ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សរសៃសក់ទន់ ក្រាស់ រឹងមាំ និងភ្លឺរលោង ក៏ជាផ្នែកមួយជួយលើកសម្រស់របស់យើងដែរ ហើយដើម្បីទទួលបានសរសៃសក់ដែលមានសុខភាពល្អ និងស្រស់ស្អាត គ្នាយើងមិនចាំបាច់ចំណាយពេលវេលា និងថវិកាច្រើនទៀតឡើយ ដោយអាចងាកមកសាកល្បងអនុវត្តន៍តាមរូបមន្តថែទាំសក់ងាយៗជាមួយនឹងម៉ាសការ៉ុតនេះវិញម្តង។
វីតាមីនA នៅក្នុងផ្លែការ៉ុត អាចជួយប្រឆាំងនឹងបញ្ហាសក់ជ្រុះបានយ៉ាងមានប្រសិទ្ធភាព។ ជាក់ស្តែង យោងតាមការសិក្សាមួយបានបង្ហាញថា កង្វះវីតាមីនA អាចធ្វើឲ្យសក់យើងស្ងួត និងស្តើង ហេតុនេះហើយ គ្នាយើងគួរបញ្ចូលផ្លែការ៉ុតនៅក្នុងទម្លាប់ថែទាំសរសៃជាប្រចាំ ដើម្បីជួយឲ្យសក់ដុះកាន់តែក្រាស់ស្អាត។
ប្រេងការ៉ុតគឺជាភ្នាក់ងារកម្ចាត់បាក់តេរី និងផ្សិតដ៏អស្ចារ្យ ពីព្រោះវាផ្ទុកសារធាតុ carotol, lycopene, caffeic acid, polyacetylenes និង anthocyanin ដែលជួយរឹតត្បិតសកម្មភាពអតិសុខុមប្រាណ ឬការពារការរីកលូតលាស់នៃការកើតស្រែង រលាករន្ធសក់ និងការកើតមុននៅលើស្បែកក្បាល។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
មួយវិញទៀត ការ៉ុតក៏មានសមត្ថភាពក្នុងការប្រឆាំងនឹងការរលាក ដែលអាចជួយគ្រប់គ្រងបញ្ហាកើតអង្គែបានផងដែរ។
បន្ថែមពីនេះ គ្នាយើងក៏អាចបង្ការបញ្ហាសក់ស្កូវមុនវ័យ ជាមួយនឹងផ្លែការ៉ុត ឬប្រេងការ៉ុត ពីព្រោះបន្លែមួយមុខនេះ សម្បូរទៅដោយសារធាតុប្រឆាំងអុកស៊ីតកម្មខ្លាំង Beta-carotene វីតាមីន E និងវីតាមីន C ដែលអាចកាត់បន្ថយស្តេ្រសអុកស៊ីតកម្មនៅលើសរសៃសក់ ក៏ដូចជាបង្ការបញ្ហាសក់ថ្កូវមុនវ័យ។
គ្រឿងផ្សំ៖ ការ៉ុតចំនួន១ផ្លែ ប្រេងអូលីវ២ស្លាបព្រាបាយ ខ្ទឹមបារាំង១ផ្លែ និងទឹកក្រូចឆ្មារ២ស្លាបព្រាបាយ។
វិធីធ្វើ៖
កាត់ខ្ទឹមបារាំង និងការ៉ុតជាដុំតូចៗ រួចកិនឲ្យម៉ត់ល្អ ដោយបន្ថែមទឹកក្រូចឆ្មារ និងប្រេងអូលីវ២ស្លាបព្រាបាយ។ បន្ទាប់មក អប់ទុកនៅលើសក់ប្រមាណជា១៥នាទី រួចប្រើសាប៊ូកក់សក់លាងជម្រះចេញ។
គ្រឿងផ្សំ៖ ការ៉ុត២ផ្លែ ផ្លែបឺរកន្លះផ្លែ និងទឹកឃ្មុំ២ស្លាបព្រាបាយ។
វិធីធ្វើ៖
កាត់ផ្លែការ៉ុត២ផ្លែ និងផ្លែបឺរកន្លះផ្លែ ជាដុំតូចៗ ដោយកិនឲ្យម៉ត់ល្អ ទើបបន្ថែមទឹកឃ្មុំចំនួន២ស្លាបព្រាបាយ រួចកូរឲ្យសព្វល្អ។ បន្ទាប់មក លាបម៉ាសអប់សក់នេះនៅលើស្បេកក្បាល និងសរសេសក់ ដោយទុកចោលរយៈពេល៣០នាទី សឹមលាងជម្រះចេញជាមួយនឹងសាប៊ូកក់សក់។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
