សម្រាលកូនហើយ ស្ត្រីត្រូវរង់ចាំរហូតដល់ ៦ សប្តាហ៍ឯណោះ ទើបរាងកាយ និងទ្វារមាស អាចត្រលប់មកសភាពដើមវិញ ហើយអាចចាប់ផ្តើមរឿងលើគ្រែសារជាថ្មីបាន។
មាតិកា
រួមភេទដំបូងក្រោយសម្រាលកូនរួច ស្រីៗអាចនឹងជួបបញ្ហាមួយចំនួន
ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត បានឲ្យដឹងថា ការរួមភេទលើកដំបូងបន្ទាប់ពីសម្រាលកូនរួច ស្ត្រីអាចនឹងឈឺចាប់ ដោយសារតែទ្វារមាសស្ងួត ពិសេសស្ត្រីដែលបំបៅកូនដោយទឹកដោះ ខណៈស្ត្រីមួយចំនួនទៀតចំណង់ផ្លូវភេទហាក់ថយចុះ មិនសូវនឹកនានោះទេ ដោយសារម្ង៉ៃៗហត់នឿយនឹងការមើលថែទាំកូន ហើយគេងក៏មិនដែលបានពេញភ្នែកទៀត។ករណីបាក់ទឹកចិត្តក្រោយសម្រាល លោកវេជ្ជបណ្ឌិតថា ជាបញ្ហាប្រឈមធ្វើឲ្យស្ត្រីបាត់ចំណង់ផ្លូវភេទដែរ ហើយជាបញ្ហាធ្ងន់ធ្ងរទៀតផង។
ដើម្បីឲ្យប្តីប្រពន្ធនៅតែអាចសាងភាពផ្អែមល្ហែមជាមួយគ្នា និងកាត់បន្ថយការឈឺចាប់អំឡុងពេលរួមភេទលើកដំបូងបន្ទាប់ពីសម្រាលកូនរួច លោកវេជ្ជបណ្ឌិតបានណែនាំនូវតិចនិកមួយចំនួនខាងក្រោមនេះ។
១. ប្រើទឹករម្អិលជាជំនួយ៖ ទឹករម្អិលជាជំនួយការដ៏ល្អនៅពេលដែលទ្វារមាសយើងស្ងួត ងាយនឹងកកិត ធ្វើឲ្យរឹតតែឈឺចាប់ទៀត។
២. ជ្រើសរើសពេលល្អ៖ យើងមិនគួររួមភេទនៅពេលហត់អស់កម្លាំងនោះឡើយ ត្រូវជ្រើសពេលល្អមួយដែលយើងមានអារម្មណ៍ស្រស់ស្រាយទាំងសងខាង។
៣. ជម្រើសផ្សេងទៀត៖ កុំតានតឹងពេក! ការរួមភេទជារឿងរីករាយសម្រាប់ដៃគូទាំងសងខាង មិនចាំបាច់ទាល់តែសូកបញ្ចូលប្រដាប់ភេទគ្នានឹងគ្នានោះទេ យើងនៅតែអាចរួមដំណេកដោយភ្ញោចអារម្មណ៍ផ្លូវភេទតាមវិធីផ្សេងវិញទៀត។ ការនិយាយ និងឱបគ្នាជាវិធីម្យ៉ាង បង្ហាញក្តីស្រលាញ់ និងបារម្ភពីគ្នា អាចប្រើបានក្នុងកាលទេសៈបែបនេះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Sex after pregnancy: Set your own timeline, https://www.mayoclinic.org/healthy-lifestyle/labor-and-delivery/in-depth/sex-after-pregnancy/art-20045669#:~:text=While%20there’s%20no%20required%20waiting,first%20two%20weeks%20after%20delivery.
8 Surprising Truths About Postpartum Sex After Birth, https://www.parents.com/parenting/relationships/sex-and-marriage-after-baby/how-to-have-great-postpartum-sex/
Sex After Birth, https://www.uhhospitals.org/Healthy-at-UH/articles/2022/02/sex-after-birth-resuming-sexual-intimacy-after-having-a-baby
កំណែប្រែបច្ចុប្បន្ន
03/06/2022
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម