វ៉ាក់សាំងកូវីដ១៩ ត្រូវរដ្ឋាភិបាលប្រទេសមួយចំនួនអនុញ្ញាតឲ្យប្រើប្រាស់ហើយ គិតមកដល់ពេលនេះ។ ក្រោយពីបានចាក់វ៉ាក់សាំង ក៏មានដែរជាចម្ងល់ថាតើអ្នកបានចាក់វ៉ាក់សាំងរួច ត្រូវនៅបន្តពាក់ម៉ាសដែរឬទេ?

លោកស្រី Leana Wen វេជ្ជបណ្ឌិតផ្នែកសង្គ្រោះបន្ទាន់ និងជាសាស្រ្តាចារ្យនៅសាកវិទ្យាល័យ George Washington បានពន្យល់ក្នុងកិច្ចសម្ភាសជាមួយសារព័ត៌មាន CNN កាលពីថ្ងៃទី១៤ ខែធ្នូថា ទោះជាបានចាក់វ៉ាក់សាំងហើយក៏ដោយក៏នៅតែត្រូវបន្តពាក់ម៉ាសមុននឹងគ្រប់គ្នាបានទទួលវ៉ាក់សាំង។

លោកស្រីពន្យល់ថា តាមការសិក្សាវ៉ាក់សាំងបង្កាកូវីដ១៩ Pfizer/BioNTech ដែលសហរដ្ឋអាមេរិកកំពុងប្រើមានប្រសិទ្ធភាពការពារមិនឲ្យមនុស្សធ្លាក់ខ្លួនឈឺ និងមានជំងឺធ្ងន់។ ចំណុចនេះ លោកស្រីបញ្ជាក់ថា វ៉ាក់សាំងទំនងជាអាចការពារមនុស្សយើងកុំឲ្យធ្លាក់ខ្លួនឈឺ ដែលវិវត្តទៅជាមានរោគសញ្ញាផ្សេងៗ ហើយអ្វីដែលសំខាន់គឺការពារមិនឲ្យមនុស្សយើងឈឺធ្ងន់ ត្រូវទៅសម្រាកព្យាបាលនៅមន្ទីរពេទ្យ។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

វ៉ាក់សាំងកូវីដPfizer

ប៉ុន្តែ លោកស្រីថា ការសិក្សាលើវ៉ាក់សាំងមិនបានបញ្ជាក់ទេថា តើវ៉ាក់សាំងអាចការពារមិនឲ្យវីរុសកូវីដ១៩ តោងជាប់នៅប្រព័ន្ធផ្លូវដង្ហើមរបស់អ្នកបានទទួលវ៉ាក់សាំង ហើយអាចចម្លងទៅអ្នកផ្សេងឬយ៉ាងណាទេ។ លោកស្រីបន្ថែមថា វានៅតែមានលទ្ធភាពអាចកើតមានថាអ្នកបានចាក់វ៉ាក់សាំងហើយ ប៉ុន្តែនៅតែអាចជាអ្នកពាំនាំវីរុសកូវីដ១៩ ឆ្លងទៅអ្នកផ្សេងបាន ដោយគ្រាន់តែថាអ្នកទាំងនោះមិនមានចេញរោគសញ្ញា។ ដូចនេះ លោកស្រីថា ពេលអ្នកទាំងនោះនិយាយ ដកដង្ហើម ឬកណ្ដាស់ នឹងនៅតែអាចមានលទ្ធភាពចម្លងវីរុសទៅអ្នកផ្សេងបាន។

អត្ថបទគួរអាន៖

ដូចនេះហើយ លោកស្រីថាវាជាការសំខាន់ណាស់ដែលគ្រប់គ្នាដែលបានចាក់វ៉ាក់សាំងរួចត្រូវការពារខ្លួនកុំឲ្យវីរុសចូលដល់ក្នុងខ្លួនបាន។ដោយសារតែហេតុផលនេះហើយ បានជាលោកស្រីថា ទោះបានទទួលវ៉ាក់សាំងហើយក៏ដោយ ក៏គ្រប់គ្នាគួរបន្តពាក់ម៉ាស និងរក្សាគម្លាតសង្គម។

ចំណុចសំខាន់

លោកស្រី Leana Wen វេជ្ជបណ្ឌិតផ្នែកសង្គ្រោះបន្ទាន់ និងជាសាស្រ្តាចារ្យនៅសាកវិទ្យាល័យ George Washington បានពន្យល់ក្នុងកិច្ចសម្ភាសជាមួយសារព័ត៌មាន CNN កាលពីថ្ងៃទី១៤ ខែធ្នូថា ទោះជាបានចាក់វ៉ាក់សាំងហើយក៏ដោយក៏នៅតែត្រូវបន្តពាក់ម៉ាសមុននឹងគ្រប់គ្នាបានទទួលវ៉ាក់សាំង។
លោកស្រីពន្យល់ថា តាមការសិក្សាវ៉ាក់សាំងបង្កាកូវីដ១៩ Pfizer/BioNTech ដែលសហរដ្ឋអាមេរិកកំពុងប្រើមានប្រសិទ្ធភាពការពារមិនឲ្យមនុស្សធ្លាក់ខ្លួនឈឺ និងមានជំងឺធ្ងន់។ ចំណុចនេះ លោកស្រីបញ្ជាក់ថា វ៉ាក់សាំងទំនងជាអាចការពារមនុស្សយើងកុំឲ្យធ្លាក់ខ្លួនឈឺ ដែលវិវត្តទៅជាមានរោគសញ្ញាផ្សេងៗ ហើយអ្វីដែលសំខាន់គឺការពារមិនឲ្យមនុស្សយើងឈឺធ្ងន់ ត្រូវទៅសម្រាកព្យាបាលនៅមន្ទីរពេទ្យ។

អ្នក​បាន​ចាក់​វ៉ាក់សាំង​កូវីដ១៩ហើយ គួរ​បន្ត​ពាក់​ម៉ាស​ទៀត​អត់?​

ចំណុចសំខាន់

អ្នកបានចាក់វ៉ាក់សាំងកូវីដ១៩ហើយ គួរបន្តពាក់ម៉ាសទៀតអត់?