នៅពេលដែលកូនក្មេងកើតស្អូច ឬអុតស្វាយ ចាស់ៗតែងតែទម្លាប់តៗគ្នាឲ្យងូតទឹកត្រាំដើមរុក្ខជាតិ និងមានដាក់ខ្ចៅខ្យងឲ្យបានញឹកញាប់ ឬទឹកដូងលាយនឹងជន្លេន ដើម្បីឲ្យជំងឺឆាប់ជា ស្នាមកន្ទួលក្រហមៗឆាប់បាត់ទៅវិញ។
នៅពេលដែលកូនក្មេងកើតស្អូច ឬអុតស្វាយ ចាស់ៗតែងតែទម្លាប់តៗគ្នាឲ្យងូតទឹកត្រាំដើមរុក្ខជាតិ និងមានដាក់ខ្ចៅខ្យងឲ្យបានញឹកញាប់ ឬទឹកដូងលាយនឹងជន្លេន ដើម្បីឲ្យជំងឺឆាប់ជា ស្នាមកន្ទួលក្រហមៗឆាប់បាត់ទៅវិញ។
ទាំងនេះគ្រាន់តែជាជំនឿបុរាណ ធ្វើតៗគ្នាប៉ុណ្ណោះៗ ជំងឺស្អូច ឬអុតស្វាយ មិនអាចជាទៅវិញដោយការងូតទឹកត្រាំពីរុក្ខជាតិខ្យងខ្ចៅនោះទេ នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
ជំងឺស្អូច ឬអុតស្វាយ ជាជំងឺឆ្លងដែលបង្កឡើងដោយវីរុស យើងអាចការពារបានដោយការចាក់វ៉ាក់សាំងការពារកូនតាំងពីនៅតូច។ ចំពោះវិធីព្យាបាលដោយត្រឹមត្រូវ គ្រូពេទ្យនឹងព្យាបាលទៅតាមរោគសញ្ញានៃជំងឺនីមួយៗ បើកូនក្មេងកើតជំងឺនេះក្តៅខ្លួន ពេទ្យនឹងឲ្យថ្នាំបញ្ចុះកម្តៅ បើក្អួត ឬខ្វះជាតិទឹកខ្លាំងនោះនឹងមានការបញ្ចូលជាតិទឹកតាមសរសៃ (ចាក់សេរ៉ូម)ដើម្បីបំពេញជាតិទឹកឡើងវិញទៅតាមកម្រិត និងស្ថានភាពទូទៅរបស់ក្មេង។
