home

បាក់ឆ្អឹង

បាក់ឆ្អឹង​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​បញ្ហា​ ឬ​បាក់​ឆ្អឹង​​​ ​ផលវិបាក ​ការការពារ​ និង​ការ​ព្យាបាល

ចំណេះដឹងទូទៅ

បាក់ឆ្អឹង

អាការៈ​ឈឺខ្នង​អាច​កើត​លើ​មនុស្ស​គ្រប់​វ័យ និង​មក​ពី​មូលហេតុ​ខុសៗ​គ្នា ឬ​មក​ពី​ទម្លាប់​មួយ​ចំនួន។ អត្ថបទ​នេះ​នឹង​បង្ហាញ​ពី​ទម្លាប់​​មួយ​ចំនួន​ដែលអាច​បង្ក​ឲ្យ​យើងមានអាការៈឈឺខ្នងបាន។ ១. ឥរិយាបថ​នៃ​ការ​អង្គុយ ការ​អង្គុយ​ឱន​ទៅ​មុខ​យូរ​អាច​បន្ថែម​សម្ពាធ​ទៅ​លើ​ខ្នង​ផ្នែក​ខាង​ក្រោមព្រោះ​ឥរិយាបថ​នេះ​ក៏ខុស​ពី​ទម្រង់​ឆ្អឹង​ខ្នង​ផង​ដែរ។ ដើម្បី​បន្ធូរ​ការ​ឈឺ​ចាប់ ឬ​ចលនា​កន្រ្ទាក់​សាច់ដុំ យើង​អាច​ធ្វើ​ចលនា​ក្បាល និង​ក​ចុះ​ឡើង និង​ងាក​ទៅ​ឆ្វេង​ទៅស្តាំ​រាល់​កន្លះ​ម៉ោង​ម្ដង ឬ​យើងអាចស្អំ​ទឹកកក ឬ​បន្ទះ​កម្ដៅ​ទៅ​នឹង​ខ្នង​កន្លែងដែល​ឈឺ​ដោយ​មាន​កន្សែង​ស្តើង​ទ្រាប់​ពី​ក្រោម។ ការ​អង្គុយ​យូរ​អាច​ធ្វើ​ឲ្យ​សាច់ដុំ​ខ្នង ក និង​ឆ្អឹង​ខ្នង​មាន​សម្ពាធ។ ដូចនេះយើង​គួរ​អង្គុយ​ត្រង់​ខ្នង​នៅ​កៅ​អី និង​កំណត់​កម្ពស់​កៅអី​ឲ្យ​ដាក់​ជើង​ដល់​កម្រាល។ ទោះបីជា​អង្គុយ​បែប​នេះ​ក្តី យើង​នៅ​តែ​ត្រូវ​ងើប​ឡើង​ និង​ធ្វើ​ចលនា​​រាល់​កន្លះ​ម៉ោង​ម្ដង​ដើម្បី​ឲ្យ​រាងកាយ​បាន​សម្រាក។ ២. របប​អាហារ ការ​ជ្រើសរើស​របប​អាហារ​ខុស​អាច​បង្ក​ការរលាក ឬ​ខ្វះ​សារធាតុ​ចិញ្ចឹម​ដែល​រាងកាយ​ត្រូវ​ការ។ រាងកាយយើង​ត្រូវការ​ប្រូតេអ៊ីន​សាច់ គ្រាប់​ធញ្ញជាតិ​ (whole grains) បន្លែ ផ្លែឈើ និង​ខ្លាញ់​​ល្អ​សម្រាប់​សុខភាព​ដែលមាន​នៅ​ក្នុង​ផ្លែ​បឺរ និង​ត្រី​សាល់ម៉ុនដើម្បី​​ជួយ​ឲ្យ​សាច់​ដុំ ឆ្អឹង និង​ជាលិកា​ទន់​នៅ​ខ្នង​មាន​ភាព​រឹងមាំ។ បន្ថែម​ពី​នេះ​ទៀត យើង​គួរ​ជ្រើសរើសញ៉ាំ​អាហារ​ដែលមាន​កាល់ស្យូម ផូស្វ័រ និង​វីតាមីន​ D​ផងដែរ។ ៣. ឥរិយាបថ​នៃ​ការ​គេង ការ​គេង​ផ្ងារ​គឺ​ជា​ឥរិយាបថ​គេង​ដ៏​ល្អ​សម្រាប់គ្នា​យើងមាន​អាការៈ​ឈឺខ្នង ប៉ុន្តែ​ការ​ផ្លាស់​ប្តូរ​ទម្លាប់​នៃ​ការ​គេង​អាច​នឹង​មាន​ភាព​លំបាក​ប្រសិនជា​យើង​មិន​ទម្លាប់​គេង​ផ្ងារ។ យើង​ក៏​អាច​ប្រើ​ខ្នើយ​ទ្រាប់​ក្រោម​ជង្គង់ ​ដើម្បី​រក្សា​ទម្រង់​ធម្មជាតិ​របស់​ខ្នង​។ ដោយឡែក​យក​ល្អ​យើង​មិន​គួរ​គេង​ផ្កាប់​ទេ​ ប្រសិន​ជា​យើងមាន​បញ្ហា​ឈឺ​ខ្នង។ ការ​គេង​ផ្កាប់​អាច​ធ្វើ​ឲ្យ​យើងរើ​ខ្លួន​ញឹក​ញាប់​ដែល​ធ្វើ​ឲ្យ​រោយ​ក និង​ខ្នង​ផ្នែក​ខាង​ក្រោម។ ប្រសិនជា​យើង​ទម្លាប់​គេង​ផ្កាប់ និង​មិន​ចង់​ប្តូរ​ឥរិយាបថ​នៃ​ការ​គេង យើង​អាច​គេង​លើ​ខ្នើយ​ទន់​ ឬ​មិន​កើយ​ខ្នើយ​ដើម្បី​ឲ្យ​ក​ស្ថិត​នៅ​ទីតាំង​ត្រឹមត្រូវ។ ៤. ការមិនហាត់ប្រាណ យើងអាច​​ប្រឈម​នឹង​ការ​ឈឺខ្នង​ ប្រសិន​ជា​យើង​មិន​សកម្ម ព្រោះ​ឆ្អឹង​ខ្នង​ត្រូវការ​ការ​ទ្រទ្រង់​ពី​សាច់ដុំ​ពោះ និង​ខ្នង។ ការ​លើក​ទម្ងន់​អាច​ជួយ​បាន​ដែល​មាន​​ក្នុង​សកម្មភាព​ប្រចាំ​ថ្ងៃ​ដូចជា​ការ​ឡើង​ជណ្ដើរ […]

ស្វែងរក​បន្ថែម​ទៀត បាក់ឆ្អឹង អត្ថបទ

បាក់ឆ្អឹង

អាការៈ​បាក់​ឆ្អឹង​មាន​២​ប្រភេទ គឺ​ការ​បាក់​ឆ្អឹង​​បិទ​មុខ (ឆ្អឹង​បាក់​ខាង​​ក្នុង មើល​មិន​ឃើញ) និង​ការ​បាក់​បើក​មុខ (ឆ្អឹង​លៀន​ចេញ​មក​ក្រៅ​សាច់)។ នៅ​ពេល​យើង​ដួល ឬ​ជួប​គ្រោះ​ថ្នាក់​អ្វី​មួយ បង្ក​ឲ្យ​បាក់​ឆ្អឹង ហើយ​ឆ្អឹង​នោះ​បាក់​បិទ​មុខ ដែល​យើង​មិន​មើល​​ដឹង​ដោយ​ភ្នែក​ទទេ តើ​មាន​សញ្ញា​អី​សម្គាល់​ខ្លះ? ១. សញ្ញា​បញ្ជាក់​ថា​បាក់ឆ្អឹង បច្ចេកវិទ្យា​ទំនើប គេ​អាច​ដឹង​ថា​ឆ្អឹង​ខាង​ក្នុង​បាក់ ឬ​ស្រាំ ដោយសារ​ការ​ថត​កាំរស្មី​អ៊ិច ក្រៅ​​ពី​នោះ​យើង​ក៏​អាច​ដឹង​តាម​រយៈ​សញ្ញា​សម្គាល់​មួយ​ចំនួន​ខាង​ក្រោម​នេះ។ - ឡើង​រឹង ហើយ​តឹង​អវយវៈ​ដែល​គ្រេច ឬ​ជួប​គ្រោះ​​ថ្នាក់ - ឈឺ​ចាប់​ខ្លាំង - ហើម - មាន​ស្នាម​ជាំ - ខូច​ទ្រង់ទ្រាយ​កន្លែង​​ដែល​បាក់ - សំឡេងឆ្អឹងកកិតគ្នា - ការ​ធ្វើ​ចលនា​មិន​ប្រក្រតី។ ២. ត្រូវ​ធ្វើ​ដូច​ម្តេច​បើ​ឆ្អឹង​បាក់ - ស្អំ​កន្លែង​របួស​ដោយ​ទឹកកក ឬ​ទឹក​ត្រជាក់ ដើម្បី​កាត់​បន្ថយ​ការ​ឈឺ​ចាប់ និង​ហើម - បើ​មុខ​របួស​ឆ្អឹងបើក ហាម​ស្អំ​ទឹក​ត្រជាក់ ឬ​ទឹកកក​ពី​លើ - បើ​បាក់​ដៃ ឬ​ឆ្អឹង​ស្មា ត្រូវ​ដាក់​ដៃ​ដែល​បាក់​ទទឹង​ដង​ខ្លួន ហើយ​ទ្រ​កែង​ដៃ - យក​កន្សែង ឬ​កំណាត់​មក​ចង​ទ្រ​ដៃ​ដែល​បាក់ រួច​ចង​ថ្ពក់​ជាប់​នឹង​ក - បើ​ឆ្អឹង​ជើង​បាក់ ត្រូវ​ចង​អប​ជើង​ជាមួយ​ឫស្សី ឈើ​វែង ឬ​អប​ជាមួយ​ជើ​ងមិន​បាក់ - មិន​ត្រូវ​រុំ​បង់​លើ​កន្លែង​ដែល​បាក់​ឆ្អឹង - មិន​​ត្រូវ​ប្តូរ​ទីតាំង​អវយវៈ​ដែល​​មាន​របួស​ឡើយ - បញ្ជូន​អ្នក​ជំងឺ​ទៅ​មន្ទីរពេទ្យ។ អត្ថបទពាក់ព័ន្ធ៖  បញ្ហា​របួស​ឆ្អឹង សន្លាក់ សាច់ដុំ និងវិធីសង្គ្រោះ​បឋម Femoral Neck Fracture […]

បាក់ឆ្អឹង

១– អ្វីជាការបាក់ក្បាលឆ្អឹងភ្លៅ? ការ​បាក់ក្បាល​ឆ្អឹង​​ភ្លៅ ឬ​ក​ឆ្អឹង​ភ្លៅ​គឺ​ជា​ការ​បាក់​ឆ្អឹង​នៅ​តំបន់​ភ្លៅ (femur) ដែល​ស្ថិត​នៅ​ត្រគាក។ សន្លាក់​ឆ្អឹង​ត្រគាក​មាន​រូប​រាង​ដូច​គ្រាប់​បាល់នៅ​ក្បាល​របស់​ឆ្អឹង និង​ប្រឡង់​របស់​វា​។ ការ​បាក់​នៅ​ក​របស់​ឆ្អឹង​ភ្លៅ​គឺ​បាក់​នៅ​ក្រោម​ក្បាល​ឆ្អឹង​ដែល​មាន​រាង​មូល​ដូច​បាល់​នោះ។ ការ​បាក់​ឆ្អឹង​ភ្លៅដែល​មាន​ដាច់​សរសៃ​ឈាម ជា​ធម្មតា​គឺ​មាន​បញ្ហា​ក្នុង​ការ​ព្យាបាល តែ​ភាគ​ច្រើន​អាច​ជា​សះ​ស្បើយ​វិញ​បាន​ក្រោយ​ពី​ការវះកាត់។ ២– តើការបាក់ក្បាលឆ្អឹងភ្លៅកើតច្រើនដែលឬទេ? ការ​បាក់​ក្បាល​ឆ្អឹង​ភ្លៅ​នេះ​កើត​លើស្ត្រី​មាន​វ័យ​ចំណាស់ និង​មាន​ហានិភ័យ​ខ្ពស់​ដោយ​សារ​តែ​ឆ្អឹង​មាន​ភាព​ទន់​ខ្សោយ (ជំងឺពុក​ឆ្អឹង)។ ការ​បាក់​ឆ្អឹង​ភ្លៅ​នេះ​ក៏​ងាយ​កើត​​លើ​អ្នក​ដែល​មាន​ឆ្អឹង​តូច​ស្តើង និង​ខ្សោយ។ ២៥ភាគរយ​នៃ​ស្ត្រី​ដែល​មាន​អាយុ​លើស​ពី ៧៥ឆ្នាំ​អាច​មាន​ការ​បាក់​ឆ្អឹង​គល់​ភ្លៅ​​បាន​បណ្តាល​មក​ពី​មាន​ជំងឺ​ពុក​ឆ្អឹង។

បាក់ឆ្អឹង

១- អ្វីជាការបាក់ឆ្អឹងត្រគាក? ការ​បាក់​ឆ្អឹង​ដែល​ច្រើនកើត​ជាង​គេ​ គឺ​ជា​ការ​បាក់​ឆ្អឹង​ត្រគាក ហើយ​បាក់​នៅ​មួយ​ភាគ​បួន​ខាង​លើ​នៅ​ឆ្អឹង​ភ្លៅ។ ភាព​ធ្ងន់​ធ្ងរ​នៃ​ការ​បាក់​ឆ្អឹង​គឺ​អាស្រ័យ​ទៅ​លើ​កម្លាំង​ដែល​បណ្តាល​អោយ​បាក់​ឆ្អឹង។ សម្រាប់​​មនុស្ស​ចាស់ ការ​បាក់ឆ្អឹង​ត្រគាក​អាចថាមិនមែនជារឿង​សាមញ្ញ​ពីព្រោះ​វា​ជា​របួស​ធ្ងន់​ធ្ងរ​ដែល​អាច​ប៉ះ​ពាល់​ដល់​ជីវិត​បាន។ ការ​បាក់​ឆ្អឹង​ត្រគាក​អាច​បន្ថយ​សកម្មភាព​រាង​កាយ​និង​ផ្លាស់​ប្តូរ​ជីវិត​​យ៉ាង​ខ្លាំង។ ប្រហែល​ពាក់​កណ្តាល​នៃអ្នក​ដែល​មាន​ការ​បាក់​ឆ្អឹង​ត្រគាក​មិន​អាច​មាន​លទ្ធភាព​ក្នុង​ការ​រស់​នៅ​ដោយ​ឯក​រាជ្យ​បាន​ទេ។ ២- តើការបាក់ឆ្អឹងត្រគាកកើតច្រើនដែលឬទេ? នៅ​ក្នុង​សហ​រដ្ឋអាមេរិក​អត្រា​នៃ​អ្នក​បាក់​ឆ្អឹង​ត្រគាក​មាន​ប្រហែល​ជា ៣៤១ ០០០ នាក់​ជា​រៀង​រាល់​ឆ្នាំ។ អត្រា​នៃ​ការ​បាក់​ឆ្អឹង​ត្រគាក​កើន​ឡើង​ជា​រៀង​រាល់​ឆ្នាំ​ទ្វេ​ដង​រៀង​រាល់៥ទៅ​៦ ឆ្នាំ​បន្ទាប់​ពី​អាយុ ៦០ឆ្នាំ។

