ចិញ្ចឹមកូន

ការពារកូនតូចពីជំងឺផ្សេងៗ នៅរដូវភ្លៀង ប៉ាម៉ាក់អាចអនុវត្តន៍វិធានទាំងនេះ

រដូវភ្លៀង កុមារតូចៗងាយប្រឈមនឹងជំងឺផ្សេងៗណាស់ អ៊ឹចឹងហើយ ប៉ាម៉ាក់គួរអនុវត្តន៍គន្លឹះបែបណាខ្លះ ដើម្បីជួយកូនឲ្យជៀសផុតពីបញ្ហាមួយនេះ? ពិតណាស់ នៅរដូវភ្លៀង ជាមួយនឹងសំណើមខ្ពស់ អាចបណ្តាលឲ្យក្មេងៗដែលមិនទាន់មានប្រព័ន្ធភាពស៊ាំរឹងមាំនៅឡើយ ងាយនឹងឆ្លងជំងឺផ្សេងៗតាមរដូវកាល ដូចនេះ យកល្អ ប៉ាម៉ាក់ត្រូវត្រៀមវិធានការការពារទុកជាមុនដូចខាងក្រោម៖ ១. រក្សាអនាម័យ ការរក្សាអនាម័យឲ្យបានខ្ជាប់ខ្ជួន អាចបញ្ចៀសការរីករាលដាលនៃជំងឺឆ្លងបាន។ ហេតុនេះហើយ ប៉ាម៉ាក់គួរបង្រៀនកូនឲ្យយល់ដឹងពីសារៈសំខាន់នៃការលាងសម្អាតដៃឲ្យបានត្រឹមត្រូវ ជាពិសេស មុនពេលញ៉ាំអាហារ និងក្រោយពីការបន្ទោរបង់រួច។ ការលាងសម្អាតដៃទៀតសោត គួរឲ្យកូនលាងជាមួយនឹងសាប៊ូ និងទឹកយ៉ាងហោចណាស់២០វិនាទី។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ពង្រឹងប្រព័ន្ធភាពស៊ាំជាមួយនឹងរបបអាហារ របបអាហារតុល្យភាព ត្រូវរួមបញ្ចូលនូវវីតាមីន និងសារធាតុរ៉ែ ដើម្បីជួយពង្រឹងប្រព័ន្ធភាពស៊ាំ។ ប៉ាម៉ាក់គប្បីឲ្យកូនញ៉ាំបន្លែ ផ្លែឈើ និងប្រូតេអ៊ីនគ្មានខ្លាញ់។ អាហារដែលសម្បូរទៅដោយវីតាមីនC ដូចជាផ្លែក្រូច ស្រ្តប៊ឺរី និងម្ទេសប្លោក ក៏អាចជួយការពារកូនប៉ាម៉ាក់ពីជំងឺផ្សេងៗបានផងដែរ។ មួយវិញទៀត គួរកាត់បន្ថយការញ៉ាំអាហារដែលមានជាតិស្ករខ្ពស់ និងអាហារកែច្នៃ។ ៣. កុំភ្លេចបន្ថែមជាតិទឹក ម្យ៉ាងវិញទៀត ប៉ាម៉ាក់ចាំបាច់ណែនាំឲ្យកូនញ៉ាំទឹកឲ្យបានច្រើនក្នុងអំឡុងរដូវភ្លៀង នៅពេលដែលកម្រិតសំណើមឡើងខ្ពស់ ដើម្បីបញ្ចៀសបញ្ហាកង្វះជាតិទឹក។ យើងក៏អាចបន្ថែមជាប្រភេទផ្លែឈើដែលសម្បូរជាតិទឹក ដូចជាផ្លែឪឡឹក និងត្រសក់ជាដើម។ ៤. ស្លៀកពាក់ឲ្យកូនឲ្យបានត្រឹមត្រូវ ជាមួយគ្នានេះ ប៉ាម៉ាក់គួរឲ្យកូនស្លៀកពាក់សំលៀកបំពាក់ណាដែលមានខ្យល់ចេញចូល ហើយងាយស្ងួត ដើម្បីការពារកូនពីការកើតជំងឹផ្តាសាយ ឬបញ្ហាស្បែក។ ក្នុងអំឡុងរដូវភ្លៀង ចាំបាច់ត្រូវឲ្យកូនមានអាវភ្លៀវ […]

ការថែទាំទារក

មកដឹងពីអនាម័យពេលកាត់ក្រចកទារក ចៀសវាងឆ្លងមេរោគ

នៅពេលកាត់ក្រចកដៃឲ្យកូនតូច ម៉ាក់ៗគួរតែមានការប្រុងប្រយ័ត្នខ្ពស់ ព្រោះបើមិនដូច្នេះទេអាចបណ្ដាលឲ្យមានរបួស ឬពេលខ្លះអាចទៅជាឆ្លងមេរោគក៏ថាបាន។ បើតាមអ្នកគ្រូពេទ្យ សុំ សូរិយា បានឲ្យដឹងថាម៉ាក់ៗគួរតែធ្វើបែបនេះ បើចង់កាត់ក្រចកឲ្យកូនប្រកបដោយសុវត្ថិភាព៖ ១- កន្ត្រៃកាត់ក្រចកទារកកុំប្រើឡូកឡំ បើចង់សុវត្ថិភាពបំផុត គួរតែមានកន្ត្រៃកាត់ក្រចកទារកផ្សេងពីសមាជិកក្នុងគ្រួសារ ព្រោះបើប្រើឡូកឡំគ្នា យើងមិនដឹងថាអ្នកទាំងនោះប្រើហើយសម្អាតឬអត់ទេ ហើយក៏មិនដឹងថានរណាខ្លះមានជំងឺអ្វីដែរ។ ដូចនេះវិធីល្អ គួរតែមានកន្ត្រៃផ្សេងគ្នា សម្រាប់កាត់ឲ្យកូនតូច ហើយមុនពេល និងក្រោយប្រើរួច ត្រូវជូតសម្អាតអាល់កុល និងសម្ងួតឲ្យស្រួលបួលដាក់ក្នុងប្រអប់ត្រឹមត្រូវ ចៀសវាងក្លាយទៅជាច្រែះចាប់។ ២- កាត់ក្រចកកូនពេលគេងលក់ ដូចដឹងស្រាប់ហើយថាទារកមិនទាន់គេង ច្បាស់ជានៅមិនស្ងៀមឡើយ ដូចនេះបើចង់កាត់រង់ចាំពេលកូនគេងសក់សិន។ ក្រោយកាត់រួច ម៉ាក់ៗអាចយកក្រូចឆ្មារមួយចំណិតតូចមកជូតសម្អាតគ្រប់ម្រាមដៃកូន ចៀសវាងពេលកាត់ដាច់សាច់ ហើយឆ្លងមេរោគ។ ៣- ស្ងោរ ឬស្រុះទឹកក្ដៅ ក្នុងលក្ខខណ្ឌនេះ គឺសម្រាប់អ្នកដែលប្រើរបស់រួមក្នុងផ្ទះតែមួយ។ ម៉ាក់ៗមុននឹងយកកន្ត្រៃមកកាត់ក្រចកឲ្យកូនត្រូវយកទៅស្ងោរ ឬស្រុះទឹកក្ដៅសិន ព្រោះវាអាចជួយកម្ចាត់មេរោគបានយ៉ាងងាយ ហើយមិនចាំបាច់ចំណាយច្រើន។ អត្ថបទពាក់ព័ន្ធ៖ មកស្វែងយល់ពីស្នាមចាក់វ៉ាក់សាំងលើកដំបូងរបស់ទារក ម៉េចបានពេលខ្លះទៅជាខ្ទុះ? ៤- កុំឆ្កឹះឆ្កៀល ក្រចកដៃរបស់ទារកគ្មានដីអ្វីចូលដូចមនុស្សធំឡើយ ដូចនេះការកាត់គ្រាន់តែដើម្បីកុំឲ្យកូនក្រញៅមុខខ្លួនឯង ឬមុខយើងតែប៉ុណ្ណោះ។ ដូចនេះពេលកាត់រួចមិនបាច់ឆ្កឹះឆ្កៀល ឬយកឧបករណ៍ដទៃមករូសឡើយ ព្រោះនាំតែបង្កជារបួសផ្សេងៗដល់កូនប៉ុណ្ណោះ។ ៥- ប្រើថ្នាំលាបរបួសផ្សេងៗ ពេលខ្លះយើងមិនអាចពិនិត្យមើលឃើញរបួសកូនឡើយ ព្រោះវាមានទំហំតូច ដូចនេះម៉ាក់ៗអាចប្រើជាថ្នាំទឹកសំលាប់មេរោគ ឬក្រែមលាបរបួសផ្សេងៗនៅជុំវិញសាច់ក្រចកដៃ ដើម្បីការពារខ្លាចមានគ្រោះថ្នាក់ដោយចៃដន្យ។ ៦- កុំកាត់ពេលយប់ ចង់កាត់ក្រចកឲ្យកូនគួរតែកាត់នៅពេលថ្ងៃ និងរកកន្លែងមានពន្លឺគ្រប់គ្រាន់ ព្រោះអាចមើលឃើញច្បាស់ តែចៀសវាងកាត់ពេលយប់ភ្នែកមើលមិនសព្វជ្រុងជ្រោយឡើយ ហើយកម្ទេចក្រចកអាចខ្ទាតចូលទៅប៉ះមុខកូនបាន។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក […]