តាមពិតទៅ ភាពខ្ជិលច្រអូសរបស់ក្មេងៗងាយនឹងដោះស្រាយណាស់ ប្រសិនបើប៉ាម៉ាក់ចាប់ផ្ដើមបង្ហាត់បង្រៀនកូនចាប់ពីឥឡូវនេះទៅ។ ជាក់ស្ដែង ប៉ាម៉ាក់អាចប្រើប្រាស់វិធីសាស្ត្រសាមញ្ញងាយៗ ដែលអាចជួយដល់ក្មេងឲ្យយកឈ្នះភាពខ្ជិលច្រអូសរបស់ខ្លួនឯងបាន និងប្រកាន់ខ្ជាប់នូវទម្លាប់ល្អៗទាំងនោះ។

គន្លឹះដោះស្រាយភាពខ្ជិលច្រអូសរបស់ក្មេង

១. កំណត់ពេលវេលា

ជំហានដំបូង ប៉ាម៉ាក់គួរឲ្យកូនយល់ដឹងពីសារៈសំខាន់នៃពេលវេលា ដោយកំណត់ពេលសម្រាប់ការធ្វើកិច្ចការផ្សេងៗ ដូចជាឲ្យកូនធ្វើលំហាត់ឲ្យចប់នៅក្នុងរយៈពេលណាមួយ។ ដូចគ្នានេះដែរ ចំពោះសកម្មភាពកម្សាន្ត ដូចជាមើលទូរទស្សន៍ ឬលេងហ្គេមក៏ប៉ាម៉ាក់គួរកំណត់ពេលវេលាឲ្យសមស្របណាមួយសម្រាប់កូន និងឲ្យកូនប្រកាន់ខ្ជាប់ទៅនឹងទម្លាប់មួយនេះ។

២. ធ្វើជាគំរូដល់កូន

ប៉ាម៉ាក់គឺជាគ្រូដំបូងសម្រាប់កូន ហើយក៏ជាគំរូដល់កូនដូចគ្នា។ ភាគច្រើន កូនតែងតែធ្វើតាមអ្វីដែលប៉ាម៉ាក់ធ្វើជានិច្ច អីចឹងហើយ បើយើងភ្ញាក់ពីព្រលឹម ធ្វើលំហាត់ប្រាណ ធ្វើកិច្ចការផ្ទះ ញ៉ាំអាហារល្អៗ ឬចូលគេងពីក្បាលព្រលប់ កូនក៏យកគំរូតាមដែរ។

ក្មេងខ្ជិល

៣. ឲ្យកូនបង្កើតតារាងការងារដោយខ្លួនឯង

ទន្ទឹមនឹងនេះដែរ យើងចាំបាច់ត្រូវលើកទឹកចិត្តកូនឲ្យចេះរៀបចំកាលវិភាគ និងកំណត់ពេលបញ្ចប់សកម្មភាពនីមួយៗដោយខ្លួនឯង។ ការធ្វើបែបនេះ អាចជួយឲ្យកូនចេះគោរពវិន័យបានល្អទៅថ្ងៃអនាគត។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

៤. បង្រៀនកូនឲ្យយល់ដឹងពីតម្លៃនៃភាពបរាជ័យ

ប្រសិនបើកូនមិនអាចបញ្ចប់កិច្ចការណាមួយតាមការកំណត់ ប៉ាម៉ាក់គួរពន្យល់ណែនាំកូនថា ការបរាជ័យមិនមែនជារឿងដែលត្រូវបាក់ទឹកចិត្តឡើយ ហើយអ្វីដែលសំខាន់បំផុត គឺអាចក្រោកឈរឡើងដោយខ្លួនឯងរាល់ពេលបរាជ័យ។

៥. ផ្ដល់រង្វាន់លើកទឹកចិត្តដល់កូន

មួយវិញទៀត ប៉ាម៉ាក់គួរផ្ដល់ជារង្វាន់លើកទឹកចិត្តនៅពេលដែលកូនខិតខំព្យាយាមធ្វើរឿងរ៉ាវអ្វីមួយ ដូចជាសន្យាថានឹងទិញកង់ឲ្យកូន ប្រសិនបើកូនអាចធ្វើលំហាត់បានពិន្ទុល្អ ក្នុងរយៈពេលពីរបីខែ ឬទិញសៀវភៅរឿងឲ្យកូន នៅពេលដែលកូនជួយធ្វើកិច្ចការផ្ទះណាមួយ។

អត្ថបទគួរអាន៖

បើកូនទម្លាប់ខ្ជិលមិនធ្វើអ្វីសោះ ប៉ាម៉ាក់គួរដោះស្រាយបែបណា?

គន្លឹះ​ដោះស្រាយ​ភាព​ខ្ជិល​ច្រអូស​របស់​ក្មេង

១. កំណត់​ពេល​វេលា​

២. ធ្វើ​ជា​គំរូ​ដល់​កូន

​​៣. ឲ្យ​កូន​បង្កើត​តារាង​ការងារ​ដោយ​ខ្លួន​ឯង

៤. បង្រៀន​កូន​ឲ្យ​យល់​ដឹង​ពី​តម្លៃ​នៃ​ភាពបរាជ័យ

៥. ផ្ដល់​រង្វាន់​លើក​ទឹក​ចិត្ត​ដល់​កូន​