បច្ចុប្បន្ននេះ ជំងឺអុតស្វាបានកើនឡើងជា១៤ ០០០ករណីហើយនៅទូទាំងពិភពលោក ព្រមទាំងមានករណីស្លាប់ចំនួន៥នាក់ផងដែរ។ ការរីករាលដាលដ៏ឆាប់រហ័សបែបនេះ បានបង្កជាការព្រួយបារម្ភយ៉ាងខ្លាំង ជាពិសេសចំពោះអ្នកដែលងាយរងគ្រោះដូចជាស្ត្រីមានផ្ទៃពោះ និងកុមារ។
ករណីឆ្លងតាមការរួមភេទអាចមានចំនួនយ៉ាងហោចណាស់៩៥%ក្នុងចំណោមអ្នកជំងឺសរុប។ ផ្អែកលើការសិក្សាដែលចេញផ្សាយនៅក្នុងទស្សនាវដ្ដី The New England Journal of Medicine ដោយសិក្សាលើទិន្នន័យឆ្លងចំនួន៥២៨ នៅចន្លោះថ្ងៃទី២៧ ខែមេសា ដល់ថ្ងៃទី២៤ ខែមិថុនា ឆ្នាំ២០២២ ក្នុងប្រទេសចំនួន១៦ បានបង្ហាញថា អ្នកឆ្លងជំងឺអុតស្វាចំនួន៩៨% ជាបុរសស្រលាញ់ភេទដូចគ្នា ៧៥%ជាជនជាតិស្បែកស និង៤១% ជាអ្នកដែលមានប្រព័ន្ធភាពស៊ាំចុះខ្សោយដោយការបង្ករោគ។
