បច្ចុប្បន្ននេះ ជំងឺអុតស្វាបានកើនឡើងជា១៤ ០០០ករណីហើយនៅទូទាំងពិភពលោក ព្រមទាំងមានករណីស្លាប់ចំនួន៥នាក់ផងដែរ។ ការរីករាលដាលដ៏ឆាប់រហ័សបែបនេះ បានបង្កជាការព្រួយបារម្ភយ៉ាងខ្លាំង ជាពិសេសចំពោះអ្នកដែលងាយរងគ្រោះដូចជាស្ត្រីមានផ្ទៃពោះ និងកុមារ។
យ៉ាងណាមិញ ករណីឆ្លងតាមការរួមភេទអាចមានចំនួនយ៉ាងហោចណាស់៩៥%ក្នុងចំណោមអ្នកជំងឺអុតស្វាសរុប។ ផ្អែកលើការសិក្សាដែលចេញផ្សាយនៅក្នុងទស្សនាវដ្ដី The New England Journal of Medicine ដោយសិក្សាលើទិន្នន័យឆ្លងចំនួន៥២៨ នៅចន្លោះថ្ងៃទី២៧ ខែមេសា ដល់ថ្ងៃទី២៤ ខែមិថុនា ឆ្នាំ២០២២ ក្នុងប្រទេសចំនួន១៦ បានបង្ហាញថា អ្នកឆ្លងជំងឺអុតស្វាចំនួន៩៨% ជាបុរសស្រលាញ់ភេទដូចគ្នា ៧៥%ជាជនជាតិស្បែកស និង៤១%ជាអ្នកដែលមានប្រព័ន្ធភាពស៊ាំចុះខ្សោយដោយការបង្ករោគ។
ចង់គណនា BMR ចុចទីនេះ!
តើជំងឺអុតស្វាឆ្លងតាមការរួមភេទដែរទេ?
ថ្វីត្បិតតែជំងឺអុតស្វាជាជំងឺកម្រមួយ ដែលមិនមែនជាជំងឺកាមរោគក៏ពិតមែន ប៉ុន្តែវាអាចឆ្លងតាមរយៈការប៉ះពាល់ស្បែកដែលមានកន្ទួល ក្រមរ សារធាតុរាវ ឬដំណក់ទឹកមាត់តូចៗចេញពីផ្លូវដង្ហើម របស់អ្នកជំងឺ នេះបើយោងតាមការណែនាំពីមជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក ហៅកាត់ថាCDC ។
គន្លឹះបញ្ចៀសការឆ្លងជំងឺអុតស្វាតាមរយៈការរួមភេទ
ការរក្សាគម្លាត និងជៀសវាងប៉ះពាល់ជាមួយនឹងអ្នកជំងឺ គឺជារឿងចាំបាច់មួយ។ មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក ក៏បានណែនាំឲ្យអ្នកជំងឺរង់ចាំរហូតដល់កន្ទួលជាសះស្បើយជាមុន (នៅពេលមានស្រទាប់ស្បែកថ្មីលេចឡើង ក្រោយជ្រុះក្រមរ) ទើបអាចរួមភេទវិញបាន។
អត្ថបទគួរអាន៖
