អាការៈខ្វះឈាមទៅចិញ្ចឹមបេះដូង (Angina) មិនមែនជាជំងឺឡើយ ប៉ុន្តែវាជាបណ្ដុំរោគសញ្ញាដែលកើតឡើងនៅពេលដែលសាច់ដុំបេះដូងមិនទទួលបានឈាមគ្រប់គ្រាន់។ រោគសញ្ញាចម្បងគឺឈឺទ្រូង និងអមដោយរោគសញ្ញាដទៃទៀត។ កត្តានេះអាចមានភាពខុសគ្នា អាស្រ័យលើអាយុ ភេទ និងប្រភេទនៃការខ្វះឈាមទៅចិញ្ចឹមបេះដូង។
សញ្ញាទូទៅនៃការខ្វះជាតិទៅចិញ្ចឹមបេះដូង
បញ្ហាខ្វះឈាមទៅចិញ្ចឹមបេះដូងនឹងកើតឡើង ប្រសិនបើសរសៃឈាមតូចចង្អៀត ឬស្ទះ ហើយរោគសញ្ញាទូទៅមានដូចខាងក្រោម៖
- ឈឺទ្រូង
- ក្រហាយទ្រូង
- សម្ពាធនៅទ្រូង
- តឹងទ្រូង
រោគសញ្ញាដទៃទៀតរួមមាន៖
- វិលមុខ
- ពិបាករំលាយអាហារ
- ចង្អោរ
- ឈឺចាប់នៅដៃ ខ្នង ស្មា ក ពោះ ឬថ្គាម
- ដកដង្ហើមខ្លីៗ
- បែកញើស
- ខ្សោយ
បញ្ហាខ្វះឈាមទៅចិញ្ចឹមបេះដូងកើតចំពោះស្ត្រីអាចមានលក្ខណៈខុសគ្នា
ស្ត្រីអាចមានរោគសញ្ញាខ្វះឈាមទៅចិញ្ចឹមបេះដូងដូចទៅនឹងបុរសដែរ ប៉ុន្តែអាចមានលក្ខណៈខុសគ្នាបន្តិចបន្តួច។ ជាមួយគ្នានេះដែរ ស្ត្រីងាយនឹងកើតមានអាការៈខ្វះឈាមទៅចិញ្ចឹមបេះដូង ដោយសារតែជំងឺសរសៃឈាមតូចៗ ធ្វើឲ្យស្ទះសរសៃឈាមបេះដូង។ ជាលទ្ធផល ស្រីៗយើងមានអាការៈខ្វះឈាមទៅចិញ្ចឹមបេះដូងញឹកញាប់ដូចបុរសដែរ ប៉ុន្តែប្រឈមនឹងអាការៈគាំងបេះដូងតិចជាង។ ការឈឺទ្រូងនៅតែជារោគសញ្ញាទូទៅបំផុត ប៉ុន្តែរោគសញ្ញាដទៃទៀតដែលកើតឡើងជាញឹកញាប់ចំពោះស្ត្រីមានដូចជា៖
- ឈឺពោះ
- ចង្អោរ
- ឈឺក ថ្គាម បំពង់ក ដៃ ស្មា ឬខ្នង
- ដកដង្ហើមខ្លីៗ
- ក្អួត
អាយុអាចប៉ះពាល់ដល់រោគសញ្ញានៃបញ្ហាខ្វះឈាមទៅចិញ្ចឹមបេះដូង
ហានិភ័យនៃបញ្ហាខ្វះឈាមទៅចិញ្ចឹមបេះដូងនឹងកើនឡើងនៅពេលដែលយើងមានវ័យកាន់តែចាស់ទៅ។ ជាទូទៅ វាកើតឡើងចំពោះបុរសដែលមានអាយុលើសពី៤៥ឆ្នាំ និងស្ត្រីដែលមានអាយុលើស៥៥ឆ្នាំ។ យ៉ាងណាមិញ អាការៈដកដង្ហើមខ្លីៗច្រើនតែកើតឡើងមនុស្សចាស់ ហើយរោគសញ្ញាផ្សេងទៀតមានដូចខាងក្រោម៖
- ឈឺពោះ
- វិលមុខ
- វង្វេងស្មារតី
- ឈឺស្មា ឬខ្នង
- ខ្សោយកម្លាំង។
ពីសុខភាពបេះដូងផ្សេងទៀត៖
- ប្រព័ន្ធសសៃឈាមបេះដូងមានមុខងារអ្វីខ្លះ?
- បេះដូងមានមុខងារអ្វីខ្លះ? ធ្វើម៉េចទើបបេះដូងមានសុខភាពល្អ?
- ស្រីៗកើតជំងឺEndometriosis ងាយប្រឈមគ្រោះថ្នាក់សរសៃឈាមខួរក្បាល
- ភេសជ្ជៈជំនួយសុខភាពបេះដូងទាំងនេះ គ្នាយើងមិនគួររំលងឡើយ
- ចុកទ្រូងលើសុដន់ផ្នែកខាងឆ្វេង បណ្ដាលមកពីអ្វី?
- រឿងរ៉ាវ ៥យ៉ាងពាក់ព័ន្ធនឹងជំងឺបេះដូង គ្នាយើងគួរដឹង
[embed-health-tool-heart-rate]
