ជំងឺឆ្លង

រដ្ឋបាល​រាជធានី​ភ្នំពេញ​នៅ​ព្រឹកថ្ងៃទី ១២ មេសា ២០២១ នេះ បាន​អំពាវ​នាវ​ឲ្យ​អ្នក​កើត​កូវីដ​ចំនួន ៩នាក់ នៅ​ភ្នំពេញ មក​បង្ហាញ​ខ្លួនក្នុងរយៈពេល ៣ថ្ងៃ ជាកំហិតចាប់ពីថ្ងៃទី១២​ មេសានេះ។ បើ​មិន​ដូច្នេះ​នឹងចាត់វិធានការតាមផ្លូវច្បាប់ ​កសាង​សំណុំ​រឿង​បញ្ជូន​ទៅ​តុលាការ​ចាត់​ការ​តាម​ច្បាប់។ ១. ឈ្មោះ ប្រុក ផូ ភេទប្រុស អាយុ ៦៥ឆ្នាំ ជាអាជីវករផ្សារអូរឫស្សី នៅសង្កាត់ទឹកល្អក់៣ ខណ្ឌទួលគោក ២. ឈ្មោះ ប៊ិច សាវី ភេទស្រី អាយុ ៣៩ឆ្នាំ នៅសង្កាត់ផ្សារកណ្តាល ខណ្ឌដូនពេញ ៣. ឈ្មោះ អ៊ិន គឹមស៊្រាង ភេទប្រុស អាយុ ៣២ឆ្នាំ កម្មករោងចក្រ ឌីន ហាន់ នៅផ្លូវដួងងៀប ខណ្ឌពោធិ៍សែនជ័យ ៤.​ ឈ្មោះ សៅ ហ៊ាត ភេទស្រី អាយុ ៤០ឆ្នាំ ជាកម្មកររោងចក្រ ឌីន ហាន់ នៅផ្លូវដួងងៀប ខណ្ឌពោធិ៍សែនជ័យ ៥. ឈ្មោះ ង៉ូយ […]

ស្រ្តីជនជាតិ​ខ្មែរ​អាយុ​ ៦១ឆ្នាំ​  រស់នៅ​សង្កាត់​ព្រែកព្នៅ ខណ្ឌព្រែកព្នៅ​ស្លាប់​ដោយសារ​ជំងឺកូវីដ-១៩ នៅ​ថ្ងៃទី១១​ ខែមេសា​ ឆ្នាំ២០២១​ ម៉ោង៦៖៣០នាទី​ល្ងាច។ តាម​សេចក្តី​ជូន​ព័ត៌មាន​របស់​ក្រសួង​សុខាភិបាល ស្ត្រីរូបនេះ​​រក​ឃើញ​វិជ្ជមានកូវីដ ១៩ ហើយ​ត្រូវ​​បាន​ចូល​សម្រាក​ព្យាបាល​នៅ​មន្ទីរពេទ្យ​ហ្លួងម៉ែ នៅ​ថ្ងៃទី៣០ មីនា ២០២១។ ដោយសារ​អ្នក​ជំងឺ​មាន​ស្ថានភាព​ធ្ងន់ធ្ងរ និង​មាន​ជំងឺទឹកនោម​ផ្អែម​ប្រចាំកាយ​ផង ទើប​ក្រុមគ្រូពេទ្យ​មិនអាច​ជួយ​សង្គ្រោះ​បាន។ គិត​ត្រឹម​ព្រឹកថ្ងៃទី១២ មេសា ២០២១ ចំនួនករណីជំងឺកូវីដ-១៩ សរុប​កេីន​ ៤៥១៥នាក់​​​​​​​​​​​​​ ចំនួនសម្រាកពេទ្យ ២២៦៨នាក់​​​ និងចំនួនជាសះស្បេីយសរុប​កេីន ២២១២​​​​​​​​​​​​​​​​ និង ស្លាប់ ៣០នាក់។

​ថ្ងៃទី១២ ខែមេសា ក្រសួងសុខាភិបាល​ប្រកាស​​រកឃើញ​អ្នក​ឆ្លង​កូវីដ ១៩ ចំនួន​ ២៧៧ករណី​ ​ជាអ្នក​​ពាក់​ព័ន្ធ​នឹង​ព្រឹត្តិការណ៍ ២០ កុម្ភៈ និងមានករណីជាសះស្បើយ ៦០នាក់។ ជាមួយ​គ្នា​នេះដែរ អាជ្ញាធរខណ្ឌ​ដូន​ពេញ បាន​ឲ្យ​ដឹង​នៅ​ព្រឹក​នេះ​ដែរថា ខ្លួន​បាន​សម្រេច​បិទ​ផ្សារ​ចាស់ បន្ទាប់​ពី​បាន​រកឃើញ​ថាមាន​អ្នក​វិជ្ជមាន​កូវីដ​១៩ នៅ​ក្នុង​ផ្សារ​។​​​ ស្ថានភាព​ជំងឺ​កូវីដ ១៩ គិត​ត្រឹមព្រឹក ថ្ងៃទី១២ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ៤ ៥១៥នាក់ – អ្នក​ពាក់​ព័ន្ធ​ព្រឹត្តិការណ៍​សហគមន៍ ៣ ៩៨២ នាក់ – ព្យាបាល​ជា​សះស្បើយ ២២១២នាក់ – កំពុង​សម្រាក​ព្យាបាល ២ ២៦៨នាក់ – ស្លាប់ ៣០នាក់។

រដ្ឋបាល​រាជធានី​ភ្នំពេញ​នៅ​ព្រឹកថ្ងៃទី ១២ មេសា ២០២១ នេះ បាន​អំពាវ​នាវ​ឲ្យ​អ្នក​កើត​កូវីដ​ចំនួន ៩នាក់ នៅ​ភ្នំពេញ មក​បង្ហាញ​ខ្លួនក្នុងរយៈពេល ៣ថ្ងៃ ជាកំហិតចាប់ពីថ្ងៃទី១២​ មេសានេះ។ បើ​មិន​ដូច្នេះ​នឹងចាត់វិធានការតាមផ្លូវច្បាប់ ​កសាង​សំណុំ​រឿង​បញ្ជូន​ទៅ​តុលាការ​ចាត់​ការ​តាម​ច្បាប់។

នៅ​ថ្ងៃទី១០ មេសា ២០២១ មាន​ករណី​ឆ្លង​កូវីដ ១៩ ថ្មី ចំនួន ១៥៧នាក់ និងជាសះស្បើយ ៧២នាក់ ខណៈអ្នកស្លាប់ដោយសារកូវីដ ១៩ ថ្មី មានដល់ទៅ ៣នាក់។ គិតមកត្រឹមព្រឹកថ្ងៃទី១១ ខែមេសា ២០២១នេះ តួលេខអ្នកស្លាប់ដោយសារជំងឺកូវីដ ១៩ កើនឡើងដល់ ២៩នាក់ហើយ។ ស្ថានភាព​ជំងឺ​កូវីដ ១៩ គិត​ត្រឹមព្រឹក​ ថ្ងៃទី១១ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ៤២៣៨នាក់ – អ្នក​ពាក់​ព័ន្ធ​ព្រឹត្តិការណ៍​សហគមន៍ ៣៧០៥នាក់ – ព្យាបាល​ជា​សះស្បើយ ២១៥២នាក់ – កំពុង​សម្រាក​ព្យាបាល ២០៥២នាក់ – ស្លាប់ ២៩នាក់។

បុរស​អាយុ ៣៦ឆ្នាំ រស់នៅ​ភូមិសំបួរ សង្កាត់​ដង្កោ រាជធានី​ភ្នំពេញ ស្លាប់​ដោយសារ​ជំងឺ​កូវីដ ១៩ នៅថ្ងៃទី១០ មេសា ២០២១ វេលា​ម៉ោង ១៖៤០នាទីរសៀល។ តាម​សេចក្តី​ជូន​ព័ត៌មាន​របស់​ក្រសួង​សុខាភិបាល បុរស​ខាង​លើ​បាន​រក​ឃើញ​វិជ្ជមានកូវីដ ១៩ ហើយ​បាន​ចូល​សម្រាក​ព្យាបាល​នៅ​មន្ទីរពេទ្យ​ហ្លួងម៉ែ នៅថ្ងៃទី០៧ មេសា ដោយ​អ្នក​ជំងឺ​មាន​ស្ថានភាព​ធ្ងន់ធ្ងរ ហត់​ខ្លាំង តម្រូវ​ឲ្យ​ក្រុម​គ្រូពេទ្យ​ប្រើ​ម៉ាស៊ីន​ជំនួយ​ដង្ហើម និង​ធ្វើ​ចលនា​បេះដូង តែ​នៅ​តែ​មិន​អាច​ជួយ​សង្គ្រោះ​បាន។

មាន​មនុស្សសរុបចំនួន ២៥៣ នាក់ រកឃើញឆ្លងជំងឺកូវីដ ១៩​ ក្នុងចង្កោមផ្សារអូរឫស្សី គិតត្រឹមព្រឹកថ្ងៃទី ៩ ខែមេសា ឆ្នាំ២០២១។ អនុគណៈកម្មការស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ ១៩បានបន្តអំពាវនាវដល់ប្រជាពលរដ្ឋ អ្នកលក់នៅផ្សារអូរឫស្សី ឬអ្នកចេញចូល ជាប្រចាំ ឬ ញឹកញាប់ទាំងអស់ បើមានរោគសញ្ញាដូចជា គ្រុនក្ដៅ ក្អក កណ្ដាស់ ឈឺបំពង់ក ឬដកដង្ហើមខ្លីៗ ឬ សង្ស័យ ប្រញាប់ទៅធ្វេីតេស្តរកវីរុសកូវីដ ១៩។ ទីតាំងត្រូវទៅធ្វើតេស្តមាន ​វិទ្យាល័យ​បាក់ទូក​ វិទ្យាល័យ​បឹង​ត្របែក​ មណ្ឌលសុខភាពចាក់អង្រែក្រោម​ មន្ទីរ​ពេទ្យខ្មែរ-សូវៀត​ សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) មន្ទីរពេទ្យបង្អែកនៅតាមបណ្តាខេត្តនានា។ ចំពោះអ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

នៅថ្ងៃទី០៩ មេសា ២០២១ រក​ឃើញ​ករណី​ឆ្លងកូវីដ ១៩ ចំនួន ៤៨៣នាក់បន្ថែមទៀត ធ្វើឲ្យ​តួលេខ​អ្នក​ឆ្លង​សរុប​ទូទាំង​ប្រទេស​កើន​ឡើង​ដល់ជាង ៤ពាន់ករណី។ ថ្លែងសារ​ពិសេស​ពាក់ព័ន្ធ​នឹង​ស្ថានភាព​ជំងឺ​កូវីដ ១៩ នៅព្រឹក​នេះ សម្តេច​នាយក​រដ្ឋមន្ត្រី ហ៊ុន សែន បាន​លើកឡើង​ថា ពុំមុនប្រទេស​យើង​កម្រ​មាន​ពាក្យ​ថា ឆ្លងរាប់សិបនាក់ណាស់ គឺត្រឹម ១នាក់ ២នាក់ ៥នាក់ ឬ១០នាក់​ប៉ុណ្ណោះ ប៉ុន្តែ​ចាប់តាំង​ពី​ការ​ឆ្លង​រាលដាល​កូវីដ ១៩ ក្នុង​ព្រឹត្តិការណ៍ ២០ កុម្ភៈ ក្នុងមួយថ្ងៃៗ ​មាន​អ្នក​ឆ្លង​រាប់​សិប​នាក់​ឯណោះ ដែល​នេះ​ជា​ព្រឹត្តិការណ៍​អាក្រក់​សម្រាប់​ប្រទេស​កម្ពុជា។ "ពីម្សិលអ្នកជំងឺបានឆ្លង ៥៧៦នាក់ ថ្ងៃនេះទៀត ៤៨៣នាក់​ ពុំមុនយើងកម្រណាស់ពាក្យថា រាប់សិប គឺមាន១​ មាន២ មាន៤ មាន៥ មាន១០ រាប់សិបមិនសូវមានទេ​ តែរាប់ពីព្រឹត្តិការណ៍ ២០ កុម្ភៈ រហូតមក ពាក្យរាប់សិបក្នុង១ថ្ងៃ គឺមានជារៀងរាល់ថ្ងៃ ២ថ្ងៃនេះយើងមានពាក្យថា រាប់រយក្នុង១ថ្ងៃ"។

