ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

ការលូតលាស់អាយុ ៦ឆ្នាំ

ប៉ាម៉ាក់បើធ្វើរឿងទាំងនេះច្រើន ដូចកំពុងដាក់សម្ពាធកាន់តែខ្លាំងលើកូន

ការដែលម៉ាក់ប៉ាមានការរំពឹងទុកខ្ពស់ទៅលើកូនអាចល្អសម្រាប់កូនមែន ប៉ុន្តែបើម៉ាក់ប៉ាដាក់សម្ពាធដល់កូនខ្លាំងពេកអាចបង្កជាផលលំបាកវិញ។ ក្មេងអាចនឹងធ្វើបានតាមការរំពឹងទុក លុះត្រាតែការរំពឹងទុកនោះសមហេតុផល ព្រោះបើរំពឹងឲ្យក្មេងធ្វើអ្វីដែលពួកគេមិនអាចធ្វើបាន នឹងធ្វើឲ្យពួកគេបោះបង់ចោលទៅវិញ។ ម៉ាក់ប៉ាមួយចំនួនប្រហែលជាមិនដឹងថាខ្លួនបានដាក់សម្ពាធខ្លាំងឲ្យកូនទេ ដូចនេះហើយអត្ថបទនេះនឹងលើកឡើងពីសញ្ញាមួយចំនួនដែលបញ្ជាក់ថាម៉ាក់ប៉ាកំពុងដាក់សម្ពាធដល់កូន។ ១. ស្តីបន្ទោសច្រើនជាងសរសើរ ការផ្ដោតលើតែរឿងដែលកូនធ្វើខុសមានន័យថាយើងមើលរំលងរឿងដែលពួកគេធ្វើបានល្អ។ ប៉ុន្តែម៉ាក់ប៉ាមួយចំនួនអាចនឹងរំលងរឿងដែលល្អព្រោះមិនបានគិតថាក្មេងគួរទទួលបានការសរសើរសម្រាប់ការធ្វើបានល្អ ផ្ទុយទៅវិញម៉ាក់ប៉ាគិតថាក្មេងត្រូវការសម្ពាធក្នុងការក្លាយជាមនុស្សពូកែ។ ការស្តីបន្ទោសច្រើនមិនបានជួយលើកទឹកចិត្តដល់ក្មេងទេ ព្រោះគ្មាននរណាម្នាក់ចូលចិត្តស្តាប់ពីអ្វីដែលពួកគេធ្វើខុសទេ។ ដូចនេះម៉ាក់ប៉ាគួរយកចិត្តទុកដាក់បន្ថែមទៅលើអាកប្បកិរិយាល្អ និងផ្តល់ការសរសើរច្រើនជាងការស្តីបន្ទោសដល់កូន។ ២. គ្រប់គ្រងសកម្មភាពរបស់កូន ម៉ាក់ប៉ាដែលដាក់សម្ពាធលើកកូនខ្លាំងតែងគ្រប់គ្រងសកម្មភាពប្រចាំថ្ងៃរបស់កូនដូចជាការធ្វើកិច្ចការសាលា កិច្ចការក្នុងផ្ទះ និងការលេងជាដើម ដើម្បីប្រាកដថាកូនធ្វើបានល្អ និងត្រឹមត្រូវ។ ការមានវត្តមានក្នុងជីវិតកូនពិតជាសំខាន់ ប៉ុន្តែការដែលគ្រប់គ្រងលើសកម្មភាពគ្រប់យ៉ាងរបស់កូន អាចប៉ះពាល់ដល់ការអភិវឌ្ឍរបស់កូនដែរ។ ជាធម្មតាប៉ាម៉ាក់មិនចង់ឲ្យកូនធ្វើអ្វីខុសនោះទេ តែវាក៏ជាការណ៍ល្អមួយដែរ ដែលប៉ាម៉ាក់គួរអនុញ្ញាតឲ្យកូនមានកំហុសខ្លះដើម្បីឲ្យពួកគេរៀនពីកំហុសទាំងនោះ។ ៣. គិតថាគ្រប់ស្ថានការណ៍សុទ្ធតែប៉ះពាល់ដល់ជីវិត ប្រសិនជាម៉ាក់ប៉ាសម្គាល់ឃើញថាឧស្សាហ៍ប្រាប់កូនថាបើមិនធ្វើរឿងនេះទេអាចនឹងបរាជ័យ ឬមានឱកាសតែម្ដងក្នុងការធ្វើឲ្យបានត្រឹមត្រូវ នោះមានន័យថាម៉ាក់ប៉ាដាក់សម្ពាធច្រើនទៅលើកូនហើយ។ ម៉ាក់ប៉ាមួយចំនួនអាចនឹងមានទម្លាប់ចាត់ទុកគ្រប់ការប្រលង ឬការប្រកួតប្រជែងមានឱកាសតែម្ដងតែប៉ុណ្ណោះ។ ហេតុនេះហើយ យកល្អព្យាយាមរម្លឹកខ្លួនឯង និងកូនថាមានឱកាសជាច្រើនដែលអាចឲ្យពួកគេទទួលបានជោគជ័យ និងលទ្ធផលរបស់ស្ថានការណ៍មិនមែនសុទ្ធតែអាចផ្លាស់ប្ដូរជីវិតបានទេ។ ៤. ប្រៀបធៀបកូនទៅនឹងកូនអ្នកដទៃ ការនិយាយប្រៀបធៀបកូនទៅនឹងបងប្អូន ឬអ្នកដទៃអាចដាក់សម្ពាធដល់កូន ហើយអាចធ្វើឲ្យពួកគេមានការប្រកួតប្រជែងមិនឈប់ឈរជាមួយអ្នកជុំវិញខ្លួន និងមិនបានគិតពីបុគ្គលិកលក្ខណៈរបស់ពួកគេ។ ម៉្យាងទៀត នៅពេលក្មេងទទួលសម្ពាធច្រើនពេកដោយត្រូវបានប្រៀបធៀបនឹងអ្នកដទៃ អាចកាត់បន្ថយឆន្ទៈក្នុងការធ្វើកិច្ចការដែលពួកគេមិនពូកែ ឬអាចធ្វើបានល្អ។ ម៉ាក់ប៉ាគួរលើកទឹកចិត្តកូនឲ្យអភិវឌ្ឍខ្លួនឯងដោយការប្រកួតប្រជែងនឹងខ្លួនឯង និងប្រាប់ពីសារៈសំខាន់នៃការរៀនដើម្បីក្លាយជាមនុស្សដែលប្រសើរជាងមុនដោយមិនគិតពីអ្នកនៅជុំវិញខ្លួនគេថាធ្វើបានល្អយ៉ាងណា។ ៥. ខឹងញឹកញាប់ ការដាក់សម្ពាធលើកូនច្រើនក៏អាចធ្វើឲ្យម៉ាក់ប៉ាមានអារម្មណ៍ទទួលរងសម្ពាធដែរ។ នៅពេលកូនមិនអាចធ្វើតាមការរំពឹងទុកបានអាចបង្កឲ្យម៉ាក់ប៉ាខឹង។ បើសិនម៉ាក់ប៉ាមិនអាចទប់កំហឹងបានព្រោះកូនធ្វើមិនបានល្អ ម៉ាក់ប៉ាអាចនឹងដាក់សម្ពាធកាន់តែច្រើនលើកូន។ ម៉្យាងទៀត ការដាក់សម្ពាធលើកូនឲ្យក្លាយជាអ្វីដែលពួកគេមិនចាប់អារម្មណ៍ អាចបង្កស្ត្រេសឲ្យពួកគេកាន់តែច្រើន។ ដូចនេះ ម៉ាក់ប៉ាគួររកដំណោះស្រាយដែលល្អដើម្បីជំរុញកូនធ្វើឲ្យអស់ពីសមត្ថភាពរបស់ពួកគេដោយមិនបង្ខំធ្វើឲ្យបានតាមការរំពឹងទុក។

ចិញ្ចឹមកូន

ចំណេះដឹងទូទៅ

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ស្វែងយល់ពី DHA ក្នុងទឹកដោះគោម្សៅ ពិតជាអាចជួយដល់ខួរក្បាលកូនបាន?

ម៉េចទារក និងកុមារគួរចាក់វ៉ាក់សាំងប្រឆាំងនឹងវីរុសRSV?

ម៉េចបានប៉ាម៉ាក់គួរនាំកូនតូចទៅចាក់វ៉ាក់សាំងប្រឆាំងជំងឺគ្រុនពោះវៀន?

វ៉ាក់សាំងកញ្ជ្រឹល ស្រឡទែន និងស្អូចសម្រាប់មនុស្សពេញវ័យមានគុណប្រយោជន៍សុខភាពអ្វីខ្លះ?

ស្វែងរក ចិញ្ចឹមកូន

ហេតុផលម៉ាក់ប៉ា មិនគួរឲ្យកូនតូចៗញ៉ាំនំកញ្ចប់

គួរយកកូនទៅចាក់វ៉ាក់សាំងឆ្កែឆ្កួតមុន ឬក្រោយពេលសត្វខាំ?

កូនឈឺដល់កម្រិតណា ទើបគ្រូពេទ្យតម្រូវឲ្យព្យួរសេរ៉ូម?

ហេតុផលម៉ាក់ៗចាំបាច់សម្អាតធ្មេញឲ្យកូន តាំងពីមិនទាន់ដុះពន្លក

ទៅលេងស្រុកខែបុណ្យទាន កុំឲ្យកូនតូចញ៉ាំចំណីចំណុកអស់ទាំងនេះ

ប៉ាម៉ាក់បើធ្វើរឿងទាំងនេះច្រើន ដូចកំពុងដាក់សម្ពាធកាន់តែខ្លាំងលើកូន

ក្តៅកាន់តែខ្លាំង មកដឹងពីតិចនិកមិនឲ្យកូនតូចៗទាស់នំចំណី (វីដេអូ)

វីតាមីន និងរ៉ែ ទាំងនេះ សំខាន់ខ្លាំងសម្រាប់ការលូតលាស់របស់កុមារ

រវាងលាមកអាអូនបៅដោះម្តាយ និងទឹកដោះគោ ខុសគ្នាយ៉ាងម៉េចខ្លះ?

កុំបណ្ដោយ ពេលកូនរលាកពោះវៀន ប្រយ័ត្នគ្រោះថ្នាក់ដល់ជីវិត!

សំណួរដែលសួរញឹកញាប់

អ្នកជំនាញវេជ្ជសាស្ត្ររបស់យើង