ទំនាក់ទំនងល្អ Archives

គន្លឹះទាំង៤ ជួយឲ្យជីវិតការងារ និងស្នេហាដើរទៅមុខយ៉ាងរលូន

ពេលខ្លះសម្ពាធការងារធ្វើឲ្យយើងមានអារម្មណ៍មិនល្អ និងអាចជះកំហឹងទៅកាន់ដៃគូដោយមិនដឹងខ្លួន។ ស្រដៀងគ្នានេះដែរ ប្រសិនបើយើងមានបញ្ហាជាមួយដៃគូ យើងប្រហែលជាពិបាកផ្ចង់ស្មារតីក្នុងការបំពេញការងារប្រកបដោយប្រសិទ្ធភាពណាស់។ ដូច្នេះហើយ ដើម្បីជួយឲ្យជីវិតស្នេហា និងការងារមានភាពរលូនទៅមុខក្នុងពេលដំណាលគ្នា យើងគួរចេះតិចនិកទាំង៤នេះ។ ១. និយាយជាមួយដៃគូ ជំហានដំបូង យើងគួរជជែកគ្នាឲ្យបានច្បាស់លាស់ ដោយមានភាពស្មោះត្រង់ និងមិនលាក់លៀម ពីព្រោះថាឥរិយាបថខ្លះរបស់ដៃគូម្ខាង អាចបង្កជាបញ្ហាស្រ្តេស ថប់បារម្ភ ឬទុក្ខកង្វល់ដល់ដៃគូម្ខាងទៀត។ មួយវិញទៀត គ្នាយើងគួរចាំថា ទោះបីជាយើងជិតស្និទ្ធគ្នាយ៉ាងណាក៏ដោយ ដៃគូរបស់យើងក៏មិនអាចទាយដឹងចិត្តយើងច្បាស់១០០%ដែរ ហេតុនេះហើយ មានតែការជជែកគ្នាប៉ុណ្ណោះ ទើបអាចដោះស្រាយបញ្ហាបាន។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ២. សង្កេតពីសុខទុក្ខរបស់ដៃគូ នៅពេលដែលការងាររវល់ខ្លាំង យើងអាចធ្វេសប្រហែសមិនយកចិត្តទុកដាក់នឹងដៃគូរបស់ខ្លួន ដែលចំណុចនេះអាចធ្វើឲ្យទំនាក់ទំនងកាន់តែឃ្លាតឆ្ងាយ។ អីចឹងហើយ គ្នាយើងគួរចាប់ផ្ដើមសង្កេតមើលនិងស្វែងយល់ពីអារម្មណ៍ដៃគូ ព្រមទាំងគាំទ្រ ក៏ដូចជាលើកទឹកចិត្តដៃគូជាញឹកញាប់។ ៣. និយាយពីគោលបំណងរួម ពិតណាស់ យើងម្នាក់ៗមានបំណងប្រាថ្នាខុសៗគ្នា ដោយអ្នកខ្លះចង់បើកអាជីវកម្មផ្ទាល់ខ្លួន ឯខ្លះទៀតចង់ជោគជ័យនឹងអាជីពការងារ។ ថ្វីត្បិតតែមិនមានជម្រើសមួយណាខុស ឬត្រូវក៏ដោយ យើងគួរតែស្វែងយល់ពីអ្វីដែលជំរុញលើកទឹកចិត្តយើង និងដៃគូ ដោយស្វែងរកចំណុចរួមមួយ។ [embed-health-tool-heart-rate] អត្ថបទគួរអាន៖ ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ ផ្លែឈើទាំង៨មុខនេះ ល្អសម្រាប់សុខភាពបេះដូង ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង […]

