អាហារដែលចាំបាច់បំផុតសម្រាប់ទារក គឺទឹកដោះម្ដាយ។ WHO បានណែនាំថា ទារកត្រូវបៅដោះម៉ាក់ៗយ៉ាងតិចឲ្យគ្រប់៦ខែទើបល្អ និងមានបូកបន្ថែមអាហារផ្សេងៗទៀត។ អាអូនអាចបៅដោះម្ដាយតាំងពីកើតមក រហូតដល់អាយុ២ឆ្នាំ ឬលើសនេះ។ តែបើកូនអាយុ២-៣ខែ បៅដោះសុខៗ ស្រាប់តែលែងចង់បៅ ឬបៅបានតិច បណ្ដាលមកពីអី?
កូនអាយុ ២-៣ ខែ ធ្លាប់បៅដោះម៉ាក់ច្រើនសុខៗ លែងសូវបៅវិញ អាចមកពីអាអូនមានបញ្ហានេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឆ្លើយតបនឹងចម្ងល់នេះ លោកវេជ្ជបណ្ឌិត សូរ ប៉េង ឯកទេសជំងឺកុមារនៃគ្លីនិកកុមារ មុនីឃីត ឲ្យដឹងថា ជាទូទៅ ទារកកើតមក ២-៣ខែ គឺបៅដោះម្ដាយធម្មតា ស្រាប់តែសុខៗកូនលែងបៅ ម៉ាក់ប៉ាត្រូវពិនិត្យមើលទៅលើសុខភាពកូន ក្រែងឡអាអូនមានបញ្ហាអីធ្វើឲ្យលែងចង់បៅដោះម្ដាយដូចជា៖
ទី១.បញ្ហាប្រព័ន្ធផ្លូវដង្ហើមខាងលើ
ទី២.ពាក់ព័ន្ធជំងឺមួយចំនួនដូច ផ្ដាសាយ ឬជំងឺរលាកខួរក្បាល ជាដើម។
ចំណែកមូលហេតុមួយវិញទៀតដែលបណ្ដាលឲ្យទារកមិនសូវបៅដោះម្ដាយ អាចមកពីម្ដាយមិនសូវសម្បូរទឹកដោះឲ្យអាអូនបៅ “បើពីមុនម្ដាយសម្បូរទឹកដោះ តែឥឡូវបរិមាណថយចុះក៏អាចឲ្យកូនលែងសូវបៅដោះដែរ។ កាលណាម្ដាយមិនសូវមានទឹកដោះឲ្យកូនបៅ អ៊ីចឹងពេលកូនបៅត្រូវប្រឹងប៊ឺតយកទឹកដោះ ដូចនេះវាពិបាកសម្រាប់កូន”។
វេជ្ជបណ្ឌិតឯកទេសរោគកុមារនៃគ្លីនិកកុមារ មុនីឃីតរូបនេះបន្តថា ក្នុងករណីដែលកូនមិនសូវបៅដោះដូចមុន ម៉ាក់ប៉ាមិនគួរងាកឲ្យកូនបៅទឹកដោះគោភ្លាមទេ។ យើងត្រូវរកមូលហេតុឲ្យច្បាស់សិនថា ហេតុអីបានកូនបៅស្រាប់តែបៅតិចជាងមុន ឬឈប់បៅ។ បើយើងរកឃើញមូលហេតុច្បាស់លាស់ និងព្យាបាលបញ្ហានោះ កូនអាចបៅដោះបានធម្មតា មិនគួរឲ្យបារម្ភទៀតទេ។
លើសពីនេះ លោកបានលើកទឹកចិត្តឲ្យម៉ាក់ៗគ្រប់រូប បំបៅដោះកូនឲ្យបានគ្រប់៦ខែ ព្រោះវាជាអាហារសំខាន់សម្រាប់ទារក មិនអាចមានអ្វីមកជំនួសបានទេ។ ប៉ុន្តែ ក្នុងករណីដែលម៉ាក់ៗមានទឹកដោះតិច ឬស្ទើរតែគ្មានទឹកដោះ សឹមជំនួសដោយឲ្យកូនបៅទឹកដោះគោ គ្រាន់តែក្មេងបៅទឹកដោះគោ ជួនកាលអាចជួបបញ្ហាហើមពោះ ឬបញ្ហាសុខភាពផ្សេងៗញឹកញយជាងទារកបៅទឹកម្ដាយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម