ជំងឺដុំសាច់ស្បូន ឬ Uterine fibroids ជាពាក្យមួយដែលស្ត្រីគ្រប់រូបប្រាថ្នាមិនចង់ឲ្យកើតលើខ្លួនទេ ព្រោះឲ្យតែឮពាក្យដុំសាច់ច្បាស់ជាបារម្ភខ្លាំងរហូតគេងមិនលក់ក៏ថាបាន។ ជំងឺកើតនៅលើស្បូន ជាក្ដីព្រួយបារម្ភមួយចំពោះសុខភាពស្ត្រីដែលស្រីៗគួរតែយកចិត្តទុកដាក់ឲ្យបានខ្លាំង ព្រោះវាអាចប៉ះពាល់ច្រើនដល់សុខភាពយើង។

អ្វីទៅជាដុំសាច់ស្បូន? អាចគ្រោះថ្នាក់ទេ?

ទាក់ទងនឹងបញ្ហានេះ លោកវេជ្ជបណ្ឌិត ឃួន សុវណ្ណារិទ្ធ បានឲ្យដឹងថា ជំងឺដុំសាច់ស្បូន ជាដុំសាច់នៅនឹងស្បូន ដែលកើតពីកោសិកាសាច់ស្បូន ជាទូទៅពុំមែនជាដុំសាច់កាចទេ តែវាបង្កឲ្យមានការរំខាន និងមានលក្ខណៈធ្ងន់ ឬស្រាល ទៅតាមសណ្ឋានទីតាំងនៃដុំសាច់លើស្បូនដែលគេចែកចេញជា៣ទីតាំងដូចជា៖

ទី១. ដុំសាច់នៅក្នុងស្រទាប់ក្រៅស្បូន

ទី២. ដុំសាច់នៅក្នុងសាច់ដុំស្បូន

ទី៣. ដុំសាច់នៅក្នុងប្រហោង ឬភ្នាសក្នុងស្បូន។

វេជ្ជបណ្ឌិតឯកទេសផ្នែកសម្ភព និងរោគស្ត្រី បន្តឲ្យដឹងថា មកដល់ពេលនេះ មិនទាន់មានការសិក្សាស្រាវជ្រាវណាដែលបញ្ជាក់ច្បាស់លាស់ពីមូលហេតុបង្កឲ្យមានដុំសាច់នេះទេ។ ប៉ុន្តែគ្រូពេទ្យសង្កេតឃើញថា ជំងឺដុំស្បូននេះ ភាគច្រើនកើតនៅលើស្ត្រីធាត់ខ្លាំង ស្ត្រីជក់បារី គ្មានកូន អាយុច្រើនលើស៤០ឆ្នាំ ឬមានប្រវត្តិគ្រួសារមានជំងឺដុំសាច់ស្បូន។

គណនាថ្ងៃមេជីវិតញីទុំធ្លាក់ ចុចត្រង់នេះ

ប្រសិនបើដុំសាច់នេះនៅក្នុងប្រហោងស្បូន ហើយលយប៉ះស្រទាប់ស្បូនរដូវ វាបង្កឲ្យធ្លាក់ឈាមរដូវច្រើន និងបន្តការធ្លាក់ឈាមបង្កជាវិបត្តិវដ្ដរដូវ រហូតដល់ស្លេកស្លាំង ដែលចាំបាច់ត្រូវការព្យាបាលជាបន្ទាន់។ ចំពោះស្ត្រីក្នុងវ័យបន្តពូជ អាចមានវិបត្តិគ្មានកូន ឬកូនរលូត ឬទារកកើតមិនគ្រប់ខែ។

លោកបានបន្ថែមឲ្យដឹងថា ក្នុងករណីដែលអ្នកជំងឺដឹងពីអាការៈលឿន (ដឹងមុនថា ខ្លួនកើតជំងឺនេះ) នោះអ្នកជំងឺគ្រាន់តែព្យាបាលដោយប្រើថ្នាំតាមវេជ្ជបញ្ជា តែបើអ្នកជំងឺប្រើពេលយូរមិនពិនិត្យ និងមិនព្យាបាលទាន់ពេលវេលា អាចប្រឈមនឹងការវះកាត់ ជាដំណាក់កាលចុងក្រោយ។

អាន៖

កើតជំងឺដុំសាច់ស្បូន ស្ត្រីប្រឈមគ្រោះថ្នាក់កម្រិតណា?

អ្វី​ទៅ​ជា​ដុំ​សាច់​ស្បូន? អាច​គ្រោះ​ថ្នាក់​ទេ?

អ្វីទៅជាដុំសាច់ស្បូន? អាចគ្រោះថ្នាក់ទេ?