តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កូន​រៀនអង្គុយ​ហើយ ម៉ាក់ប៉ា​គួរ​ជួយ​អី​ខ្លះ?

កូន​រៀនអង្គុយ​ហើយ ម៉ាក់ប៉ា​គួរ​ជួយ​អី​ខ្លះ?

ទារក​ភាគ​ច្រើន អាច​អង្គុយ​បាន​នៅ​ខែ​ទី៤ ឬ​យូរ​បំផុត​ខែ​ទី៧។ ទារក​អាច​ក្រឡាប់ ចាប់​ផ្ដើម​ចំកោង​ខ្លួន ងើប​ក្បាល​បាន​កាន់​តែ​ស្ទាត់។ ពេល​អាអូន​អាយុ ៨ ខែ អាច​អង្គុយ​បាន ២-៣ នាទី ដោយ​មិន​បាច់​ទប់។

១- អាអូនរៀនអង្គុយយ៉ាងម៉េច?

ម៉ាក់ប៉ា​ចង់​ឲ្យ​កូន​ធំ​លឿន ចេះ​តោង អង្គុយ ប៉ុន្តែ​កូន​អាច​អង្គុយ​បាន ពេល​គេ​ស្ទាត់​ជំនាញ​គ្រប់​គ្រង​ក្បាល។ បន្ទាប់​ពីខែ​ទី ៤ សាច់ដុំ​ក និង​ក្បាល​ចាប់ផ្ដើម​រឹងមាំ អាច​ងើប និង​ឱនក្បាល​ចុះ​ឡើង​បាន។

ដើម្បី​ទប់​ជំហរ ទារក​នឹង​រក​វិធី​ដើម្បី​ទ្រ​ខ្លួន​គេ​ដោយ​ប្រើ​ដៃ។ ក្រោយមក​ទៀត អាច​អង្គុយ​រយៈពេល​ខ្លី។ ប៉ុន្តែ​ម៉ាក់ប៉ា​គួ​រនៅ​ក្បែរ​ចាំទប់ ព្រោះកូន​តូច​អាច​ដួល​គ្រប់​ពេល។ កូន​អាយុ ៨ ខែ អាច​អង្គុយ​ដោយ​មិនបាច់​ទប់ និង​ចាប់ផ្តើម​លូកដៃ​ស្រវេស្រវា។

២- កុំព្រួយពេក

កូនតូច​អាច​រអិល ឬ​ដួល និង​មិន​អាច​រក្សា​លំនឹង​បាន ប៉ុន្តែ​បើ​កូន​ទើប​រៀន​អង្គុយ អស់​កម្លាំង​ច្រើន យំ ឬ​ត្អូញត្អែរ មួម៉ៅ គួរ​ឲ្យ​កូន​សម្រាក ហើយ​ចាំ​រៀន​ត​ទៀត ឬ​កុំ​បង្ខំកូន​ឱ្យ​អង្គុយ​យូរ​ពេក។ ទារក​ទាំង​អស់​មាន​ការ​លូតលាស់​ខុសៗ​គ្នា។ បើ​អាអូន​មិនអាច​អង្គុយ​បាន​ពេល​អាយុ ៥ ខែ អ៊ីចឹង​ម៉ាក់ៗ​កុំ​បារម្ភអី ព្រោះ​វា​មិន​ខុស​ប្រក្រតី​អីទេ ហើយ​កូន​ខ្លះ​អាច​អង្គុយ​បាន ទាល់​តែ​គេ​អាយុ ៩ ខែ​ក៏​មាន។

អាច​ឲ្យ​កូន​ដេកផ្ងារ ហើយ​ទាញដៃ​កូន​ថ្នមៗ​ឲ្យ​ងើប​អង្គុយ​ក៏​បាន។ ពេល​រាងកាយ​គេ​រឹងមាំ អាអូន​អាច​អង្គុយ​ដោយ​ខ្លួន​ឯង​បាន។

៣- បើកូនអង្គុយបានហើយគួរធ្វើម៉េចទៀត?

បន្ទាប់​ពី​អង្គុយ​បាន​ជាប់​ល្អ កូន​នឹង​ចាប់ផ្តើម​មាន​កម្លាំង​ចាប់កាន់ រាវ ស្រវេ​ស្រវា តោង​ក្រោកឈរ។ បន្ទាប់​មក ចាប់ផ្តើម​បោះ​ជំហាន​តេះតោះៗ អ៊ីចឹង​គួរ​ជួយ​ការពារ និង​ទប់កូន​កុំឲ្យ​ដួល ប្រយ័ត្ន​ដួល​ត្រូវ​នេះ ត្រូវ​នោះ​ឈឺ យំ​ពិបាក​លួង​ទៀត។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Sitting Up. https://www.whattoexpect.com/first-year/sit-up/. Accessed June 26, 2017.

Baby milestones: Sitting. https://www.babycenter.com/0_baby-milestones-sitting_6505.bc. Accessed June 26, 2017.


អត្ថបទពាក់ព័ន្ធ

ចិញ្ចឹមកូនឲ្យលូតលាស់បានល្អ និងមានអនាគតភ្លឺស្វាងគួររៀប ៤ ចំណុច

ទោះមិនប្រើដៃប្រើជើង ឬរំពាត់ ក៏អាចចិញ្ចឹមកូនឲ្យមានចរិតល្អបាន ជាមួយតិចនិកនេះ

ចង់ឲ្យអាអូនលូតលាស់ដោយភាពរីករាយ ម៉ាក់ប៉ាអាចសាកល្បងតិចនិកចិញ្ចឹមកូនបែបនេះបាន

ម៉ាក់ៗសម័យថ្មី ចិញ្ចឹមកូនបែបណា​ទើបកូនមានប្រព័ន្ធការពាររឹងមាំ និងមិនសូវឈឺ?

វិធី ៥ យ៉ាង​ អ្នកជំនាញ​ចែករំលែក​ដល់ម៉ាក់ប៉ាគួរអនុវត្តឲ្យ​បាន​ក្នុងការចិញ្ចឹមកូន

របៀ​បចិញ្ចឹមកូន ៧ យ៉ាង ប៉ាម៉ាក់គួរចៀសវាង បើមិនចង់ឲ្យប៉ះពាល់អនាគតកូន

គន្លឹះសំខាន់ៗក្នុងការចិញ្ចឹមកូន ម៉ាក់ប៉ាចាំបាច់ត្រូវដឹង (វីដេអូ)

ចិញ្ចឹមកូនតាមវិធីនេះ ធំឡើងនឹងក្លាយជាមនុស្សរឹងមាំ មានវិន័យក្នុងខ្លួន


រូបថត​របស់​អ្នក​និពន្ធbadge
ដោយ Khlaut Rithy កែសម្រួល​ចុងក្រោយ 10/12/2021
ត្រួតពិនិត្យដោយ គឹម កាណែល