តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ថែមអំបិល ឬស្ករ ក្នុងអាហារកូនក្រោម ១ឆ្នាំ ដូចនាំជំងឺចូលខ្លួនអាអូន

    ថែមអំបិល ឬស្ករ ក្នុងអាហារកូនក្រោម ១ឆ្នាំ ដូចនាំជំងឺចូលខ្លួនអាអូន

    របប​អាហារ​កូន​ក្រោម​១ឆ្នាំ ចាំ​បាច់​បំផុត​បន្ទាប់​ពី​ការ​បៅ​ដោះ​ម្ដាយ ឬ​ម្សៅ​ទឹកដោះ​គោ គឺ​បបរ​ខាប់​គ្រប់​គ្រឿង ឬ​ចំណី​អាហារ​ទន់​ៗ​ដែល​អា​អូន​អាច​ញ៉ាំ​បាន។ ស្រប​គ្នា​នេះ មាន​ម៉ាក់​ៗ​មួយ​ចំនួន​ធ្វើ​បបរ​ខាប់​គ្រប់​គ្រឿង ឬ​ចំណី​ចំណុក​ផ្សេងៗ​ឲ្យ​កូន លួច​ដាក់​ស្ករ ឬ​អំបិល​ក្នុង​អាហារ ដើម្បី​ឲ្យ​មាន​ជាតិ ទាំង​មិន​ដឹង​ថា វា​អាច​បង្ក​ផល​ប៉ះពាល់​ដល់​សុខភាព​កូន​វិញ​ទេ។

    លោក​ស្រី​វេជ្ជបណ្ឌិត កុសល កណិការ ក៏​បាន​ឲ្យ​ដឹង​ដែរ​ថា ជា​ទូទៅ រាងកាយ​ទារក​ត្រូវ​ការ​ជាតិ​អំបិល​តែ ០.៤ក្រាម/ថ្ងៃ ហើយ​វា​តែង​តែ​ត្រូវ​បាន​បំពេញ​ដោយ​ទឹក​ដោះ​ម្ដាយ ឬ​ទឹកដោះគោ។ ចំណែក​ស្ករ​ក៏​ប៉ះពាល់​ដល់​ទារក​ដូច​គ្នា​ដោយ​មូលហេតុ​ថា ស្ករ​ត្រូវ​បាន​ចម្រាញ់​ដោយ​ដំណើរ​ការ​គីមី​ជា​ច្រើន​ដែល​វា​អាច​បង្ក​គ្រោះ​ថ្នាក់​ដល់​ទារក ឬ​កុមារ។

    ផល​ប៉ះពាល់​នៃ​ការ​លើស​ជាតិ​អំបិល

    -​ មុខងារ​តម្រង​នោម​ទារក​អាច​នឹង​ជួប​បញ្ហា (ដោយ​សារ​ជាតិ​អំបិល​មិន​បម្លែង​អស់)
    – វា​ក៏​អាច​បង្ក​ទៅ​ជា​ជំងឺ​ផ្សេងៗ​ទៀត​ដូច​ជា ក្រួស​ក្នុង​តម្រង​នោម កង្វះ​ជាតិ​ទឹក ជំងឺ​ពុក​ឆ្អឹង ជំងឺ​សរសៃ​ឈាម និង​ជំងឺ​ផ្លូវ​ដង្ហើម​ជាដើម។

    ផល​ប៉ះពាល់​នៃ​ការ​លើស​ជាតិ​ស្ករ

    – ជាតិ​ស្ករ​ដែល​លើស​អាច​ធ្វើ​ឲ្យ​ទារក ឬ​កុមារ​មាន​បញ្ហា​ពុក​ធ្មេញ និង​ល្ហិតល្ហៃ
    – វា​ក៏​អាច​បង្ក​ទៅ​ជា​ជំងឺ​ផ្សេង​ៗ​ទៀត​ដូច​ជា ជំងឺ​ស្ទះ​សរសៃ​ឈាម​បេះដូង ជំងឺ​ទឹក​នោម​ផ្អែម និង​ជំងឺ​ធាត់​ជាដើម។

    បើ​តាម​ការ​ឲ្យ​ដឹង​ពី លោក​ជំទាវ ប្រាក់ សោភ័ណនារី អនុរដ្ឋលេខាធិការ ក្រសួង​សុខាភិបាលថា តាម​គោលការណ៍​របស់​ក្រសួង​សុខាភិបាល មិន​អនុញ្ញាត​ឲ្យ​ថែម​អំបិល ឬ​ស្ករ​ចូល​ក្នុង​អាហារ​កូន​ក្រោម​១ឆ្នាំ​ទេ។ កូន​ក្មេង​កាល​ណា​ញ៉ាំ​ប្រៃ ឬ​ញ៉ាំ​ផ្អែម​ពេក ធ្វើ​ឲ្យ​មាន​បញ្ហា​សុខភាព​ទៅ​ថ្ងៃ​មុខ ពិសេស​ពាក់ព័ន្ធ​នឹង​បញ្ហា​ក្រលៀន។ ក្មេង​ទើប​តែ​ចប់​ពី​បៅ​ដោះ​ម្តាយ ចូល​មក​ញ៉ាំ​បបរ គឺ​នៅ​រសជាតិ​ដូច​គ្នា អណ្ដាត​ក្មេង​អត់​ទាន់​បាន​ប៉ះពាល់​រសជាតិ​អី​នោះ​ទេ (មិនដឹងថា សាប ឬប្រៃ) ដូច្នេះ​មិន​បាច់​បារម្ភ​ថា បបរ​សាប​កូន​ញ៉ាំ​មិន​កើត​នោះ​ទេ។

    របប​អាហារ​កូន​ក្រោម​១ឆ្នាំ

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Salt and Sugar for Babies – Reasons to Avoid Them https://parenting.firstcry.com/articles/salt-and-sugar-for-babies-reasons-to-avoid-them/

    13 Reasons Why Sugar and Salt is a Big NO for Babies Below 1 Year https://www.bumpsnbaby.com/why-sugar-salt-babies/

    Can I put salt in my baby’s food? https://www.babycentre.co.uk/x555836/can-i-put-salt-in-my-babys-food

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 20/07/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: