តេស្ដូស្ដេរ៉ូនគឺជាអ័រម៉ូនភេទប្រុស ដែលមានមុខងារសំខាន់ៗជាច្រើនក្នុងរាងកាយ។ ក្នុងនោះជួយជំរុញដល់ការលូតលាស់របស់ឆ្អឹងឲ្យរឹងមាំ ស្បែក ពណ៌សម្បុរ សក់ សំឡេង សាច់ដុំ និង បំពេញមុខងារផ្លូវភេទឲ្យរឹងមាំផងដែរ។ អ័រម៉ូននេះមាននៅក្នុងរាងកាយ ទាំងបុរស និង ស្ដ្រី ប៉ុន្ដែនៅក្នុងរាងកាយបុរសមានច្រើនជាងស្ដ្រី ទើបគេហៅថាអ័រម៉ូនភេទប្រុស។ ដូច្នេះបុរសៗប្រសិនបើជួបបញ្ហាថយចុះអ័រម៉ូននេះហើយ បញ្ហាប្រឈមខ្លាំងជាងគេ គឺសុខភាពផ្លូវភេទតែម្ដង។
មាតិកា
សញ្ញាសំខាន់ៗកំពុងបង្ហាញថាអ័រម៉ូនតេស្ដូស្ដេរ៉ូនថយចុះវ័យក្រោម ៣០ឆ្នាំ
តាមការសិក្សាកន្លងមកបានបង្ហាញថា អ័រម៉ូននេះនឹងចាប់ផ្ដើមថយចុះបរិមាណក្នុងវ័យចាប់ពី៤៥ឆ្នាំឡើងទៅ ប៉ុន្ដែករណីមួយចំនួនមានការប្រែប្រួលដែលបុរសៗខ្លះមិនទាន់ដល់អាយុ៣០ឆ្នាំផងក៏ចាប់ផ្ដើមថយចុះជាបណ្ដើរៗទៅហើយ នោះក៏ព្រោះតែកត្ដាជីវភាពរស់នៅ ការហូបចុក និង រាងកាយមិនសូវមានសកម្មភាព។
តើការថយចុះកម្រិតអ័រម៉ូនតេស្ដូស្ដេរ៉ូនវ័យក្រោម៣០ឆ្នាំបង្ហាញសញ្ញាដូចម្ដេច?
ការថយចុះកម្រិតបរិមាណអ័រម៉ូន តេស្ដូស្ដេរ៉ូនភេទប្រុសនឹងបង្ហាញសញ្ញាសំខាន់ដូចជា៖
- ខ្សោយសមត្ថភាពផ្លូវភេទ លិង្គមិនសូវឡើងរឹង រួមភេទឆាប់ចេញទឹក
- ថយចុះចំណង់ផ្លូវភេទ
- អសមត្ថភាពបង្កកំណើត
- ជ្រុះសក់ច្រើន
- ថយចុះម៉ាសសាច់ដុំ
- រាងកាយកើនឡើងជាតិខ្លាញ់
- គេងមិនសូវស្កប់ស្កល់
- ស្មុគស្មាញច្រើន
- ចុះខ្សោយការគិត
- ឡើងគីឡូ
- ដោះរីកធំជាងមុន
ទាំងនេះជារោគសញ្ញាគួរកត់សម្គាល់ថា បរិមាណតេស្ដូស្ដេរ៉ូនក្នុងរាងកាយត្រូវថយចុះ។
កត្ដាសំខាន់ៗដែលបណ្ដាលឲ្យថយចុះបរិមាណ តេស្ដូស្ដេរ៉ូន
- ការឡើងកម្រិតកូលេស្ដេរ៉ូលក្នុងឈាមខ្ពស់
- ការគ្រប់គ្រងរបបអាហារមិនបានល្អ
- មានជំងឺលើសសម្ពាធឈាម
- ឡើងគីឡូលឿន ឬ ធាត់
- ផឹកស្រា ជក់បារីច្រើន
- ប្រើប្រាស់សារធាតុញៀន
- ប្រើប្រាស់ថ្នាំជំនួយសាច់ដុំច្រើន
- មានជំងឺមហារីក និង ការព្យាបាលដោយកាំរស្មី
- មានជំងឺទឹកនោមផ្អែម ជំងឺថ្លើម និង ជំងឺអេដស៍
- ថង់ពងស្វាសមានការរលាក និងឆ្លងមេរោគ
អត្ថបទគួរអាន៖
- គ្រឿងស្រវឹងមិនត្រឹមតែប៉ះពាល់ថ្លើម តែក៏គ្រោះថ្នាក់ដល់បេះដូង
- បញ្ហាបេះដូង! បើមានសញ្ញាទាំងនេះ ឆាប់ទៅជួបពេទ្យភ្លាម
- សញ្ញាព្រមានទាំង៨ មុនមានបញ្ហាគាំងបេះដូង
- ប្រើថ្នាំបំបាត់ការឈឺចាប់យូរ ប្រយ័ត្នកើតជំងឺបេះដូង
- ចូលគេងមិនទៀងទាត់ ប្រយ័ត្នកើតជំងឺបេះដូង
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
ពេលណាគួរទៅជួបគ្រូពេទ្យ?
ការថយចុះកម្រិតអ័រម៉ូន តេស្ដូស្ដេរ៉ូនមុនវ័យមិនមែនជារឿងធម្មតានោះទេ ព្រោះវាអាចបង្កផលប៉ះពាល់ដល់ផ្នែកផ្សេងៗទៀតនៃរាងកាយ ប្រសិនជាមិនបានព្យាបាលឲ្យបានត្រឹមត្រូវ។ ដូច្នេះក្នុងករណីសង្ស័យថា កម្រិតអ័រម៉ូនមានការថយចុះ ដោយបង្ហាញរោគសញ្ញាដូចខាងលើ គួរទៅជួបគ្រូពេទ្យដើម្បីធ្វើតេស្ដនិងទទួលការព្យាបាល។ ក្នុងករណីមិនច្បាស់លាស់ មិនត្រូវប្រើប្រាស់ថ្នាំដោយគ្មានវេជ្ជបញ្ជានោះទេ ព្រោះអាចគ្រោះថ្នាក់ដល់ជីវិត។ តាមការសិក្សាបានបង្ហាញថា ការប្រើប្រាស់ថ្នាំព្យាបាលមួយចំនួន អាចបណ្ដាលឲ្យប៉ះពាល់ដល់បេះដូង ធ្វើឲ្យអ្នកជំងឺប្រឈមកើតជំងឺគាំងបេះដូងផងដែរ។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What’s a normal testosterone level? https://utswmed.org/medblog/low-testosterone-symptoms-causes-treatment/
Causes of Low Testosterone https://nwim.org/causes-of-low-testosterone/
Factors that affect your testosterone levels https://www.healthymale.org.au/news/factors-affect-your-testosterone-levels
Low Testosterone (Male Hypogonadism) https://my.clevelandclinic.org/health/diseases/15603-low-testosterone-male-hypogonadism#:~:text=Low%20testosterone%20(male%20hypogonadism)%20is,treatable%20with%20testosterone%20replacement%20therapy.
What you need to know about low sex drive in men https://www.healthymale.org.au/news/what-you-need-know-about-low-sex-drive-in-men
Anabolic steroid misuse https://www.nhs.uk/conditions/anabolic-steroid-misuse/
កំណែប្រែបច្ចុប្បន្ន
29/12/2022
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម