ប្រហែលជាប៉ាម៉ាក់គិតថា វាគឺជារឿងចម្លែកដែលកូនតូចចេះតែសម្លឹងមើលមុខមនុស្សប្លែកមិនដាក់ភ្នែក ឬអាចមានរបស់អ្វីមួយមិនល្អ នៅពេលឃើញកូនសម្លឹងមើលកាច់ជ្រុងបន្ទប់គ្រប់ពេលវេលា។ ប៉ុន្តែ នេះគឺជារឿងល្អប៉ុណ្ណោះ ដែលអាអូនចូលចិត្តសម្លឹងអ្វីមួយច្រើន ពីព្រោះវាគឺជាសញ្ញាបង្ហាញថាខួរក្បាលរបស់ក្មេងមានការអភិវឌ្ឍល្អប្រសើរ។
អាអូនចេះតែសម្លឹងអ្វីមួយមិនដាក់ភ្នែក អាចមកពីរឿងទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ហេតុអ្វីបានជាកូនសម្លឹងមើលប៉ាម៉ាក់មិនដាក់ភ្នែក?
យោងតាមសិក្សាមួយបានបង្ហាញថា ទារកតែងតែសម្លឹងមនុស្សមិនដាក់ភ្នែក ពីព្រោះពួកគេគិតថាអ្នកទាំងនោះមានភាពទាក់ទាញ។ យ៉ាងណាមិញ ភាពទាក់ទាញនេះមិនសំដៅទៅលើសម្រស់ស្រស់ស្អាតនោះទេ ប៉ុន្តែក្មេងគិតថាយើងមានអ្វីពិសេសដែលធ្វើឲ្យពួកគេចាប់អារម្មណ៍។
ម្យ៉ាងវិញទៀត អាអូនកំពុងតែរៀនស្វែងយល់អំពីអ្វីថ្មីៗដែលនៅជុំវិញខ្លួនពួកគេ។ ដូច្នេះហើយ ពួកគេអាចនឹងសម្លឹងយើងមិនដាក់ភ្នែក ពីព្រោះតែយើងខុសប្លែកពីធម្មតា ដូចជាមានពាក់វ៉ែនតា មានដុះពុកមាត់ ឬមានអ្វីនៅជាប់មុខយើងជាដើម។
ហេតុអ្វីកូនកសម្លឹងមើលវត្ថុអ្វីមួយមិនដាក់ភ្នែក?
ជាមួយគ្នានេះដែរ កូនតូចមានភាពទាក់ទាញទៅនឹងចលនា។ ហេតុនេះហើយ ទើបអាអូនចូលចិត្តសម្លឹងមើលវត្ថុផ្សេងៗដែលមានចលនា ដូចជាកង្ហារដែលកំពុងតែវិល ឬតុក្កតាដែលប៉ាម៉ាក់យកមកឲ្យពួកគេលេង។
បន្ថែមពីនេះ ភ្នែករបស់ក្មេងក៏មានភាពទាក់ទាញទៅនឹងពណ៌ផ្ទុយគ្នាផងដែរ។ អាអូនអាចនឹងសម្លឹងមើលជញ្ជាំងមិនដាក់ភ្នែក នៅពេលដែលយើងតាំងភ្ជាប់គ្រឿងសង្ហារិមនៅលើជញ្ជាំងនោះ។ ពិតណាស់ ក្មេងកំពុងតែសិក្សាពីពិភពលោកនេះ ដូច្នេះហើយរឿងរ៉ាវសាមញ្ញៗទាំងនេះ ក៏អាចទាក់ទាញចំណាប់អារម្មណ៍របស់ពួកគេបានដែរ។
ហេតុអ្វីកូនសម្លឹងទៅកាន់ទីលំហមិនដាក់ភ្នែក?
នៅរយៈពេល៩០ថ្ងៃដំបូងដែលទារកកើត ខួរក្បាលរបស់ពួកគេលូតលាស់ត្រឹម៦៤% ដែលមានន័យថាទារកកំពុងតែភ្ជាប់ទំនាក់ទំនងថ្មីៗ និងរៀនយល់ដឹងពីរឿងរ៉ាវថ្មីៗជាដើម។ ដូច្នេះហើយ ប្រសិនបើទារកសម្លឹងទៅកាន់ទីលំហ គឺអាចពីព្រោះតែអាអូនបន្ថែមពេលវេលាក្នុងការអភិវឌ្ឍខួរក្បាលរបស់ខ្លួន។
ពិតណាស់ ប៉ាម៉ាក់មួយចំនួនច្បាស់ជាមានការព្រួយបារម្ភ នៅពេលឃើញកូនសម្លឹងអ្វីមួយមិនដាក់ភ្នែក។ ប៉ុន្តែ ផ្ទុយទៅវិញ នេះគឺជាសញ្ញាបង្ហាញថាខួរក្បាលរបស់ទារកកំពុងតែប្រឹងប្រែងអភិវឌ្ឍឥតឈប់ឈរប៉ុណ្ណោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម