Frostbiteឬការស្លាប់ជាលិកាដោយត្រូវត្រជាក់ ជារបួសដែលបណ្ដាលមកពីការកកនៃស្បែក និងជាលិកាផ្សេងទៀត។ នៅដំណាក់កាលដំបូងនៃFrostbite មិនមានការបំផ្លាញស្បែកធ្ងន់ធ្ងរនោះទេ។ ការបណ្ដោយស្បែកឲ្យត្រូវត្រជាក់ ក្នុងអាកាសធាតុដែលមានខ្យល់ខ្លាំង អាចនាំឲ្យយើងងាយរងគ្រោះដោយបញ្ហាស្បែកដ៏គ្រោះថ្នាក់មួយនេះ។ យ៉ាងណាមិញ បើទោះជាយើងពាក់ស្រោមដៃ ឬសំលៀកបំពាក់បិទជិត យើងក៏នៅតែមានឱកាសកើតFrostbite ដូចគ្នា។ រាល់ដំណាក់កាលណាមួយនៃFrostbite គឺទាមទារឲ្យយើងត្រូវព្យាបាលជាបន្ទាន់ ពីព្រោះវាអាចបំផ្លាញស្បែក សាច់ដុំ ឆ្អឹង និងជាលិកាដទៃទៀតជារៀងរហូត។
រោគសញ្ញា
- ដំបូងឡើយ យើងមានអារម្មណ៍ថាស្បែកត្រជាក់ ចាក់ឆៀបៗ
- ស្ពឹក
- ស្បែកមើលទៅឡើងក្រហម ស ខៀវ-ស ប្រផេះ-លឿង ពណ៌ស្វាយ ឬពណ៌ត្នោត ដោយអាស្រ័យលើភាពធ្ងន់ធ្ងរនៃស្ថានភាពរបួសស្បែក និងសម្បុរស្បែករបស់យើង
- ស្បែករាងរឹង
- ពងបែកក្រោយពេលឡើងកម្ដៅវិញ ក្នុងករណីធ្ងន់ធ្ងរ
Frostbite កើតឡើងជាទូទៅនៅលើម្រាមដៃ ម្រាមជើង ច្រមុះ ត្រចៀក ថ្ពាល់ និងចង្កា។ ដោយសារតែស្បែកស្ពឹក យើងអាចមិនដឹងថាមានរបួសស្បែកមួយប្រភេទនេះ ហើយការប្រែប្រួលពណ៌សម្បុរស្បែកនៅតំបន់ដែលរងផលប៉ះពាល់ អាចធ្វើឲ្យយើងពិបាកក្នុងការមើលឃើញ ជាពិសេសសម្រាប់អ្នកដែលមានស្បែកខ្មៅ ឬត្នោត។
[embed-health-tool-heart-rate]
ពេលណាត្រូវទៅជួបគ្រូពេទ្យ?
ក្នុងករណីដែលយើងសង្កេតឃើញរោគសញ្ញាខាងក្រោម គួរប្រញាប់ទៅជួបគ្រូពេទ្យជាបន្ទាន់៖
- រោគសញ្ញានៃFrostbite នៅលើស្បែកសើៗ និងជ្រៅ
- ឈឺចាប់កាន់តែខ្លាំង ហើម រលាក ឬចេញទឹករងៃនៅបរិវេណរងគ្រោះ
- គ្រុនក្ដៅ
- ស្បែកត្រជាក់ រឹង និងជាំ
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ខណៈពេលរង់ចាំជំនួយពីក្រុមគ្រូពេទ្យ យើងអាចអនុវត្តគន្លឹះមួយចំនួនខាងក្រោមនេះ
- ដោះសំលៀកបំពាក់ដែលសើមចេញ
- ការពារបរិវេណនោះពីភាពត្រជាក់កាន់តែខ្លាំង
- ជៀសវាងដើរទាំងជើងកើតអាការៈនេះ
- ប្រើថ្នាំបំបាត់ការឈឺចាប់
មូលហេតុបង្ក
មូលហេតុទូទៅបំផុតនៃ Frostbite កើតឡើងនៅពេលដែលយើងស្ថិតក្នុងលក្ខខណ្ឌអាកាសធាតុត្រជាក់។ ប៉ុន្តែ វាក៏អាចបណ្ដាលមកពីការប៉ះពាល់ផ្ទាល់ទៅនឹងទឹកកក លោហធាតុត្រជាក់ ឬវត្ថុរាវត្រជាក់ខ្លាំងផងដែរ។
លក្ខខណ្ឌជាក់លាក់ដែលនាំឲ្យកើតបញ្ហានេះ រួមមាន៖
- ពាក់សំលៀកបំពាក់ដែលមិនស័ក្ដិសមទៅនឹងអាកាសធាតុ ដូចជាមិនពាក់សំលៀកបំពាក់ការពារភាពត្រជាក់ ខ្យល់ ឬសើម ឬស្លៀកពាក់តឹងពេក។
- ស្ថិតក្នុងអាកាសធាតុត្រជាក់ ឬមានខ្យល់រយៈពេលយូរពេក។ ហានិភ័យកើនឡើងនៅពេលដែលសីតុណ្ហភាពធ្លាក់ចុះដល់-15C ទោះជាយើងស្ថិតក្នុងអាកាសធាតុបែបនេះត្រឹមតែ៣០នាទីក៏ដោយ។
អត្ថបទគួរអាន៖
- ម៉េចបានចេះតែរបកស្បែកដៃ? គួរដោះស្រាយបែបណា?
- តិចនិកជ្រើសរើសផលិតផលឲ្យត្រូវនឹងសភាពស្បែក បង្ការបញ្ហាផ្សេងៗ
- មិនចង់ឲ្យមុខឡើងជាំ ស្រីៗគួរចេះតិចនិកទាំងនេះ
- ចេះតិចនិកងាយៗទាំងនេះ ការពារកុំឱ្យប្រេះកែងជើង
- ខូឡាជែនល្អចំពោះសម្រស់ និងសុខភាព រកបានពីអាហារណាខ្លះ?
- ចង់បានស្បែកស្រស់ថ្លា គួរកាត់បន្ថយអាហារប៉ុន្មានមុខនេះ
កត្តាហានិភ័យ
លក្ខខណ្ឌវេជ្ជសាស្ត្រដែលប៉ះពាល់ដល់សមត្ថភាពក្នុងការបញ្ចេញអារម្មណ៍ ឬឆ្លើយតបទៅនឹងភាពត្រជាក់ ដូចជាកង្វះជាតិទឹក បែកញើសច្រើនជ្រុល អស់កម្លាំង ជំងឺទឹកនោមផ្អែម។
- ប្រើប្រាស់គ្រឿងស្រវឹង ឬគ្រឿងញៀន
- ជក់បារី
- ការភ័យខ្លាច ឬបញ្ហាផ្លូវចិត្ត
- ការកើតFrostbite ឬរបួសដោយសារភាពត្រជាក់ពីមុន
- ទារក ឬមនុស្សវ័យចំណាស់ ដែលពិបាកក្នុងការផលិត និងរក្សាកម្ដៅក្នុងរាងកាយ
- ស្ថិតនៅរយៈកម្ពស់ខ្ពស់ និងមានអុកស៊ីសែនតិច។
គន្លឹះបង្ការFrostbite
- កាត់បន្ថយការចេញក្រៅនៅពេលមានអាកាសធាតុត្រជាក់ សើម ឬមានខ្យល់ខ្លាំង
- ស្លៀកសំលៀកបំពាក់ច្រើនជាន់ដែលកក់ក្ដៅ និងរលុងៗ
- ពាក់មួកក្រណាត់ដែលអាចគ្របត្រចៀកជិតល្អ និងស្រោមដៃធ្វើពីអំបោះចាក់
- ពាក់ស្រោមជើងដែលសក្ដិសម
- សង្កេតមើលសញ្ញានៃFrostbite ដែលរួមមានការប្រែប្រួលពណ៌ស្បែក និងស្បែកស្ពឹក
- ជៀសវាងផឹកគ្រឿងស្រវឹង
- ញ៉ាំអាហារដែលមានតុល្យភាព និងរក្សាជាតិទឹកក្នុងរាងកាយ។
