បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
រឿងក្មេងគេងនោមដាក់ពូក អាចចាត់ទុកជារឿងធម្មតា ចាស់ៗពីដើមជឿថា ដោយសារទម្លាប់អាក្រក់ពីប៉ាម៉ាក់បណ្តែតបណ្តោយ បានជាកូនខ្ជិលបែបនេះ។ ប៉ុន្តែ ក្មេងតូចៗនោមដាក់ពូកពេលគេង អាចជាបញ្ហាហ្សែន ហើយនឹងបាត់ទៅវិញនៅអាយុមួយ។ យ៉ាងណា បើដល់វ័យកូនគួរតែឈប់នោម តែបែរជានៅបន្តនោម ត្រូវស្វែងរកជំនួយ និងតិចនិកពិសេសៗដោះស្រាយរឿងនេះហើយ។
១- ក្មេងនោមដាក់ពូកមិនមែនដោយសារបញ្ហាសុខភាព
ពេលខ្លះ ការនោមដាក់ពូកពេលគេង អាចដោយសារជំងឺទល់លាមក ឬការបង្ករោគណាមួយ។ ត្រូវយកអូនៗទៅជួបពេទ្យ ដើម្បីរកឲ្យឃើញមូលហេតុបង្ក។
ករណីក្មេងៗនោមដាក់ពូកភាគច្រើន គឺស្ថិតក្នុងស្ថានភាពនោមទាំងមិនដឹងខ្លួន មានន័យថា បញ្ហាមិនងាយបាត់ទៅវិញឡើយ។ គ្រូពេទ្យជឿថា ស្ថានភាពនេះអាចបង្កឡើងដោយប្លោកនោម ដែលមិនទាន់ពេញលក្ខណៈគ្រប់គ្រាន់។ បើការនោមដាក់គ្រែពេលគេង ស្រាប់កើតមានឡើងក្រោយ ទាំងអូនៗមិននោមដាក់គ្រែយូរហើយនោះ វាជាការនោមដោយមិនដឹងខ្លួន បណ្តាលមកពីកត្តាអ្វីមួយផ្សេង។ នោមដោយមិនដឹងខ្លួន បណ្តាលមកពីកត្តាមួយផ្សេងទៀតតាមធម្មតា មានជាប់ទាក់ទងនឹងបញ្ហាផ្លូវចិត្ត ទាមទារការព្យាបាលផ្សេងៗ។ ប្រសិនគ្មានបញ្ហាស្ថានភាពវេជ្ជសាស្ត្រជាដើមហេតុបង្កទេ យើងនៅតែមានវិធីជួយទប់ស្កាត់បញ្ហានេះបាន។
២- វិធីសាស្ត្រជួយក្មេងៗកុំឲ្យនោមដាក់ពូក
– ចៀសវាងកុំផឹកទឹកពេលយប់ គួរឲ្យអូនៗផឹកទឹកនៅពេលថ្ងៃឲ្យបានច្រើន។
– ដាក់កាលវិភាគទៅបន្ទប់ទឹកសម្រាប់អូនៗ ដោយអូនៗគួរទៅបង្គន់រៀងរាល់ ២-៣ ម៉ោងម្តង និងមុនពេលពួកគេចូលគេង។
– ផ្តល់រង្វាន់អ្វីមួយឲ្យអូនៗនៅពេលអូនៗ អាចទប់ខ្លួនមិននោមដាក់ពូកទៀត។
– ចៀសវាងកុំឲ្យអូនៗញ៉ាំចំណីធ្វើឲ្យភ្ញោចប្លោកនោម ដោយសារធាតុទាំងនោះមានជាតិកាហ្វេអ៊ីន (សូកូឡា កាកាវ) ទឹកផ្លែឈើមានជាតិជូរ សារធាតុបន្ថែមក្នុងអាហារ ជាតិពណ៌ និងជាតិផ្អែម។
– ជំរុញលើកទឹកចិត្តអូនៗ ឲ្យញ៉ាំទឹកម្ដងបន្តិចៗ ឲ្យបានពេញមួយថ្ងៃ។
−កុំដាក់ទោសកូនរឿងនោមដាក់ពូក។
អត្ថបទពាក់ព័ន្ធ៖
៣- គួរឲ្យក្មេងប្រើថ្នាំដែរទេ?
ទោះបីមានថ្នាំដោះស្រាយកុំឲ្យការនោមពេលគេងក៏ពិតមែន ប៉ុន្តែពេទ្យមិនណែនាំឲ្យប្រើទេ ព្រោះវាគ្រាន់តែជាការដោះស្រាយបញ្ហាបណ្ដោះអាសន្ន មិនមែនជាងដំណោះស្រាយពិតប្រាកដឡើយ។
៤- ទម្លាប់នោមពេលគេងនឹងក្លាយជាបញ្ហានៅពេលធំឡើង
ត្រូវសួរអូនៗ ថាគេងពិតជាចង់ឈប់នោមដាក់ពូកពេលគេង ឬយ៉ាងណា? បើអូនៗតាំងចិត្តឈប់នោមពេលយប់ ត្រូវប្រាកដថា គេនឹងមិនផឹកទឹក ឬញ៉ាំអាហារដូចរៀបរាប់ខាងលើមុនចូលគេង ព្រោះទម្លាប់នោមពេលគេង អាចបន្តដល់ពេលអូនៗធំពេញវ័យ ក៏ជាបញ្ហាធំមួយដែលគេនឹងត្រូវប្រឈមមុខជាមួយមិត្តភក្តិ បើសិនជាមានដំណើរកម្សាន្តរួមគ្នាណាមួយ។
ក្នុងករណីមានសំណួរ ឫមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឫព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Bedwetting Solutions: How Can You Stop Bedwetting? http://www.webmd.com/children/features/stop-bedwetting#1 Accessed April 5, 2017
How to Help Your Child Stop Wetting the Bed. https://health.clevelandclinic.org/2014/05/how-to-help-your-child-stop-wetting-the-bed-2/ Accessed April 5, 2017
