត់ប្រាណវិញ រឹតតែអត់ទៅទៀតហើយ ព្រោះត្រូវធ្វើកាយវិការ ពត់ពេនដងខ្លួន លើកដៃលើកជើង។ តែបើនិយាយពីក្បួនពេទ្យ ការហាត់ប្រាណដោយប្រើកាយវិការល្មមៗ ពិសេសហាត់យ៉ូហ្កា ផ្តល់ប្រយោជន៍ចំពោះស្ត្រីទាំងអំឡុងពេលពពោះ និងក្រោយសម្រាលកូន។
មាតិកា
ស្រីៗពពោះ និងសម្រាលកូនរួច ហាត់យ៉ូហ្កា ផ្តល់ប្រយោជន៍ហួសស្មាន
១. អត្ថប្រយោជន៍នៃការហាត់យ៉ូហ្កាពេលមានផ្ទៃពោះ
ហាត់ប្រាណពេលពពោះមិនមែនដើម្បីឲ្យរាងស្អាតនោះទេ គឺដើម្បីសុខភាពល្អទាំងម្តាយទាំងកូន រួមទាំងអត្ថប្រយោជន៍ផ្សេងទៀត។ ចំពោះស្រីៗគ្នាយើងដែលមានផ្ទៃពោះ តែមិនធ្លាប់ហាត់សោះ ត្រូវចាប់ផ្តើមហាត់ប្រភេទយ៉ូហ្កាថ្នាក់ដំបូង ដែលស្រដៀងនឹងការអង្គុយសមាធិដែរ គ្រាន់តែគេបញ្ចូលការពត់ពេនរាងកាយបែបស្រាលៗ មិនធ្វើឲ្យប៉ះពាល់ដល់ក្នុងផ្ទៃឡើយ។
ចំពោះអត្ថប្រយោជន៍នៃការហាត់យ៉ូហ្កាពេលពពោះមាន៖
– ជួយសម្រួលចលនាឈាមរត់ ចង្វាក់បេះដូង សួត
– ធ្វើឲ្យអារម្មណ៍ស្ងប់
– កាត់បន្ថយអាការៈអស់កម្លាំង មួម៉ៅ ចាញ់កូន
– កាត់បន្ថយអាការៈឈឺខ្នង ចង្កេះ
– ជួយសម្រាលភាពចុករួយស្រពន់ជើង
– ជួយសាច់ដុំអាងត្រគាក ធ្វើឲ្យងាយសម្រាលកូន។
២. អត្ថប្រយោជន៍នៃការហាត់យ៉ូហ្កាក្រោយពេលសម្រាលកូន
ស្រ្តីដែលសម្រាលកូនដោយវះកាត់ អាចហាត់ប្រាណនៅពេលមុរបួសជាសះស្បើយ ដោយត្រូវរង់ចាំរហូតដល់រយៈពេល ៦ អាទិត្យ បន្ទាប់ពីសម្រាលរួច។ ចំពោះស្ត្រីដែលសម្រាលដោយធម្មជាតិវិញ អាចហាត់ប្រាណបានបន្ទាប់ពីចេញពីមន្ទីរពេទ្យ មិនថាការហាត់យ៉ូហ្កា ឬហាត់អ្វីផ្សេងនោះទេ ដែលអត្ថប្រយោជន៍គឺខុសគ្នាច្រើនពីពេលហាត់កាលមានផ្ទៃពោះ។
– ជួយសម្រកទម្ងន់
– ធ្វើឲ្យរាងកាយឆាប់ត្រលប់មកសភាពដើមវិញ
– កាត់បន្ថយស្ត្រេស
– កាត់បន្ថយអាការៈឈឺខ្នង។
៣. ប្រការគួរធ្វើ និងចៀសវាងពេលហាត់ប្រាណ
ដោយសារលក្ខខណ្ឌសុខភាពស្ត្រីពេលពេលពពោះ និងក្រោយសម្រាល ខុសគ្នានឹងមនុស្សធម្មតា ដូច្នេះពេលហាត់ប្រាណ ឬយ៉ូហ្កា ត្រូវតែប្រយ័ត្នខ្លួនបន្តិច ដើម្បីកុំឲ្យមានបញ្ហាចោទចំពោះសុខភាព។
ប្រការគួរធ្វើ៖
– ស្លៀកសម្លៀកបំពាក់រលុងៗ ឬយឺត
– ជ្រើសរើសប្រភេទស្បែកជើងកីឡាឲ្យបានសមពេលហាត់ប្រាណ
– ហាត់ប្រាណនៅទីតាំងមានផ្ទៃរាបស្មើ ដើម្បីបង្ការគ្រោះថ្នាក់
– ញ៉ាំអាហារផ្ដល់កាឡូរីគ្រប់គ្រាន់ យ៉ាងតិច ១ ម៉ោង មុនហាត់ប្រាណ
– ផឹកទឹកឲ្យបានច្រើន ទាំងមុន អំឡុងពេល និងក្រោយហាត់ប្រាណ
– ក្រោយហាត់ប្រាណផ្ទាល់នឹងកម្រាល ពេលក្រោក ត្រូវក្រោកយឺតៗ ចៀសវាងការវិលមុខ ដួល។
ប្រការគួរចៀសវាង៖
– ចលនាបង្វិលចង្កេះ ពេលឈរ
– ចៀសវាងសកម្មភាពផ្លាស់ប្ដូរលឿនៗ ហក់ចុះហក់ឡើង
– កុំហាត់ប្រាណនៅក្នុងអាកាសធាតុក្ដៅ ឬហប់
– កុំព្យាយាមអត់ដង្ហើម ដើម្បីហាត់ប្រាណបានយូរ ឬច្រើន
– កុំហាត់ប្រាណពេលអស់កម្លាំង
– ចៀសវាងសកម្មភាពនានា ងាយធ្វើឲ្យយើងដួល
– សកម្មភាពលោតហក់ចុះឡើង។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Prenatal yoga: What you need to know
https://www.mayoclinic.org/healthy-lifestyle/pregnancy-week-by-week/in-depth/prenatal-yoga/art-20047193
Yoga for Pregnant Women
https://www.artofliving.org/yoga/yoga-for-women/yoga-and-pregnancy
Prenatal Yoga
https://americanpregnancy.org/healthy-pregnancy/pregnancy-health-wellness/prenatal-yoga/
កំណែប្រែបច្ចុប្បន្ន
24/02/2023
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម