សារធាតុចិញ្ចឹមសំខាន់ៗចាំបាច់ណាស់ក្នុងការទ្រទ្រង់ផលិតភាព ការលូតលាស់ និងសុខភាពល្អរបស់មនុស្សយើងម្នាក់ៗ នេះបើយោងតាមអង្គការសុខភាពពិភពលោក (WHO) ។ បញ្ហាគឺថាយើងអាចទទួលបានសារធាតុចិញ្ចឹមដែលរាងកាយត្រូវការក្នុងមួយថ្ងៃមិនគ្រប់គ្រាន់ ឬមិនសូវយល់ដឹងថា ក្នុងមួយថ្ងៃ យើងត្រូវការសារធាតុចិញ្ចឹមចាំបាច់អ្វីខ្លះដែលរាងកាយយើងត្រូវការ?

ខាងក្រោមនេះ ជាពពួកសារធាតុចិញ្ចឹមដែលរាងកាយយើងត្រូវការជាប្រចាំថ្ងៃ ដើម្បីជួយដល់ដំណើរការប្រព័ន្ធផ្សេងៗក្នុងរាងកាយ៖

១. វីតាមីន

ពពួកវីតាមីនជាមីក្រូសារធាតុចិញ្ចឹមដែលផ្ដល់អត្ថប្រយោជន៍ជាច្រើនដល់សុខភាពរួមមាន ពង្រឹងប្រព័ន្ធការពាររាងកាយ ការពារ ឬពន្យារពេលជំងឺមហារីកមួយចំនួន រក្សាស្បែកឲ្យមានសុខភាពល្អ ជួយទ្រទ្រង់ឲ្យឈាមមានសុខភាពល្អ និងជួយដល់ខួរក្បាល និងដំណើរការប្រព័ន្ធសរសៃប្រសាទជាដើម។ នៅក្នុងនោះដែរ មាន១៣ វីតាមីនចាំបាច់ គឺ៖

វីតាមីន A៖ ការ៉ុត ដំឡូងជ្វា ល្ពៅ
វីតាមីន D៖ ផ្សិត ពោតបារាំង ស៊ុតក្រហម
វីតាមីន E៖ ប្រេងអូលីវ ផ្លែបឺរ គ្រាប់ផ្កាឈូករ័ត្ន
វីតាមីន K៖ បន្លែស្លឹកបៃតង សាច់មាន់ ផ្លែឈើអម្បូរបឺរី
វីតាមីន C៖ ត្របែក ល្លុង ផ្លែឈើអម្បូរក្រូច
វីតាមីន B1 B12 B6 B2 B5 B3 B9 B7៖ ស៊ុត សណ្តែក គ្រាប់ធញ្ញជាតិ

២. ជាតិរ៉ែ

រ៉ែជាប្រភេទមីក្រូសារធាតុចិញ្ចឹម ដែលរាងកាយត្រូវការមានដូចជា៖ ម៉ាញេស្យូម

កាល់ស្យូម៖ ផលិតផលទឹកដោះ កូនត្រីល្អិតៗ ផ្លែក្រូច
សូដ្យូម៖ អំបិល បង្ការ ជ្រក់
ប៉ូតាស្យូម៖ ផ្លែចេក ត្រសក់ស្រូវផ្អែម សណ្តែក
ជាតិដែក៖ បន្លែស្លឹកបៃតង ថ្លើម ទំពាំងបាយជូរក្រៀម
ទង់ដែង៖ គ្រឿងសមុទ្រ គ្រាប់ផ្លែឈើ ប៉េងប៉ោះ
អ៊ីយ៉ូត៖ គ្រឿងសមុទ្រ សារាយសមុទ្រ ដំឡូងបារាំង

ហើយជួយទ្រទ្រង់រាងកាយដូចជា៖

រក្សាតុល្យភាពកម្រិតទឹក
ជួយថែរក្សាសុខភាពស្បែក សក់ និងក្រចក
ពង្រឹងសុខភាពឆ្អឹង
ជួយដល់សម្ពាធឈាម។ល។

៣. ប្រូតេអ៊ីន

ប្រូតេអ៊ីន ជាមីក្រូសារធាតុចិញ្ចឹម ដែលរាល់ជាលិកាក្នុងរាងកាយយើងត្រូវការ ដើម្បីដំណើរការសរីរាង្គបានល្អ។ ប្រូតេអ៊ីនអាចផ្ដល់ប្រយោជន៍ច្រើនដូចជា៖

ធានាដល់ការលូតលាស់ និងអភិវឌ្ឍរបស់សាច់ដុំ ឆ្អឹង សក់ និងស្បែក
បង្កើតអង់ទីករ អ័រម៉ូន និងសារធាតុសំខាន់ផ្សេងៗ
ជាប្រភពថាមពលសម្រាប់ជាលិកា និងកោសិកាក្នុងពេលត្រូវការ។ល។

យើងអាចទទួលបានប្រូតេអ៊ីនពីរបបអាហារប្រចាំថ្ងៃមួយចំនួនដូចជា សាច់ក្រហម ត្រី គ្រឿងសមុទ្រ សណ្ដែក គ្រាប់ធញ្ញជាតិ ឬសណ្ដែកសៀងជាដើម។

សារធាតុចិញ្ចឹម,អាហារូបត្ថម្ភ

ចង់គណនា BMR ចុចទីនេះ!

ចង់គណនារកចង្វាក់បេះដូងលោត ចុចទីនេះ!

ចង់ពិនិត្យជំងឺសរសៃឈាមបេះដូង ចុចទីនេះ!

ចង់ពិនិត្យសញ្ញាព្រមានសរសៃឈាមខួរក្បាល ចុចទីនេះ!

៤. សារធាតុខ្លាញ់

គ្នាយើងមួយចំនួនច្រើនគិតថា អាហារដែលខ្លាញ់ច្រើនមិនល្អសម្រាប់សុខភាព តែមនុស្សយើងម្នាក់ៗត្រូវការជាតិខ្លាញ់ខ្លះ ដើម្បីធ្វើជួយសុខភាពឲ្យល្អ។ ជាតិខ្លាញ់ផ្ដល់ឲ្យរាងកាយនូវថាមពល និងជួយដល់ដំណើរការផ្សេងៗរបស់រាងកាយ ប៉ុន្តែសារធាតុខ្លាញ់នេះ ជាខ្លាញ់ល្អៗសម្រាប់សុខភាពដូចជា monounsaturated និង polyunsaturated មានក្នុងមានក្នុងប្រេងអូលីវ ប្រេងសណ្តែក គ្រាប់ផ្លែឈើ ផ្លែបឺរ។ល។ និងចៀសវាងរាល់ជាតិខ្លាញ់មិនល្អដូចជា ខ្លាញ់សត្វ ប័រ សាច់ក្រហម។ល។

សារធាតុខ្លាញ់ល្អជួយដល់ដំណើរការរាងកាយដូចជា៖

ជួយដល់ការលូតលាស់របស់ជាលិកា
បង្កើតជាលិកាថ្មី
កាត់បន្ថយហានិភ័យនៃជំងឺបេះដូង និងទឹកនោមផ្អែមប្រភេទ ២
ដំណើរការប្រព័ន្ធភាពស៊ាំ និងផលិតអ័រម៉ូន

៥. កាបូអ៊ីដ្រាត

កាបូអ៊ីដ្រាតសំខាន់សម្រាប់រាងកាយ ព្រោះវាជាជាតិស្ករដែលផ្ដល់ថាមពលដល់គ្រប់កោសិកា និងជាលិកាក្នុងរាងកាយ។ កាបូអ៊ីដ្រាតចែកចេញជា២ប្រភេទគឺ ធម្មតា និងកំផ្លិច។ យើងគួរតែកំណត់ការញ៉ាំកាបូអ៊ីដ្រាតធម្មតាដូចជាពពួកនំបុ័ងស បាយ និង pasta និងបំពេញតម្រូវការកាបូអ៊ីដ្រាតកំភ្លិច ព្រោះវាជួយដល់រាងកាយដូចជា៖

ដំណើរប្រព័ន្ធការពាររាងកាយ
ដំណើរការខួរក្បាល
ដំណើរប្រព័ន្ធសរសៃប្រសាទ
ដំណើរការប្រព័ន្ធរំលាយអាហារ ។ល។

យើងអាចរកកាបូអ៊ីដ្រាតកំផ្លិចនៅក្នុងអាហារដូចជា បន្លែ អង្ករសម្រូប ផ្លែឈើ។ល។

៦. ទឹក

ទឹកប្រហែលជាសារធាតុចិញ្ចឹមសំខាន់បំផុតដែលរាងកាយត្រូវការ។ ដូចដែលយើងដឹងថា មនុស្សអាចរស់បានតែ ២-៣ថ្ងៃប៉ុណ្ណោះ បើមិនបានញ៉ាំទឹក។ បើយើងញ៉ាំទឹកមិនបានគ្រប់គ្រាន់ យើងអាចខ្សោះជាតិទឹក ឈឺក្បាល ឬប៉ះពាល់ដល់សុខភាព។ ទឹកជួយដំណើរការរាងកាយដូចជា៖

កម្ចាត់ជាតិពុលក្នុងខ្លួន
បញ្ជូនសារធាតុចិញ្ចឹមទៅគ្រប់ជាលិកា
ទប់ទល់បញ្ហាទល់លាមក
ផ្ដល់សំណើម។ល។

នៅពេលស្រេកទឹក យើងគួរចៀសវាងញ៉ាំភេសជ្ជៈផ្អែមរួមមាន តែ កាហ្វេ សូដា ទឹកក្រូចឆ្មារ ឬទឹកផ្លែឈើដែលមានបន្ថែមជាតិស្ករក្នុងនោះ។

អត្ថបទគួរអាន៖

ចំណុចសំខាន់

សារធាតុចិញ្ចឹមដែលរាងកាយយើងត្រូវការជាប្រចាំថ្ងៃរួមមាន៖

ពពួកវីតាមីន
ជាតិរ៉ែ
ប្រូតេអ៊ីន
សារធាតុខ្លាញ់
កាបូអ៊ីដ្រាត
ទឹក

សារធាតុចិញ្ចឹម ៦ មុខនេះ រាងកាយយើងត្រូវការចាំបាច់រាល់ថ្ងៃ