ទំនាក់ទំនងល្អ

ទម្លាប់ ៤ យ៉ាងនេះអាចបញ្ចប់ជីវិតអាពាហ៍ពិពាហ៍បាន

ជីវិតអាពាហ៍ពិពាហ៍ដែលអាចនៅគង់វង្សរយៈពេលយូរ ឬងាយនឹងបញ្ចប់គឺដោយសារតែភាគីទាំងសងខាងមានទម្លាប់ល្អ ឬទម្លាប់ដែលអាចបំផ្លាញជីវិតអាពាហ៍ពិពាហ៍នោះ។ ចុះទម្លាប់អ្វីខ្លះអាចនាំឲ្យជីវិតអាពាហ៍ពិពាហ៍ដើរដល់ទីបញ្ចប់បាន? ១. ខ្វះភាពស្មោះត្រង់ ក្នុងជីវិតគូភាពស្មោះត្រង់គឺសំខាន់ណាស់។ ភាពស្មោះត្រង់នេះមិនមែនសំដៅទៅលើការឆ្លើយសំណួររបស់ភាគីម្ខាងទៀតតែម៉្យាងទេ ប៉ុន្តែភាពស្មោះត្រង់ទាក់ទងនឹងទម្លាប់នៃការចំណាយ ទំនាក់ទំនងជាមួយនឹងអ្នកដទៃ ឬការញៀនគ្រឿងស្រវឹងក៏អាចប៉ះពាល់ជីវិតអាពាហ៍ពិពាហ៍ដែរ។ ការលាក់ការសម្ងាត់ជុំវិញបញ្ហាទាំងនេះអាចបង្កើតជីវិតមួយទៀតដែលធ្វើឲ្យដៃគូមានអារម្មណ៍ថាឃ្លាតឆ្ងាយដែលនេះតែងធ្វើឲ្យមានជនទី៣ចូលមក។ ក្រៅពីនេះនៅមានភាពមិនស្មោះត្រង់ទៅលើផ្លូវអារម្មណ៍ដែលរួមមានការបដិសេធ ឬកុហកអំពីអារម្មណ៍របស់ខ្លួនទៅលើដៃគូ ជីវិតអាពាហ៍ពិពាហ៍ ឬខ្លួនឯង។ ប្រសិនជាយើងមានអារម្មណ៍ខឹង ឬខ្លាច យើងគួរនិយាយដោយបើកចិត្តជាមួយដៃគូ និងស្វែងរកដំណោះស្រាយ។ ការស្មោះត្រង់ទៅនឹងអារម្មណ៍របស់យើងគឺជួយបង្កើតការយល់ចិត្តគ្នាក្នុងជីវិតគូ។ ២. ខ្វះភាពស្និទ្ធស្នាល ភាពស្និទ្ធស្នាលទាំងផ្លូវអារម្មណ៍ និងផ្លូវកាយគឺជាផ្នែកសំខាន់មួយនៃជីវិតគូ។ ការមើលរំលងមិនយកចិត្តទុកដាក់ទៅលើតម្រូវការរបស់ដៃគូ ឬខ្លួនយើងផ្ទាល់អាចធ្វើឲ្យមានអារម្មណ៍ថាឃ្លាតឆ្ងាយ។ ចំណែកឯភាពស្និទ្ធស្នាលផ្លូវអារម្មណ៍វិញគឺពាក់ព័ន្ធនឹងការយល់ពីដៃគូដោយយកចិត្តទុកដាក់ទៅលើសកម្មភាពប្រចាំថ្ងៃរបស់ពួកគេ។ កាយកចិត្តទុកបែបនេះអាចជួយឲ្យយើងដឹងថាដៃគូមានបញ្ហាអ្វី ឬដឹងពីតម្រូវការរបស់ដៃគូ។ ៣. មិនឲ្យតម្លៃដៃគូ នៅពេលយើងស្រលាញ់នរណាម្នាក់ យើងនឹងផ្តល់ការយកចិត្តទុកដាក់ និងការគោរព។ ប៉ុន្តែក្នុងជីវិតអាពាហ៍ពិពាហ៍មួយចំនួនគឺមិនមានការឲ្យតម្លៃទៅដៃគូម្ខាងទៀតទេ ដែលនេះធ្វើឲ្យជីវិតគូនោះបរាជ័យ។ ក្នុងជីវិតគូនោះគឺមានតែការបន្ទោស និងការមិនយកចិត្តទុកដាក់។ ការរស់នៅជាមួយអ្នកមានគំនិតអវិជ្ជមានគឺមានការលំបាកណាស់ព្រោះគំនិតអវិជ្ជមានអាចក្លាយជាការបន្ទោស ឬការរិះគន់ដែលយូរទៅអាចប៉ះពាល់ដល់ជីវិតគូ។ ដូចនេះ ប្រសិនជាយើងស្រលាញ់ដៃគូរបស់យើង គួរបង្ហាញទាំងតាមរយៈពាក្យសម្ដី និងកាយវិការ។ ៤. ប្រើហិង្សា ការប្រើហិង្សាលើដៃគូមិនថាលើផ្លូវកាយ ឬផ្លូវចិត្ត សុទ្ធតែអាចបញ្ចប់ជីវិតអាពាហ៍ពិពាហ៍បាន។ ការធ្វើបាបផ្លូវចិត្តអាចកើតមាននៅពេលដៃគូម្ខាងប្រើកំហឹង ការរិះគន់ ឬពាក្យគំរាមកំហែងទៅលើដៃគូម្ខាងទៀតដែលនេះអាចជាការប្រមាថមើលងាយ និងការសើចចំអកជាដើម។ ប្រសិនជាស្ថិតនៅក្នុងជីវិតគូបែបនេះយកល្អគួរស្វែងរកជំនួយជាបន្ទាន់។ ការដឹងពីទម្លាប់ដែលអាចបំផ្លាញជីវិតគូទាំងនេះហើយអាចជួយឲ្យយើងបើកចិត្តនិយាយជាមួយនឹងដៃគូដើម្បីរកដំណោះស្រាយ។