ម្នាក់ៗ សុទ្ធតែប្រាថ្នាចង់បានអាយុវែង ប៉ុន្តែមិនដឹងធ្វើម៉េចទើបល្អមិនអ៊ីចឹង? គ្មានពិបាកទេ! ចាស់ៗមួយចំនួន អាយុជិតមួយរយហើយ នៅតែមានសុខភាពល្អរឹងមាំ មិនងាយឈឺ ហើយនេះក៏មិនមែនដោយសារសំណាងដែរ អ្វីទាំងអស់គឺកើតចេញពីសកម្មភាព និងទម្លាប់រស់នៅប្រចាំថ្ងៃច្រើនជាង។ “Hello គ្រូពេទ្យ” ពេលនេះ និងប្រាប់ពីសកម្មភាពសាមញ្ញងាយៗប្រចាំថ្ងៃ អាចជួយគ្នាយើងមានសុខភាពល្អ និងអាយុវែងបាន។
ទម្លាប់រស់នៅប្រចាំថ្ងៃជួយឲ្យអាយុវែង
ដើម្បីជួយឲ្យជីវិតប្រចាំថ្ងៃបានសប្បាយរីករាយ សុខភាពល្អ អាយុវែង គ្នាយើងគ្រាន់តែអនុវត្តតាមវិធីសាមញ្ញាដូចជា៖
– បារី ជាសត្រូវជាមួយអាយុយើង! បើចង់រស់ឲ្យបានយូរ និងមានសុខភាពល្អ ត្រូវប្រាកដចិត្តថា យើងមិនមែនជាអ្នកជក់បារី។ ព្រោះបារី ជាចំណែកដ៏ធំមួយ បង្កអោយមាន ជំងឺបេះដូង ជំងឺពុកឆ្អឹង និងជំងឺធ្ងន់ធ្ងរដទៃទៀត ដូចជា បញ្ហាសួត និងស្ទះសរសៃឈាមខួរក្បាល។
អានបន្ថែម៖
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- កំពុងព្យាបាលជំងឺមហារីកដឹងថាពិបាក នេះជាតិចនិកគួរដឹង
- អ្នកជាពីជំងឺមហារីកសុដន់៖ សុខភាពផ្លូវចិត្តជារឿងសំខាន់ពេលកំពុងព្យាបាល
– រីករាយនឹងសកម្មភាពយើងធ្វើជារៀងរាល់ថ្ងៃ ទាំងផ្លូវកាយ និងផ្លូវចិត្ត។
– ញុាំអាហារសុខភាពសម្បូរជាតិសរសៃ ដូចជា ស្រូវសាលី បន្លែ និងផ្លែឈើ និងសារធាតុខ្លាញ់ល្អ ដូចជាជាតិខ្លាញ់មិនឆ្អែត Monounsaturated និង Polyunsaturated ភាគច្រើនមាននៅក្នុងពពួកគ្រាប់ធញ្ញជាតិ និងបន្លែ ផ្លែឈើមួយចំនួន។
– ញុាំពពួកវីតាមីនចម្រុះ ជាពិសេស កាល់ស្យូម និងវីតាមីន D។
– រក្សាទម្ងន់ និងថែទាំរាងកាយឲ្យបានល្អ។
– ដុសខាតការគិត ដោយបន្តរៀនសូត្រ និងសាកល្បងធ្វើអ្វីដែលថ្មី។
– កសាងទំនាក់ទំនងល្អក្នុងបណ្ដាញសង្គម ក៏ដូចជាមនុស្សជុំវិញខ្លួនយើង។
– អនុវត្តតាមការណែនាំ និងវិធីបង្ការនានា។
– សម្អាតមាត់ធ្មេញ និងជួបពិភាក្សាជាមួយទន្តពេទ្យឲ្យបានទៀងទាត់។
– ពិគ្រោះជាមួយវេជ្ជបណ្ឌិត ថាតើមានថ្នាំ អាចជួយទប់ស្កាត់ប្រភេទជំងឺមានផលប៉ះពាល់រយៈពេលយូរ ដូចជា បញ្ហាតម្រងនោម ឈឺខ្នង ឈឺចង្កេះ ឬជំងឺលើសជាតិខ្លាញ់ក្នុងឈាម ជាដើម។
បើសិនជាគ្នាយើង អាចអនុវត្តតាមវិធីងាយៗខាងលើ “Hello គ្រូពេទ្យ” ជឿថា យើងនឹងរស់នៅមានសេចក្តីសុខ សុខភាពក៏បរិបូរ អាយុក៏កាន់តែវែង។
[embed-health-tool-heart-rate]
