ជាក់ស្ដែងណាស់បើនិយាយទៅដល់អ័រម៉ូនតេស្ដូស្ដេរ៉ូន ភាគច្រើនតែងតែជាបញ្ហាដែលចោទទៅកាន់ខាងប្រុសៗច្រើនជាងស្រីៗ ព្រោះថា អ័រម៉ូនប្រភេទនេះ គឺជាអ័រម៉ូនភេទសំខាន់របស់បុរសៗ បើចំពោះស្រី្ដៗវិញក៏មានដែរប៉ុន្ដែមានតិច។ សម្រាប់ជីវភាពរស់នៅប្រចាំថ្ងៃរបស់បុរសៗ អ័រម៉ូននេះ ដើរតួយ៉ាងសំខាន់ ដូចជាពង្រឹងទៅដល់ប្រព័ន្ធសរីរាង្គបន្ដពូជ ប្រព័ន្ធសាច់ដុំក្នុងរាងកាយ និងលក្ខណៈសម្បត្ដិខាងក្រៅជាច្រើនផ្សេងទៀត។ ដូច្នេះប្រសិនបើប្រុសៗគ្នាយើងថយចុះអ័រម៉ូនប្រភេទនេះនឹងជួបបញ្ហាអ្វីខ្លះ?
បុរសៗថយចុះអ័រម៉ូនតេស្ដូស្ដេរ៉ូន អាចនឹងជួបបញ្ហាអ្វីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.សាច់ដុំ និងឆ្អឹង
ការថយចុះកម្រិតអ័រម៉ូនតេស្ដូស្ដេរ៉ូន អាចបង្កឲ្យប៉ះពាល់ទៅដល់សាច់ដុំក្នុងរាងកាយ ព្រោះថា អ័រម៉ូនប្រភេទនេះដើរតួយ៉ាងសំខាន់ក្នុងការទ្រទ្រង់សាច់ដុំជាប្រចាំ។ មិនតែប៉ុណ្ណោះក៏មានតួនាទីសំខាន់ក្នុងដំណើរការលូតលាស់របស់ឆ្អឹងផងដែរ។
២.សុខភាពផ្លូវភេទ
ដោយសារតែអ័រម៉ូនតេស្ដូស្ដេរ៉ូនជាប្រភេទអ័រម៉ូនភេទបុរសស្រាប់ ដូច្នេះវាមានតួនាទីសំខាន់ក្នុងដំណើរការពង្រឹងសមត្ថភាពផ្លូវភេទ។ ការថយចុះកម្រិតអ័រម៉ូនប្រភេទនេះ គឺបង្កឲ្យមានបញ្ហាជាច្រើនដូចជាចំណង់ផ្លូវភេទត្រូវថយចុះ លិង្គមិនឡើងរឹង និង បាត់បង់ការគ្រប់គ្រងលើការផលិតកោសិកាឈាមក្រហម។ ការសិក្សាបានបង្ហាញថា ភាគច្រើនអ្នកដែលមានវ័យចាប់ពី៥០ឆ្នាំឡើងទៅ តែងជួបបញ្ញាថយចុះកម្រិតអ័រម៉ូននេះញឹកញាប់ណាស់ ដែលជាកត្ដាធ្វើឲ្យពួកគាត់បាត់បង់ចំណង់ផ្លូវភេទ ឬអសមត្ថភាពផ្លូវភេទ។
៣. ថាមពល
ការថយចុះកម្រិតអ័រម៉ូនតេស្ដូស្ដេរ៉ូនអាចបណ្ដាលឲ្យចុះខ្សោយថាមពលក្នុងរាងកាយ។ អ្នកដែលជួបបញ្ហានេះអាចមានអារម្មណ៍ថា ហេវហត់ខុសពីធម្មតា សូម្បីតែសម្រាកបានគ្រប់គ្រាន់ ញ៉ាំគ្រប់គ្រានក៏ដោយក្ដី។ នៅមានចំណុចគួរចាប់អារម្មណ៍ផ្សេងទៀត ដូចជា ការជ្រុះសក់ ការកើនឡើងកម្រិតជាតិខ្លាញ់ក្នុងឈាម និងកើតស្ដ្រេសជាដើម។ ទាំងនេះសុទ្ធតែបញ្ហាដែលរួមចំណែកនៃការថយចុះអ័រម៉ូន តេស្ដូស្ដេរ៉ូន។
៤.ខួរក្បាល
ការសិក្សាបានបង្ហាញថា កង្វះអ័រម៉ូនតេស្ដូស្ដេរ៉ូន ក៏អាចប៉ះពាល់ដល់ប្រព័ន្ធខួរក្បាលបានដែរ ប៉ុន្ដែមានភាគរយតិចតួចបំផុតដែលអាចឈានដល់គ្រោះថា្នក់មួយនេះ។ អ្នកស្រី Monika Hollander អ្នកគ្រប់គ្រងនៅមជ្ឈមណ្ឌលវិជ្ជសាស្ដ្រ Erasmus ប្រទេសហូឡង់បានបញ្ជាក់ថា សម្រាប់បុរសៗដែលមានបញ្ហាខ្វះអ័រម៉ូននេះ អាចមានហារនិភ័យប្រឈមនឹងជំងឺគ្រោះថ្នាក់សរសៃឈាមខួរក្បាលខ្ពស់ជាងអ្នកដែលលើសអ័រម៉ូនអេស្ដូស្ដេរ៉ូន។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
កត្ដាអ្វីដែលបង្កឲ្យថយចុះកម្រិតអ័រម៉ូនតេស្ដូស្ដេរ៉ូន?
មានកត្ដាមួយចំនួនដែលអាចបង្កឲ្យការថយចុះដូចជា៖
-ការធ្លាប់មានរបួសពងស្វាស ឬការឆ្លងមេរោគ
-ការព្យាបាលជំងឺដោយប្រើគីមី ឬការព្យាបាលដោយវិទ្យុសកម្ម លើជំងឺមហារីក
-ជំងឺក្រពេញភីតូរីស ឬជំងឺអ័រម៉ូនផ្សេងៗ
-ការធ្លាប់ប្រើថ្នាំ Corticosteroids
-លក្ខខណ្ឌហ្សែន
-ការផឹកស្រា គ្រឿងញៀន ជក់បារី
-ការមិនសូវសកម្មរាងកាយ
-មានជំងឺទឹកនោមផ្អែម
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម