បញ្ហាសុខភាពកុមារផ្សេងទៀត Archives - Page 15 of 27

ម៉េចបានកុមារខ្លះមានជំងឺបេះដូងពីកំណើត?

ជំងឺបេះដូងពីកំណើត ជាបញ្ហាទាក់ទងនឹងរចនាសម្ព័ន្ធនៃបេះដូងរបស់កុមារតាំងពីកំណើតមកម្ល៉េះ ដោយជំងឺខ្លះមានលក្ខណៈសាមញ្ញ និងមិនចាំបាច់ព្យាបាលនោះទេ ស្របពេលដែលជំងឺខ្លះទៀត ទាមទារឱ្យមានការវះកាត់ជាច្រើនលើកច្រើនសារ និងចំណាយពេលយូរឆ្នាំ។ រោគសញ្ញានៃជំងឺបេះដូងពីកំណើត ជំងឺបេះដូងពីកំណើតធ្ងន់ធ្ងរ ជាទូទៅត្រូវបានរកឃើញក្រោយទារកសម្រាលភ្លាមៗ ឬនៅពេលដែលទារកអាយុបានពីរបីខែ ហើយរោគសញ្ញាខ្លះរួមមាន៖ បបូរមាត់ អណ្តាត ឬម្រាមដៃស្លេកស្លាំង ដកដង្ហើមញាប់ ហើមជើង ពោះ ឬបរិវេណជុំវិញភ្នែក ពិបាកដកដង្ហើមនៅពេលញ៉ាំអាហារ ដែលនាំឱ្យទារកមិនសូវឡើងគីឡូ។ ចំពោះជំងឺបេះដូងពីកំណើតខ្លះដែលមិនសូវធ្ងន់ធ្ងរ អាចរកឃើញនៅពេលដែលកុមាររាងធំបន្តិច ព្រមទាំងអាចមានរោគសញ្ញាដូចជា៖ ឆាប់ហត់នៅពេលដែលធ្វើលំហាត់ប្រាណ ឬបញ្ចេញសកម្មភាពនានា សន្លប់នៅពេលធ្វើលំហាត់ប្រាណ ឬបញ្ចេញសកម្មភាពនានា ហើមដៃ កជើង ឬជើង។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! មូលហេតុបង្ក អំឡុងពេល ៦ សប្តាហ៍ដំបូងនៃការពពោះ បេះដូងទារកចាប់ផ្តើមលូតលាស់ និងចាប់ផ្តើមលោត។ សរសៃឈាមសំខាន់ៗដែលឆ្លងកាត់បេះដូង ក៏ចាប់ផ្តើមកកើតនៅអំឡុងពេលនេះដែរ រួមទាំងការវិវត្តនៃជំងឺបេះដូងពីកំណើត។ ក្រុមអ្នកស្រាវជ្រាវមិនទាន់អាចកំណត់ពីមូលហេតុចម្បងដែលបណ្តាលឱ្យកើតជំងឺបេះដូងពីកំណើតនៅឡើយទេ ប៉ុន្តែវាអាចបង្កឡើងដោយការប្រែប្រួលហ្សែន ការប្រើប្រាស់ថ្នាំជាក់លាក់ ឬបញ្ហាសុខភាព និងបរិស្ថាន ក៏ដូចជាទម្លាប់រស់នៅរបស់ម៉ាក់ៗផ្ទាល់ ដូចជាការជក់បារីជាដើម។ [embed-health-tool-heart-rate] កត្តាហានិភ័យ ជំងឺបេះដូងពីកំណើតភាគច្រើន កើតឡើងបណ្តាលមកពីការប្រែប្រួលដែលកើតឡើងនៅពេលបេះដូងទារកចាប់ផ្តើមលូតលាស់។ ថ្វីត្បិតតែយើងមិនដឹងពីមូលហេតុជាក់លាក់ក៏ពិតមែន ប៉ុន្តែក្រុមអ្នកស្រាវជ្រាវជឿថា កត្តាទាំងនេះ អាចជាហេតុនាំឱ្យកុមារកើតជំងឺបេះដូងពីកំណើត៖ ម្តាយកើតជំងឺកញ្ជ្រឹលអំឡុងពេលពពោះ ម្តាយមានជំងឺទឹកនោមផ្អែមមុន និងអំឡុងពេលពពោះ […]

បញ្ហាសុខភាពកុមារផ្សេងទៀត

កូនក្អួតក្នុងស្ថានភាពបែបណាត្រូវយកទៅពេទ្យជាបន្ទាន់?

