កូនខ្លាច ហើយភ្ញាក់កណ្ដាលយប់ធ្វើម៉េច?

ក្មេងៗអាចមានបញ្ហាសុខភាពច្រើន តាំងពីតូច ឈឺនេះ ឈឺនោះ ឥតស្រាក។ បញ្ហាមួយក្នុងនោះ ហើយឪពុកម្ដាយបញ្ឈរភ្នែកមិនសូវខាន គឺ កូនភ្ញាក់កណ្ដាលយប់។ បើអូនអូនឧស្សាហ៍ភ្ញាក់កណ្ដាលយប់ហើយចង់មកគេងលើគ្រែប៉ាប៉ានិងម៉ាក់ម៉ាក់ ចម្ងល់ច្បាស់ជាកើតមានថាហេតុអ្វី? បើចឹង តោះមកដោះស្រាយចម្ងល់ទាំងនេះជាមួយ “Hello គ្រូពេទ្យ” ទាំងអស់គ្នា។

១- កត្តាអ្វីខ្លះនាំក្មេងភ្ញាក់កណ្តាលយប់?

អ្នកជំនាញធ្លាប់បញ្ជាក់ថា ភ្ញាក់ពេលយប់គឺជាផ្នែកមួយនៃវដ្តដំណេកដែលមនុស្សគ្រប់គ្នាទាំងក្មេងទាំងចាស់តែងជួបប្រទះ។ ប៉ុន្តែគេងលក់ស្កប់ស្កល់នឹងអាចគេងទៅវិញបានដោយគ្មានបញ្ហាអ្វីឡើយ ប៉ុន្តែករណីនេះសម្រាប់ក្មេងៗអាចពិបាកបន្តិច ពិសេសនៅចន្លោះអាយុ ៣-៦ ឆ្នាំ ដោយភាគច្រើនតែងរត់ប៉ាម៉ាក់ឲ្យជួយព្រោះយល់សប្ដិមិនល្អ។ បើអូនអូនសុំទៅគេងជាមួយម៉ាក់ម៉ាក់ និងប៉ាប៉ា មានន័យថាពួកគេកំពុងត្រូវការអ្នកថ្នាក់ថ្នមដើម្បីអាចគេងលក់វិញ។ មួយវិញទៀតបើអូនអូនជាក្មេងពូកែខ្លាចនេះខ្លាចនោះដូចជារឿងខ្មោចព្រាយបិសាច ប្រាកដជាធ្វើឲ្យអូនអូនកាន់តែពិបាកដេកលក់វិញណាស់។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២- ប្រើវិធីអីជួយអូនអូនក្នុងរឿងនេះ?

មានវិធីសាស្ត្រជាច្រើនអាចជួយដោះស្រាយបញ្ហានេះបានដូចជា៖

– ជំនួយពេលចូលគេង៖ ក្មេងខ្លះអាចមានបញ្ហាចំពោះរឿងនេះដោយសារតែគ្មានភាពកក់ក្ដៅ ឬជំនួយពីម៉ាក់ប៉ា ព្រោះគេអាចភ័យខ្លាចកាន់តែខ្លាំងពេលភ្ញាក់ម្តងៗ។ អ្វីអាចជួយបានគឺមានដូចជាតុក្កតា ក្បាលដោះ ឬចាក់ចម្រៀងតិចៗជាការបំពេ។ តែដំបូងអាចពិបាកបន្តិចហើយ។

-បង្កើតទម្លាប់ឲ្យទៀង៖ ព្យាយាមឲ្យអាអូនចូលគេតាមម៉ោងកំណត់ជាប្រចាំ ឬបញ្ចេញអាការៈស្រឡាញ់ថ្នាក់ថ្នម គេ ដូចជា ថើបកូន ឬនិទានរឿងឲ្យស្ដាប់មុនចូលគេងជាដើម។

-ឲ្យកូនគេងជាមួយម្តងម្កាល៖ បំបែកកូនឲ្យគេទម្លាប់រស់នៅបែបឯករាជ្យ អាចជារឿងល្អ តែមិនគួរទុកគេចោលរហូត មិនខ្វល់នោះទេ។ យូរៗម្ដង យើងជាឪពុកម្ដាយ គួរឲ្យអាអូនមកគេងជាមួយ ដើម្បីបង្កើនភាពស្និទ្ធស្នាល បង្កើតអារម្មណ៍កក់ក្ដៅ ដើម្បីបំបាត់អារម្មណ៍ភ័យខ្លាច។

-បន្លប់ការខ្លាច៖ ធម្មតាក្មេងអាយុ២-៣ឆ្នាំតែងខ្លាចកន្លែងងងឹត ឬខ្លាចនៅម្នាក់ឯង ម៉ាក់ប៉ាគួរបន្ថែមភ្លើងក្នុងបន្ទប់ឲ្យអូនអូនឃើញគ្រប់យ៉ាងជុំវិញខ្លួននឹងធ្វើឲ្យអារម្មណ៍លែងខ្លាច។

-មានរបស់កូនស្រឡាញ់៖ ក្មេងៗប្រាកដជាមានរបស់គេស្រឡាញ់ខ្លាំង ឬចូលចិត្តលេងជាប្រចាំ។ បើមានរបស់ដាក់តាំង ក្នុងបន្ទប់ ឬបំពាក់ក្នុងបន្ទប់ដូចជាកម្រាលពូក ខ្នើយ ឬគ្រែ តុក្កតា…ដែលកូនស្រឡាញ់ ឬគេរើសដោយខ្លួនឯង នឹងជួយបង្កបរិយាកាស ឬភាពកក់ក្ដៅ។ បើកូនមានអារម្មណ៍ល្អ នឹងជួយឲ្យគេងស្កប់។

-លើកទឹកចិត្ត៖ ពេលអូនអូនធ្វើរឿងអ្វីមួយបានល្អ ម៉ាក់ប៉ាគួរតែមានជាកាដូ ឬអ្វីមួយជាការលើកទឹកចិត្តកូន ហើយកាដូទាំងនោះយកល្អជាតុក្កតាសម្រាប់អូនអូនឱបពេលគេងជាដើម។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Leng Pechsovatey · កែ 01/08/2023

កូនខ្លាច ហើយ​ភ្ញាក់កណ្ដាលយប់ធ្វើម៉េច?

១- កត្តាអ្វីខ្លះនាំក្មេងភ្ញាក់កណ្តាលយប់?

២- ប្រើវិធីអីជួយអូនអូនក្នុងរឿងនេះ?

កូនខ្លាច ហើយភ្ញាក់កណ្ដាលយប់ធ្វើម៉េច?