ក្មេងៗឈឺចុកពោះ ជាបញ្ហាឧស្សាហ៍កើតជាងគេ។ មូលហេតុអីខ្លះធ្វើឲ្យក្មេងចុកពោះ ចេញរោគសញ្ញាម៉េច ហើយយើងគួរធ្វើម៉េច? “Hello គ្រូពេទ្យ” មានបកស្រាយខាងក្រោម។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
តើអ្នកបារម្ភពីអ្វី?
មិនត្រឹមត្រូវ
ពិបាកយល់
ផ្សេងៗ
បើកូនឈឺពោះ ប៉ាម៉ាក់ត្រូវធ្វើម៉េចទើបល្អ?
១- មូលហេតុធ្វើឲ្យក្មេងៗឧស្សាហ៍ចុកពោះ
មូលហេតុចម្បងធ្វើឲ្យក្មេងចុកពោះ បណ្តាលមកពីទម្លាប់ញ៉ាំអាហារ និងបញ្ហាពោះវៀន ហើយភាគច្រើន មិនបង្កជាបញ្ហាធំដុំទេ។ ម៉ាក់ប៉ា អាចព្យាបាលអូនៗនៅផ្ទះក៏បាន។
ប៉ុន្តែធម្មតា ចិត្តម៉ាក់ប៉ា ច្បាស់ជាបារម្ភ បើមិនដឹងមូលហេតុនៅពីក្រោយការឈឺចាប់របស់អូនៗ។ អ៊ីចឹង យើងត្រូវយកចិត្តទុកដាក់តាមដានការឈឺចាប់អូនៗ។ បើគ្មានរោគសញ្ញាអ្វីផ្សេងៗទៀតអំឡុងពេល ៣ ម៉ោង មានន័យអាការៈឈឺពោះរបស់អូនៗមិនធ្ងន់ធ្ងរទេ។
ករណីផ្សេងទៀត អាចធ្វើឲ្យអូនៗឈឺពោះ អាចទាក់ទងបញ្ហានៅម្តុំក្រពះ ឬពោះវៀន ដែលបណ្តាលឲ្យមានអាការៈទល់លាមក។
មានករណីធ្ងន់ធ្ងរជាងនេះមួយចំនួនទៀត ដែលពាក់ព័ន្ធការចុកពោះលើក្មេងៗ រួមមាន ពុលអាហារ ពោះវៀនដុះខ្នែង និងបញ្ហាពោះវៀន។ ចំពោះក្មេងស្រីៗ ដល់ដំណាក់កាលពេញវ័យ អាការៈចុកចាប់ក្នុងពោះអាចនឹងកើតមានរៀងរាល់ពេលមករដូវ ខែខ្លះការឈឺចាប់ អាចយូរជាងធម្មតា។
២- រោគសញ្ញាឈឺពោះធ្ងន់ធ្ងរ
– រយៈពេលឈឺចាប់៖ ជាទូទៅ ឈឺពោះធម្មតាៗនឹងបាត់ទៅវិញក្នុងចន្លោះតិចជាង ២៤ ម៉ោង ហើយភាគច្រើនជាប់ទាក់ទងរវាងជាតិហ្គាស និងពោះវៀនតូច។ យ៉ាងណា ត្រូវស្វែងរកជំនួយវេជ្ជសាស្ត្រជាបន្ទាន់ បើកូនឈឺចាប់លើស ២៤ ម៉ោង។
– កន្លែងឈឺចាប់៖ ឈឺពោះធម្មតា តែងនៅចំកណ្តាលពោះ បើការឈឺចាប់របស់អូនៗស្ថិតនៅកន្លែងផ្សេង គឺកាន់តែគួរឲ្យព្រួយបារម្ភ ព្រោះអាចជាអាការៈពោះវៀនដុះខ្នែង។
– អាការៈកូន៖ ត្រូវយកចិត្តទុកដាក់លើកូនឲ្យបានជាប់លាប់ សង្កេតប្រតិកម្ម និងអាការៈកូនកំពុងបង្ហាញប្រាប់។ បន្ទាប់ពីដាក់ថ្នាំរួចយូរហើយ កូននៅតែមិនអាចអាហារ ឬផឹកទឹក សូមប្រញាប់ទៅពេទ្យភ្លាម។
អត្ថបទពាក់ព័ន្ធ៖
នៅមានករណីឈឺពោះខ្លះទៀត អាចបង្កឲ្យមានអាការៈ រាក ចង្អោរ ក្អួត និងគ្រុន។ ករណីនេះ ត្រូវជួបគ្រូពេទ្យប្រឹក្សា ធ្វើរោគវិនិច្ឆ័យឲ្យបានត្រឹមត្រូវ។ គប្បីពិនិត្យបន្ថែមលើបញ្ហាឈឺពោះក្មេងៗ ព្រោះវាចាំបាច់បំផុត រាប់បញ្ចូលការធ្វើតេស្តឈាម ស្គេន និងពិនិត្យលាមក បើក្មេងមានរោគសញ្ញាធ្ងន់ធ្ងរដូចខាងក្រោម៖
– គ្រុនក្តៅខ្លាំង
– ក្មេងមានអាការៈរាក ឬក្អួតធ្ងន់ធ្ងរ
– ឈឺចាប់ពេលបត់ជើងតូច
– នោមមានលាយឈាម។
ទោះក្មេងឈឺពោះ ជារឿងធម្មតា ប៉ាម៉ាក់មិនគួរព្រងើយកន្តើយទេ ព្រោះអាការៈជំងឺអាចនឹងកាន់តែអាក្រក់ បើមិនបានព្យាបាលត្រឹមត្រូវ។ គួរយកចិត្តទុកដាក់លើកូនៗគ្រប់អាការៈឈឺចាប់ទាំងអស់ និងពិភាក្សាជាមួយគ្រូពេទ្យជំនាញ បើចាំបាច់។
តារាងកាលវិភាគចាក់ថ្នាំបង្ការ(វ៉ាក់សាំង) ទារក
សូមប្រើប្រាស់តារាងប្រព័ន្ធភាពស៊ាំដើម្បីស្វែងយល់បន្ថែមពីប្រភេទថ្នាំបង្ការនិងពេលវេលាដែលកូនរបស់អ្នកត្រូវការ
កូនប្រុសឬស្រី?
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Abdominal Pain, Age 11 and Younger – Topic Overview. http://www.webmd.com/children/tc/abdominal-pain-age-11-and-younger-topic-overview. Accessed March 15, 2017.