កុមារភាគច្រើនតែងមានអាការៈចង្អោរនិងក្អួតម្ដងម្កាលដែលធ្វើឲ្យប៉ាម៉ាក់ព្រួយបារម្ភ តែអាការៈមិនមែនជាបញ្ហាធំដុំពេកទេ។ អ្វីដែលប៉ាម៉ាក់គ្រប់រូបគួរតែប្រយ័ត្ន គឺពេលអាការៈទាំងនេះវិវត្តទៅជាធ្ងន់ធ្ងរ។ អត្ថបទពាក់ព័ន្ធ៖ កុំស្លន់ស្លោ! ពេលកូនក្អួតត្រូវដឹងរបៀបដោះស្រាយ ១- សញ្ញានៃការបាត់បង់ជាតិទឹក ការរក្សាជាតិទឹកក្នុងខ្លួនរបស់កុមារ មិនល្អដូចជាមនុស្សធំនោះទេ។ សញ្ញានៃការបាត់បង់ជាតិទឹកមានដូចជាល្ហិតល្ហៃ នៅមិនសុខ យំមិនចេញទឹកភ្នែក ខ្លួនត្រជាក់ ភ្នែករូង នោមតិច និងទឹកនោមមានពណ៌ក្រមៅ។ ប៉ាម៉ាក់ត្រូវបង្កើនការញ៉ាំទឹកសម្រាប់កូនៗដើម្បីបង្ការបញ្ហានេះ ទោះជាពេលកូនៗក្អួតក៏ដោយ។ បន្ទាប់ពីក្អួតភ្លាមៗ ប៉ាម៉ាក់គួរចាប់ផ្ដើមឲ្យកូនញ៉ាំទឹក ឬបន្តក់ទឹកចូលមាត់សន្សឹមៗ និងរង់ចាំមើលថាកូនលេបចូលបានប៉ុនណា ទើបបន្តថែមម្ដងបន្តិចៗ និងត្រូវមើលបរិមាណទឹកនោមផង។ អត្ថបទពាក់ព័ន្ធ៖ ក្មេងក្អួតមកពីមូលហេតុអីខ្លះ? ត្រូវធ្វើម៉េច? កូនក្អួតក្រោយលេបថ្នាំ ត្រូវបញ្ចុកម្តងទៀតទេ? ២- ផ្ដល់អាហាររាវៗ បន្ទាប់ពីឈប់ក្អួតហើយ ប៉ាម៉ាក់គួរតែចាប់ផ្ដើមបញ្ចុកអាហាររាវៗក្រៅពីទឹកដល់កូនៗ តែត្រូវជ្រើសរើសយកអាហារដែលថ្លាៗដូចជាស៊ុបមាន់ ឬទឹកផ្លែឈើស្រស់តាមចំណង់របស់ក្មេង ដែលមានសារជាតិចិញ្ចឹមគ្រប់គ្រាន់ និងងាយស្រួលរំលាយ។ ប៉ាម៉ាក់ត្រូវចាំថា មិនត្រូវឲ្យអាហាររឹងដែលធ្វើឲ្យអាការៈកូនកាន់តែធ្ងន់ធ្ងរឡើយ។ ៣- ថ្នាំសង្កូវ ភាគច្រើនកុមារដែលក្អួតគឺមិនត្រូវការថ្នាំសម្រាប់ព្យាបាលនោះទេ។ ប៉ាម៉ាក់គ្រាន់តែរង់ចាំដល់អាការៈនេះបាត់ទៅវិញដោយខ្លួនឯងទៅបានហើយ។ មិនត្រូវផ្ដល់ថ្នាំក្អួតដល់កុមារនោះទេប្រសិនបើមូលហេតុមិនមែនមកពីវីរុស។ ការប្រើប្រាស់ថ្នាំមិនត្រឹមត្រូវអាចបង្កគ្រោះថ្នាក់ដល់កុមារ។ ការផ្ដល់ជាតិទឹកគឺសំខាន់បំផុតក្នុងពេលនេះ លើកលែងមានការចេញវេជ្ជបញ្ជាពីគ្រូពេទ្យ។ ៤- ត្រូវរកពេទ្យនៅពេលណា? ត្រូវស្វែងរកគ្រូពេទ្យនៅពេល៖ ក្អួតខ្លាំង មិនអាចលេបទឹកបាន បាត់បង់ជាតិទឹកធ្ងន់ធ្ងរ រវើរវាយ ក្អួតបែកចេញទឹកពណ៌ខៀវ ឬចេញឈាម ក្អួតច្រើន លើសពីមួយថ្ងៃ ឈឺពោះខ្លាំង នៅមិនសុខរើរុះខ្លាំង កាន់តែត្រូវសង្គ្រោះបន្ទាន់ប្រសិនបើកូន ក្អួតខ្លាំង ឈឺក្បាល រឹងក និងស្បែកឡើងរមាស់។ ប៉ាម៉ាក់ត្រូវយកចិត្តទុកដាក់ពេលកុមារក្អួតម្ដងៗ ត្រូវរកគ្រូពេទ្យភ្លាមប្រសិនបើអាការៈមើលទៅមិនធម្មតា។ អាការៈក្អូតគ្រាន់តែជាការៈឈឺពោះរាកធម្មតាប្រសិនបើកូនយើងអាចនៅលេង និងបរិភោគអាហារបានធម្មតា។ យ៉ាងណាប៉ាម៉ាក់ត្រូវបង្គាប់ឲ្យកូនៗញ៉ាំទឹកឲ្យបានច្រើនហើយទៅរកគ្រូពេទ្យគ្រប់ពេលដែលសង្ស័យថាមានសញ្ញាប្លែក។ អត្ថបទពាក់ព័ន្ធ៖ ហេតុអីក្មេងៗឧស្សាហ៍រលាកបំពង់ក? រឿងសំខាន់ ៤ យ៉ាង ម៉ាក់ៗគួរតាមដានកូនជាប្រចាំ ក្មេងឈឺល្មមៗ គួរបន្តោងសេរ៉ូមអត់? ប្រយ័ត្ន! បើលេបថ្នាំជាមួយទឹកទាំងអស់នេះ […]