មានកត្តាជាច្រើនបង្កឲ្យកើតមានបញ្ហាមុនមានច្រើន ដូចជា ប្រែប្រួលអ័រម៉ូន ប្រវត្តិគ្រួសារ និង ស្រ្តេស។ ប៉ុន្តែតើគ្នាយើងធ្លាប់ដឹងអត់? អាកាសធាតុអាចធ្វើឲ្យមានបម្រែបម្រួលបញ្ហាមុននៅស្បែក? ចង់ដឹងអាកាសធាតុបែបម៉េចនាំឲ្យកើតមុន? តោះ! ស្វែងយល់ទាំងអស់គ្នា។

១– អាកាសធាតុសើម

នៅអំឡុងរដូវភ្លៀង ឬអាកាសធាតុត្រូពិក យើងអាចកើតមុន ហើយវាធ្ងន់ធ្ងរថែមទៀតដោយសារតែបរិយាកាសសើម។ កុំច្រឡំថា សំណើម ធ្វើឲ្យស្បែកមានសំណើម និងអាចថែរក្សាសុខភាពស្បែកបានល្អឲ្យសោះ។ អាកាសធាតុសើមអាចធ្វើឲ្យបែកញើស ធ្វើឲ្យក្រពេញខ្លាញ់ ផលិតខ្លាញ់ច្រើនលើសលុប។ ញើសលាយជាមួយកោសិកាងាប់ៗ ក៏ដូចជាមេរោគនឹងធ្វើឲ្យស្ទះរន្ធញើស នាំឲ្យឡើងមុន និងជាសះស្បើយយឺត។ ដូច្នេះ វាជារឿងសំខាន់ ត្រូវសម្អាតមុខជាមួយសាប៊ូ ឬទឹកក្តៅអ៊ុនៗបន្ទាប់ពីបែកញើស ហើយត្រូវប្រើសាប៊ូឲ្យបានច្បាស់លាស់សម្រាប់លាងមុខ និងរាងកាយ។

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

២– អាកាសធាតុស្ងួត

អាកាសធាតុស្ងួត ម្តងក្តៅម្តងត្រជាក់ អាចធ្វើឲ្យស្បែកខូច។ នៅពេលអាកាសធាតុស្ងួតមកដល់ ស្បែកនឹងប្រែជាស្ងួតហើយក្រពេញខ្លាញ់នឹងបញ្ចេញខ្លាញ់ច្រើនជាងធម្មតាដើម្បីការពារ ថែរក្សាស្បែកឲ្យមានសំណើម។ នៅពេលស្បែកស្ងួត ស្រទាប់ស្បែកលើគេនឹងងាប់ ហើយលាយជាមួយខ្លាញ់នឹងធ្វើឲ្យស្ទះរន្ធរោម ជាហេតុនាំឲ្យឡើងមុនដដែលៗ។ ដូច្នេះ គួរតែថែរក្សាស្បែកឲ្យមានសំណើម និងរក្សាតុល្យភាពខ្លាញ់ និងទឹក។ នៅពេលស្បែកមានសំណើមគ្រប់គ្រាន់ កោសិកាងាប់ៗ និងខ្លាញ់ប្រាកដជាថយចុះ។

កើតមុន

៣– អាកាសធាតុក្តៅ

ចំពោះអាកាសធាតុក្តៅ គ្នាយើងនឹងបែកញើសច្រើន នាំឲ្យកើតមុន ហើយវាធ្វើឲ្យស្បែកងាយខូចខាត។ ត្រូវសម្អាតស្បែកឲ្យទៀងទាត់ដើម្បីជម្រះជាតិខ្លាញ់ និងញើស។ អាចប្រើក្រែម ឬឡេមានអាស៊ីដសាលីសាលិច (Salicylic Acid) និង Benzoyl Peroxide ជួយមិនឲ្យកើតមុននៅរដូវក្តៅ។

អត្ថបទគួរអាន៖

កុំប្រហែសឲ្យសោះ! អាកាស​ធាតុ​​អត់ស្រួល​ក៏​​ឡើង​​មុន​ដែរ​

កុំប្រហែសឲ្យសោះ! អាកាសធាតុអត់ស្រួលក៏ឡើងមុនដែរ