របបអាហារ ដូចដឹងស្រាប់ហើយ សំខាន់ណាស់សម្រាប់សុខភាពកូនៗយើងទាំងអស់គ្នា យ៉ាងណាត្រូវដឹងថា អាហារណាល្អ អាហារណាមិនល្អដែរ បើចេះតែញ៉ាំផ្តេសផ្តាស មិនត្រឹមតែមិនជួយដល់រាងកាយទេ ថែមទាំងបង្កផលប៉ះពាល់សុខភាពទៀតផង ពិសេសបើកូនកំពុងមានជំងឺស្រាប់។ អត្ថបទនេះ “Hello គ្រូពេទ្យ” ចង់លើកឡើងអាហារ ២ប្រភេទ គួរចៀសវាង បើកុមារកំពុងមានជំងឺអូទីស្សឹម។
១- អាហារមានជាតិ Gluten និង Casein
ជំងឺអូទីស្សឹម ឬហៅថា Autism Spectrum Disorder (ASD) ជាជំងឺដែលបណ្ដាលមកការវិវត្តរបស់ខួរក្បាល។ ក្មេងដែលមានជំងឺអូទីស្សឹម ច្រើនមានបញ្ហាក្នុងការប្រាស្រ័យទាក់ទងជាមួយអ្នកដទៃ។ ដើម្បីបន្ថយរោគសញ្ញាជំងឺនេះ គ្រូពេទ្យអាចនឹងឲ្យញ៉ាំរបបអាហារពិសេសមួយចំនួន។
មានទ្រឹស្ដីមួយបាននិយាយថា ក្មេងមានជំងឺអូទីស្សឹម ងាយអាល្លែកហ្ស៊ីជាមួយអាហារមានជាតិ Gluten និង Casein ណាស់។ ពេលញ៉ាំអាហារមានសារធាតុទាំងនេះ រាងកាយដែលមាជំងឺ នឹងបំបែកសារធាតុមួយឈ្មោះថា Peptides និងប្រូតេអ៊ីន ខុសពីមនុស្សធម្មតាដែលមិនមានជំងឺ ហើយកត្តានេះ ទើបធ្វើឲ្យជំងឺកាន់តែធ្ងន់ធ្ងរ។ ខួរក្បាលកុមារដែលកើតជំងឺអូទីស្សឹម នឹងច្រឡំថា ជាតិប្រូតេអ៊ីនទាំងនោះ ដូចនឹងសារធាតុគីមីក្នុងអាភៀន ហើយជាការឆ្លើយតបទៅនឹងសារធាតុគីមីទាំងនោះ នាំឲ្យកុមារផ្លាស់ប្ដូរអាកប្បកិរិយាខ្លួន ដោយអ្នកជំនាញរកឃើញដែរថា កម្រិតសារធាតុរាវនៅក្នុងរាងកាយកុមារមានជំងឺអូទីស្សឹម ក៏មានភាពមិនប្រក្រតីដូចគ្នា។
– សារធាតុ Gluten៖ សារធាតុនេះ អាចរកឃើញនៅក្នុងគ្រាប់ធញ្ញជាតិ ដូចជា ស្រូវសាលី និងស្រូវ Barley នំប៉័ង នំ Pretzels នំខេក ប៉ាស្តា ជាទូទៅ ជាតិគ្លុយទែនទេ។ តមញ៉ាំជាតិគ្លុយទែន អាចជារឿងពិបាក ប៉ុន្តែយើងអាចពិនិត្យមើលលើស្លាកផលិតផល អាចមានបញ្ជាក់ មានជាតិគ្លុយទែន ឬគ្មានបាន ដោយមានសរសេរថា Gluten-free។
– សារធាតុ Casein៖ សារធាតុ Casein អាចរកឃើញមានក្នុងអាហារមានជាតិស្ករឡាក់តូស (Lactose) ។ ទោះជាយ៉ាងនេះក្ដី អាហារមួយចំនួន ដាក់ស្លាកថាគ្មានជាតិទឹកដោះគោ (Dairy-free) ឬគ្មានជាតិឡាក់តូស (Lactose-free) ក៏នៅតែអាចមានជាតិបានដែរ។ ដោយសារតែផលិតផលពីទឹកដោះគោ ជាប្រភពល្អបំផុតរបស់វីតាមីន D និងជាតិកាល់ស្យូម ដូចនេះ កុមារមានជំងឺអូទីស្សឹម ត្រូវការប្រភពអាហារផ្សេងទៀតមានកម្រិតសារធាតុទាំងនេះគ្រប់គ្រាន់ ដើម្បីបំពេញតម្រូវការប្រចាំថ្ងៃ។
២- សណ្ដែកសៀង និងផលិតផលពីសណ្ដែកសៀង
សណ្ដែកសៀង និងផលិតផលពីសណ្ដែកសៀង អាចធ្វើឲ្យមានបម្រែបម្រួលហ្សែនបណ្ដាលឲ្យមានអាលែកហ្ស៊ីអាហារ ហើយបញ្ហានេះអាចធ្វើឲ្យជំងឺអូទីស្សឹមកាន់តែធ្ងន់ធ្ងរ។
[embed-health-tool-baby-poop-tool]
ទំនាក់ទំនងរវាងផលិតផលមានប្រភពពីសណ្ដែកសៀង និងអាការៈប្រកាច់លើក្មេងៗកើតជំងឺអូទីស្សឹម ក៏អាចកើតមានដូចគ្នា មានន័យថា បើពេលក្មេងមានជំងឺអូទីស្សឹមតាំងពីតូច ហើយបានញ៉ាំផលិតផលមានជាតិប្រូតេអ៊ីនពីសណ្ដែកសៀង នោះពេលពេញវ័យ នឹងអាចមានអាការៈកាន់តែប្រកាច់ច្រើន។ អាការៈប្រកាច់ អាចនឹងធ្វើឲ្យផ្លាស់ប្ដូរអាកប្បកិរិយាកុមារដែលមានជំងឺនេះ ដោយសារតែសកម្មភាពអេឡិកទ្រិច នៅក្នុងខួរក្បាលខុសប្រក្រតី។ ផលិតផលពីសណ្ដែកសៀង រួមមាន ទឹកស៊ីអ៊ីវ ប្រេងសណ្ដែកសៀង តៅហ៊ូ និងទឹកសណ្ដែក។
អត្ថបទគួរអាន៖
- អាអូនមិនព្រមពេលគេងថ្ងៃ ម៉ាក់ៗដោះស្រាយបែបណា?
- ៥ ចំណុច ជួយប៉ា់ម៉ាក់បង្កើតទម្លាប់គេងល្អដល់កូន
- ប៉ាម៉ាក់ចូលចិត្តឲ្យក្មេងលេងទូរសព្ទ មុនចូលគេង ប្រយ័ត្នលើសដើម!
- ទារកទើបកើតញញឹមពេលគេងលក់ មកពីមូលហេតុទាំងនេះ
- បើកូនគេងអត់តុក្កតាមិនបាន រករឿងច្រើន សាកវិធីទាំងនេះ
- ម៉ាក់ៗគួរដឹង មូលហេតុទាំង៥នេះ ធ្វើឲ្យអាអូនមិនគេង
