ការមានរបៀបឆុង និងទុកដាក់ទឹកដោះគោម្សៅកូនបៅប្រកបដោយសុវត្ថិភាពអាចការពារកូនយើងពីហានិភ័យនៃការប្រតិកម្មទឹកដោះគោ និងបាក់តេរី ឬមេរោគផ្សេងៗដែលអាចបង្កជាជំងឺបាន។ ខាងក្រោមនេះជាតិចនិករបៀបឆុង និងទុកដាក់ទឹកដោះគោម្សៅ និងដបទឹកដោះគោត្រឹមត្រូវ ជាម៉ាក់ប៉ាគេ ពិសេសអ្នកទើបមានកូនគួរអនុវត្តតាម។
ទើបមានកូនមកដឹងរបៀបឆុង និងទុកដាក់ទឹកដោះគោម្សៅឲ្យកូនបៅ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដឹងពីកាលវិភាគចាក់ថ្នាំបង្ការកូននៅទីនេះ
ដឹងអត្ថន័យពណ៌ និងរូបរាងលាមកទារក
ការរៀបចំទឹកដោះគោម្សៅ
- លាងដៃឲ្យបានល្អមុនពេលរៀបចំឆុង ឬបំបៅកូន។ សម្អាត និងធ្វើអនាម័យកន្លែងរក្សាកំប៉ុងទឹកដោះគោម្សៅ ឬកន្លែងដែលយើងត្រូវឆុងទឹកដោះគោឲ្យកូនបៅ។
- រាល់ដបទឹកដោះគោកូនត្រូវតែសម្អាត សម្លាប់មេរោគឲ្យស្អាតជានិច្ច។
- ពេលឆុងទឹកដោះគោ ត្រូវពិនិត្យមើល និងអនុវត្តតាមការណែនាំលើសម្បកកំប៉ុងទឹកដោះគោម្សៅឲ្យបានហ្មត់ចត់។
- បើចង់ឲ្យកូនបៅទឹកដោះគោនៅក្ដៅតិចៗ ចៀសវាងយកដបទឹកដោះគោទៅដាក់ក្នុងម៉ាស៊ីន Microwave យកល្អដាក់ដបទឹកដោះគោម្សៅត្រាំក្នុងចានទឹកក្ដៅឧណ្ហៗបាន (ត្រូវពិនិត្យមើលកម្ដៅសិនមុនឲ្យកូនបៅ)។
ការរក្សាទឹកដោះគោម្សៅទុក
- ទឹកដោះគោឆុងរួចអាចខូចបាន បើយើងទុកចោលយូរក្នុងសីតុណ្ហភាពធម្មតា ហេតុនេះគួរឲ្យកូនបៅទឹកដោះគោក្នុងរយៈពេល ២ ម៉ោងក្រោយឆុង។
- ប្រសិនបើយើងចង់ឆុងទុកឲ្យកូនបៅ គួរតែរក្សាទុកក្នុងទូទឹកកក និងឲ្យកូនបៅក្នុងរយៈពេល ២៤ ម៉ោង។
- ចាក់ចោលទឹកដោះគោដែលកូនបៅសល់ឲ្យអស់ កុំស្ដាយ ព្រោះទឹកដោះគោដែលអូនបៅហើយ ប៉ះជាមួយនឹងទឹកមាត់កូនអាចបង្កឲ្យមានបាក់តេរីកើតឡើង។
- រក្សាកំប៉ុងទឹកដោះគោដែលមិនទាន់បើកប្រើនៅកន្លែងត្រជាក់ ស្ងួត ពោលគឺនៅក្នុងបន្ទប់ ឬកន្លែងណាមានសីតុណ្ហភាពធម្មតា មិនត្រូវថ្ងៃ។
- ចំណែកកំប៉ុងបើកប្រើរួច ត្រូវរក្សានៅកន្លែងត្រជាក់ ស្ងួត ហើយបិទគម្របឲ្យជិត និងមិនត្រូវដាក់ក្នុងទូទឹកកកឡើយ។
- ទឹកដោះគោម្សៅភាគច្រើន បើកហើយត្រូវប្រើក្នុងរយៈពេល ១ខែ និងមិនត្រូវប្រើលើសកាលកំណត់លើកំប៉ុងទឹកដោះគោឡើយ។
ក្នុងករណីទារកនៅក្មេងខ្លាំង (អាយុតិចជាង ៣ ខែ) កើតមិនគ្រប់ខែ ឬមានប្រព័ន្ធការពាររាងកាយខ្សោយ ម៉ាក់ប៉ាគួរតែប្រុងប្រយ័ត្នចំពោះការប្រើទឹកដោះគោម្សៅឲ្យកូនបៅ ដើម្បីបង្ការមេរោគ Cronobacter កើតឡើង និងត្រូវពិគ្រោះជាមួយគ្រូពេទ្យជំនាញជាមុនសិន។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម