និយាយដល់រឿងទឹកដោះ ស្រីៗមួយចំនួនច្បាស់ជាបារម្ភ ព្រោះអត់មានទឹកដោះគ្រប់គ្រាន់ឲ្យកូនបៅ ខ្លះរកទឹកដោះឲ្យកូនបៅ ខណៈខ្លះទៀត សម្បូរនោះសម្បូរ អូនៗបៅយ៉ាងណាក៏បៅមិនអស់ដែរ។ “Hello គ្រូពេទ្យ” នឹងបកស្រាយប្រាប់ម៉េចបានស្រីៗសម្បូរទឹកដោះលើសតម្រូវការ។

១- ហេតុផលធ្វើឲ្យផលិតទឹកដោះច្រើនលើសតម្រូវការ

មានហេតុផលច្រើនដែលធ្វើឲ្យម្ដាយសម្បូរទឹកដោះហួសហេតុ។ អាចមកពី៖

– ធម្មជាតិស្រាប់ដែលអំណោយផល

– អតុល្យភាពអ័រម៉ូន

– ករណីម៉ាក់ៗបូមទឹកដោះទុកក្នុងបរិមាណច្រើនពេក ដូច្នេះបរិមាណទឹកដោះនឹងផលិតវិញលឿន

– ម៉ាក់ៗខ្លះទម្លាប់ប្ដូរដោះទាំងពីរឲ្យអូនៗបៅស្មើគ្នា ពេលបំបៅម្តងៗ។ ការផ្លាស់ប្ដូរដោះបែបនេះ អាចបង្កើតរំញោចនាំឲ្យមានការផលិតទឹកដោះកាន់តែច្រើន។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២- វិធីសាស្ត្រងាយៗបន្ថយការផលិតទឹកដោះ

– ពេលបំបៅ បំបៅតែដោះម្ខាងណាគឺម្ខាងហ្នឹង៖ បើកូនត្រូវបៅម្ដងទៀតក្នុងរយៈពេល ២ ម៉ោង ព្យាយាមឲ្យកូនបៅនៅដោះដដែល ហើយរង់ចាំមើលប្រតិកម្មកូន។ ដោះ នឹងពន្យឺតល្បឿនផលិតទឹកដោះ ដោយសារតម្រូវការទឹកដោះរបស់កូនថមថយ។ ប៉ុន្តែ ត្រូវប្រាកដថា កូនបៅឆ្អែតគ្រប់គ្រាន់។

ឯដោះម្ខាងទៀត គួរច្របាច់ បូមទឹកដោះចេញរយៈពេលប្រហែល ២០-៣០ វិនាទី ដើម្បីកុំឲ្យមានបញ្ហារំខានឈឺ។ តែកុំច្របាច់ ឬបូមទឹកដោះចេញច្រើនពេក ព្រោះវានឹងរំញោច ហើយធ្វើឲ្យយើងផលិតទឹកដោះកាន់តែច្រើន។

ចាំថាការផលិតទឹកដោះហួសកម្រិត មិនមែនជាបញ្ហាធំដុំនោះទេ អាចនឹងបាត់ទៅវិញ ពេលដែលអូនៗកាន់តែធំ។ ហេតុនេះ គ្នាយើងទាំងអស់ កំពុងជួបបញ្ហានេះ ត្រូវអត់ធ្មត់បន្តិច៕

អត្ថបទគួរអាន៖

មូលហេតុម៉ាក់ៗសម្បូរទឹក​ដោះ​ហូរហៀរ កូនពីរនាក់បៅមិនអស់ និង​ដំណោះស្រាយ

១- ហេតុផលធ្វើឲ្យផលិតទឹកដោះច្រើនលើសតម្រូវការ

២- វិធីសាស្ត្រងាយៗបន្ថយការផលិតទឹកដោះ

មូលហេតុម៉ាក់ៗសម្បូរទឹកដោះហូរហៀរ កូនពីរនាក់បៅមិនអស់ និងដំណោះស្រាយ