ទាំងនេះ ជាទំនាក់ទំនងរវាងការចង់ញុំាអាហារ និងកង្វះវីតាមីន

ពេលខ្លះយើងអាចចង់ញុំាអាហារអ្វីមួយដូចជា នំខេក ដំឡូងបំពង ទឹកក្រូច នំបុ័ង ឬមី យ៉ាងខ្លាំង ដែលខុសពីការឃ្លានអាហារធម្មតា។ ការឃ្លានបែបនេះ ជាសញ្ញាប្រាប់យើងថា ដល់ពេលញុំាអាហារដើម្បីបំពេញថាមពលហើយ។ ហេតុអ្វីបានជាពេលខ្លះយើងចង់ញុំាអាហារអ្វីមួយខ្លាំងម្ល៉េះ?

តាមការសិក្សាបានឱ្យដឹងថា ហេតុផលនៅពីក្រោយកត្តាដែលជំរុញឱ្យយើងចង់ញុំាអាហារអ្វីមួយខ្លាំង គឺដោយសាររាងកាយយើងខ្វះវីតាមីន ឬសារធាតុចិញ្ចឹមណាមួយ ហើយបណ្តាលចិត្តយើងចង់ញុំាអាហារដែលមិនល្អចំពោះសុខភាព ព្រោះអាហារទាំងនោះក៏មានផ្ទុកសារធាតុចិញ្ចឹមដែលរាងកាយយើងត្រូវការដែរ។

១. អាហារផ្អែមៗ

ការចង់ញុំាអាហារផ្អែមៗអាចដោយសាររាងកាយយើងខ្វះសារធាតុចិញ្ចឹមសំខាន់ៗប្រាំដូចជា៖

ក្រូមីញ៉ូម (គ្រប់គ្រងកម្រិតជាតិស្ករក្នុងឈាម)
កាបូន (ធាតុមួយក្នុងចំណោមធាតុផ្សំរបស់ជាតិស្ករ)
ផូស្វ័រ (ជំរុញការផលិតថាមពល)
ស្ពាន់ធ័រ (ជួយបណ្តេញជាតិពុលចេញពីរាងកាយ)
សារធាតុ tryptophan (ជំរុញការផលិត serotonin ដែលជាអ័រម៉ូនជួយគ្រប់គ្រងអារម្មណ៍ និងធ្វើឱ្យយើងមានអារម្មណ៍មិនល្អ)

ជំនួសឱ្យការញុំាអាហារផ្អែមៗ យើងអាចញុំាទំពាំងបាយជូ គ្រាប់ផ្លែឈើ គ្រាប់ធញ្ញជាតិ ប្រូខូលី ខ្ទឹមបារាំងឆៅ សាឡាដ សណ្តែកបារាំង ផ្សិត ប៉េងប៉ោះ ដំឡូងជ្វាជាដើម។ ការញុំាអាហារសម្បូរប្រូបាយអូទិកដូចជា ទឹកដោះគោជូរក៏អាចជួយបំបាត់អាការៈចង់ញុំាអាហារផ្អែមៗដែរ។

២. អាហារផ្ទុកកាបូអ៊ីដ្រាតចម្រាញ់

ការចង់ញុំាអាហារផ្ទុកកាបូអ៊ីដ្រាតចម្រាញ់ដូចជានំប៉័ង ប៉ាស្តា នំ ឬមីជាដើមបង្ហាញថា រាងកាយយើងខ្វះសារធាតុក្រូមីញ៉ូម ដែលមាននាទីជួយទ្រទ្រង់មុខងារលំពែងក្នុងការរំលាយអាហារមានជាតិស្ករ។

យើងអាចញុំាស៊ុត សណ្តែក គ្រាប់ផ្លែឈើ គ្រាប់ធញ្ញជាតិ ផ្លែឈើអម្បូរក្រូច ទំពាំងបាយជូរ ប៉ោម ដំឡូងបារាំង ឬបន្លែពណ៌បៃតងជាដើមជំនួសការញុំាអាហារផ្ទុកកាបូអ៊ីដ្រាតចម្រាញ់។

៣. សាច់ក្រហម

ការចង់ញុំាសាច់ក្រហមដូចជា សាច់គោ សាច់ចៀម សាច់ជ្រូកជាដើមមានន័យថារាងកាយយើងកំពុងខ្វះប្រូតេអ៊ីន ឬជាតិដែក ជាពិសេសក្នុងអំឡុងពេលស្រីៗមករដូវ។

ជំនួសឱ្យការញុំាសាច់ក្រហម យើងអាចញុំាត្រី គ្រឿងសមុទ្រ សណ្តែកបណ្តុះ សារាយសមុទ្រ ដំណាប់ផ្លែឈើ ស្ពៃពួយឡេង ឬផ្លែឆឺរីជាដើម។

យើងក៏អាចញុំាអាហារដែលសម្បូរទៅដោយវីតាមីន C ដូចជា ស្ពៃក្តោប ល្ហុង ផ្លែឈើអម្បូរក្រូចដើម្បីឱ្យរាងកាយស្រូបយកជាតិដែកបានល្អ។

៣. អាហារបំពងស្រួយៗ

ការចង់ញុំាអាហារបំពងស្រួយៗអាចមកពីរាងកាយយើងខ្វះសារធាតុក្លរួ និងអាស៊ីដខ្លាញ់។ អាហារសម្បូរទៅដោយសារធាតុក្លរួមានដូចជា ខិនឆាយ ប៉េងប៉ោះ ឬសារាយសមុទ្រជាដើម។

អាហារសម្បូរអាស៊ីដខ្លាញ់ល្អមានដូចជា ត្រីសាល់ម៉ុន ត្រីធូណា ស៊ុត គ្រាប់ផ្លែឈើ ផ្កាខាត់ណា សណ្តែកសៀង គ្រាប់ឈៀ ប្រេងអូលីវ ផ្លែបឺរជាដើម។

អាហារបំពងស្រួយៗ

ចង់គណនា BMR ចុចទីនេះ!

ចង់គណនា BMI ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

៤. សូកូឡា

ប្រសិនបើយើងចង់ញុំាសុកូឡាមានន័យថា រាងកាយយើងកំពុងខ្វះម៉ាញេស្យូម ឬកំពុងស្រេស្តខ្លាំង។ ម៉ាញ៉េស្យូមជាសារធាតុរ៉ែដែលអាចរម្ងាប់អាការៈថប់បារម្ភ ឆាប់ខឹង គេងមិនលក់ និងជួយឱ្យឈាមរត់បានល្អ។

ជំនួសឱ្យការញុំាសូកូឡា យើងអាចញុំាត្រី ចេក សណ្តែក គ្រាប់ផ្លែឈើ គ្រាប់ធញ្ញជាតិ គ្រាប់ល្ពៅ តៅហ៊ូ បន្លែស្លឹកបៃតង ឬផ្លែប័រជាដើម។

៥. អាហារប្រៃៗ

ការចង់ញុំាអាហារប្រៃៗអាចមកពីរាងកាយយើងកំពុងខ្វះជាតិរ៉ែដូចជា កាល់ស្យូម ក្លរ ឬជាតិទឹក។ ដូច្នេះ យើងត្រូវញុំាទឹកឱ្យបានច្រើន និងញុំាអាហារដូចជា ល្ង ប្រូខូលី សណ្តែក ខិនឆាយ ប៉េងប៉ោះ បន្លែស្លឹកបៃតចាស់ សារាយសមុទ្រ ស៊ុត ផលិតផលទឹកដោះ ពពួកសត្វមានសម្បកដូចជា ក្តាម បង្ការ ឬគ្រំជាដើម។

៦. កាហ្វេ ឬតែ

ការចង់ញុំាកាហ្វេ ឬតែអាចបណ្តាលមកពីការញៀនកាហ្វេ ឬតែ តែក៏អាចបណ្តាលមកពីរាងកាយយើងកំពុងខ្វះសារធាតុចិញ្ចឹមដូចជា ជាតិដែក ស្ពាន់ធ័រ ឬផូស្វ័រដែរ។

អាហារសម្បូរស្ពាន់ធ័រមានដូចជា ស្ពៃក្តោបពណ៌ស្វាយ ទំពាំងបារំាង ប្រូខូលី ខ្ទឹមបារាំង ខ្ទឹមខ្យល់ ឬខ្ទឹមស ហើយអាហារមានផ្ទុកផូស្វ័រខ្ពស់រួមមានសាច់មាន់ គ្រឿងសមុទ្រ គ្រាប់ធញ្ញជាតិ គ្រាប់ល្ពៅ ឬ គ្រាប់ផ្កាឈូករ័ត្នជាដើម។

៧. អាហារមានជាតិខ្លាញ់

ការចង់ញុំាអាហារមានជាតិខ្លាញ់អាចបណ្តាលមកពីរាងកាយយើងខ្វះជាតិកាល់ស្យូម។ យើងគួរញុំាគ្រាប់ល្ពៅ ទឹកដោះគោ ផលិតផលទឹកដោះ ផ្លែបឺរ គ្រាប់ផ្លែឈើ ប្រូខូលី ឬបន្លែស្លឹកបៃតងជំនួសវិញ។

៨. ទឹកកក

ពេលរាងកាយយើងខ្វះជាតិដែក យើងអាចចង់ញុំាទឹកកកយ៉ាងខ្លាំង។ ដូច្នេះ យើងអាចញ៉ាំអាហារសម្បូរជាតិដែកដូចជា បន្លែស្លឹកបៃតង ស៊ុត សារាយសមុទ្រ គ្រឿងសមុទ្រ សណ្តែក ទំពាំងបាយជូរក្រៀមជាដើម។

ពេលយើងចង់ញុំាអាហារដែលមិនល្អចំពោះសុខភាព យើងគួរញុំាអាហារដែលល្អចំពោះសុខភាពជំនួសវិញទើបអាចបំពេញកង្វះវីតាមីន ឬសារធាតុចិញ្ចឹមបានត្រឹមត្រូវល្អ។

អត្ថបទគួរអាន៖

ចំណុចសំខាន់៖

មូលហេតុនៅពីក្រោយការចង់ញុំាអាហារ និងកង្វះវីតាមីន៖

អាហារផ្អែមៗដោយសាររាងកាយខ្វះសារធាតុចិញ្ចឹមដូចជា៖ ក្រូមីញ៉ូម កាបូន ផូស្វ័រ ស្ពាន់ធ័រ និងសារធាតុ tryptophan
អាហារផ្ទុកកាបូអ៊ីដ្រាតចម្រាញ់ដូចជានំប៉័ង នំ ប៉ាស្តា មីជាដើមបង្ហាញរាងកាយយើងកង្វះសារធាតុក្រូមីញ៉ូម
សាច់ក្រហមមានន័យថារាងកាយយើងកំពុងខ្វះប្រូតេអ៊ីន ឬជាតិដែក
អាហារបំពងស្រួយៗអាចមកពីរាងកាយយើងខ្វះសារធាតុក្លរួ ឬអាស៊ីដខ្លាញ់
សុកូឡាន័យថា រាងកាយយើងកំពុងខ្វះម៉ាញេស្យូម ឬកំពុងស្រេស្តខ្លាំង
អាហារប្រៃៗអាចមកពីរាងកាយយើងកំពុងខ្វះ កាល់ស្យូម ក្លរ ឬជាតិទឹក
កាហ្វេ ឬតែអាចបណ្តាលមកពីការញៀនកាហ្វេ ឬតែ តែក៏អាចបណ្តាលមកពីរាងកាយយើងកំពុងខ្វះជាតិដែក ស្ពាន់ធ័រ សូដ្យូម ឬផូស្វ័រដែរ
អាហារមានជាតិខ្លាញ់អាចបណ្តាលមកពីរាងកាយយើងខ្វះជាតិកាល់ស្យូម
ទឹកកកអាចបណ្តាលមករាងកាយយើងខ្វះជាតិដែក