រដ្ឋបាល​រាជធានី​បាន​សម្រេច​បិទភូមិ និង​សង្កាត់​មួយ​ចំនួន ដែល​បាន​ឆ្លង​រីករាលដាល​ជំងឺ​កូវីដ ១៩ ធ្ងន់ធ្ងរ ក្នុង​ខណ្ឌ​ចំនួន ៣ នៅ​ភ្នំពេញ  រយៈពេល ២សប្តាហ៍ ចា​ប់ពីម៉ោង ០០ ថ្ងៃទី១០ មេសា ២០២១។ ១. ខណ្ឌមានជ័យ៖ បិទ ២សង្កាត់ មានសង្កាត់ស្ទឹងមានជ័យ១ និងស្ទឹងមានជ័យ២ ២. ខណ្ឌសែនសុខ៖ បិទ ១ភូមិ គឺ ភូមិទ្រុងមាន់ ៣. ខណ្ឌពោធិ៍សែនជ័យ៖ បិទ ៧ ភូមិ គឺភូមិត្រពាំងថ្លឹង ២ ភូមិទួលពង្រ នៃសង្កាត់ចោមចៅ១ ភូមិចម្ការឪឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ នៃសង្កាត់កាកាប១ និងភូមិចម្ការឪឡឹក១ នៃសង្កាត់កាកាប២។

ស្ត្រី​ជនជាតិ​ខ្មែរ អាយុ ៥៥ឆ្នាំ រស់នៅសង្កាត់ព្រែកលាប ខណ្ឌជ្រោយ​ចង្វារ រាជធានី​ភ្នំពេញ​ ស្លាប់​ដោយសារ​ជំងឺកូវីដ ១៩ នៅថ្ងៃទី ៩ មេសា នេះ។ បើ​តាម​សេចក្តី​ជូន​ព័ត៌មាន​របស់​ក្រសួង​សុខាភិបាល​ស្ត្រីរូប​នោះ រក​ឃើញ​វិជ្ជមាន​កូវីដ ១៩ នៅថ្ងៃទី៣០ មីនា ២០២១ ហើយ​ត្រូវ​បាន​ដាក់​ឲ្យសម្រាក​​ព្យាបាល​​នៅ​​មន្ទីរពេទ្យ​មិត្តភាព​ខ្មែរ-សូវៀត ឯ​ស្ថានភាព​អ្នក​ជំងឺ​ធ្ងន់ធ្ងរ​តាំងពី​ចូល​សម្រាក​ពេទ្យ។ គិត​ត្រឹម​ព្រលប់​ថ្ងៃទី០៩ មេសា ២០២១ នេះ សរុប​ទូទាំងប្រទេស​​មាន​​ករណី​ស្លាប់​ដោយសារ​​ជំងឺ​កូវីដ ១៩ ចំនួន ២៥នាក់​ហើយ។