បាក់ឆ្អឹង

ទ្រនាប់​ឆ្អឹង​ខ្នង​លៀន​ចេញ​តាម​ធម្មតា​កើត​មាន​នៅ​ត្រង់​តំបន់​ខ្នង​ផ្នែក​ខាង​ក្រោម ​និង​តំបន់​កញ្ចឹង​ក (ឆ្អឹង​ខ្នង​ត្រង់​ចង្កេះ និង​ឆ្អឹង​ខ្នង​កញ្ចឹង​ក)។ ​ករណី​ខ្លះ ​ទ្រនាប់​ឆ្អឹង​ខ្នង​លៀន​ចេញ​អាច​កើត​មាន​នៅ​ត្រង់​ខ្នង​ផ្នែក​ខាង​លើ (ឆ្អឹង​ខ្នង​​តំបន់​ប្រអប់​ទ្រូង) អាស្រ័យ​លើ​ទីតាំង​នៃ​ទ្រនាប់​ឆ្អឹង​ដែល​បាន​រអិល​ភ្លាត់​ចេញ ហើយ​ការ​ឈឺ​ចាប់​អាច​នឹង​ខុស​ប្លែក​ពី​គ្នា។ ១-​ ផល​វិបាក​នៃ​ទ្រនាប់​ឆ្អឹងខ្នង​​ដែល​បាន​រអិល​ភ្លាត់​ចេញ​មាន​អ្វី​ខ្លះ? ​បើ​ទុក​ចោល​មិន​ព្យាបាល​ទ្រនាប់​ឆ្អឹង​ខ្នង​ដែល​បាន​រអិល​ភ្លាត់​ចេញ​ធ្ងន់ធ្ងរ​ទេ នោះ​វា​អាច​នាំ​ឲ្យ​ខូច​ខាត​សរសៃ​ប្រសាទ​ធ្ងន់ធ្ងរ ដែល​ឈាន​ទៅ​ដល់​ខូច​ជា​រៀង​រហូត។ ​ករណី​កម្រ​ណាស់​ដែល​មាន​ទ្រនាប់​ឆ្អឹង​ខ្នង​​បាន​រអិល​ភ្លាត់​ចេញ​អាច​កាត់​ផ្តាច់​សញ្ញា​សរសៃ​ប្រសាទ​ទៅ​កាន់​ខ្នង​ផ្នែក​ខាង​ក្រោម ​និង​ជើង​បាន។ ពេល​បញ្ហា​របៀប​នេះ​កើត​មាន​ឡើង យើង​នឹង​បាត់បង់​ការ​គ្រប់គ្រង​លើ​ប្លោក​នោម។ ទ្រនាប់​ឆ្អឹង​ខ្នងដែល​រអិល​ភ្លាត់​ចេញ​ក៏​អាច​បណ្តាល​ឲ្យ​មាន​ផង​ដែរ​នូវ​ភាព​ស្ពឹក​នៅ​ត្រង់​តំបន់​កញ្ចូញ​គូទ​ពេល​អង្គុយ​លើ​កែប ដូច​ជា ​កែបកង់ ឬម៉ូតូ ជាដើម (saddle anesthesia)​។ នេះ​គឺ​ជា​សភាព​មួយ​នៅ​ពេល​ដែល​ទ្រនាប់​ឆ្អឹង​ដែល​រអិល​ភ្លាត់​ចេញ​បាន​ដាក់​សម្ពាធ​សង្កត់​ទៅ​លើ​សរសៃ​ប្រសាទ​ ហើយ​បង្ក​ឲ្យ​មាន​ការ​កាត់​បន្ថយ​នូវ​ការ​ទទួល​ដឹង​ញាណ​នៅ​លើ​ភ្លៅ​ផ្នែក​ខាង​ក្រោយ​ជើង និង​ចុង​ពោះវៀន​ក្បែរ​ក្រសាល​គូទ។ មាន​វិធី​ជា​ច្រើន​ដែលអ្នកជំងឺអាច​ធ្វើ ដើម្បី​បន្ថយ​រោគ​សញ្ញា​នៃ​ការ​រអិល​ទ្រនាប់​ឆ្អឹង​ខ្នង តែ​នៅ​ពេល​ខាង​មុខ​អ្នកជំងឺ​​អាច​នឹង​មាន​បញ្ហា​នេះម្ដង​ទៀត​ដូច​គ្នា។ បើ​អ្នក​ជំងឺមិន​អាច​ធ្វើ​សកម្មភាព​ប្រចាំ​ថ្ងៃ​ដូច​ធម្មតា​ទេ នោះ​ជា​ពេល​ដែល​អ្នក​ជំងឺ​ត្រូវ​ទៅ​ជួប​គ្រូពេទ្យ​ហើយ ដើម្បី​ឲ្យ​ដឹង​ពី​រោគវិនិច្ឆ័យ​ និង​ការ​ព្យាបាល​ត្រឹមត្រូវ។ ២- តើសញ្ញាទ្រនាប់ឆ្អឹងខ្នងរអិលភ្លាត់ចេញមានអ្វីខ្លះ? ទ្រនាប់​ឆ្អឹង​ខ្នងដែល​រអិល​ភ្លាត់​ចេញ​អាច​កើត​មាន​ឡើង​បាន​នៅ​គ្រប់​កន្លែង​នៃ​ឆ្អឹង​ខ្នង។ ប៉ុន្តែ​តាម​ធម្មតា​ករណីនេះកើតមាន​នៅ​ត្រង់​ខ្នង​ផ្នែក​ខាង​ក្រោម។ របួស​នៅ​តំបន់​នេះ​អាច​ជះ​ឥទ្ធិពល​ដល់​តំបន់​ជា​ច្រើន​នៅ​ពាក់​កណ្តាល​ខាង​ក្រោម​នៃ​រាង​កាយ ​ដោយ​សារ​តែ​បណ្តាញ​ដ៏​ស្មុគស្មាញ​របស់​សរសៃ​ប្រសាទ និង​សរសៃ​ឈាម​គឺ​ស្ថិត​នៅ​ក្នុង​ឆ្អឹងខ្នង។ រោគសញ្ញានៃទ្រនាប់ឆ្អឹងខ្នងរអិលភ្លាត់ចេញរួមមាន៖ ការ​ឈឺ​ចាប់​នៅ​ដៃ ឬ​ជើង៖ ការ​ឈឺ​ចាប់​ដៃ ឬ​ស្មា​ជា​រឿយៗ​កើត​ជា​លទ្ធផល​មក​ពី​ទ្រនាប់​ឆ្អឹង​ដែល​ភ្លាត់​ខុស​កន្លែង​នៅ​ត្រង់​កញ្ចឹង​ក ​ខណៈ​ដែលការ​ឈឺ​ចាប់​ជើង​ តាម​ធម្មតា​ជា​លទ្ធផល​ទ្រនាប់​ឆ្អឹង​ដែល​លៀន​លយ​ចេញ​នៅ​ត្រង់​ខ្នង​ផ្នែក​ខាង​ក្រោម។ ការ​ឈឺ​ចាប់​ក៏​អាច​នឹង​កើត​មាន​ផង​ដែរ​នៅ​ត្រង់​កំប៉េះ​គូទ ភ្លៅ និង​កំភួន​ជើង ហើយ​ពេល​ខ្លះ នៅ​ផ្នែក​ខ្លះ​នៃ​ប្រអប់​ជើង។ ការ​ឈឺ​ចាប់​កាន់​តែ​អាក្រក់​ឡើង​ ជា​ពិសេស​នៅ​ពេល​​ក្អក កណ្តាស់ ឬ​កម្រើក​ឆ្អឹង​ខ្នង។ ភាពស្ពឹក ឬការស្រពន់ស្កៀប៖ អ្នក​ដែល​មាន​ទ្រនាប់​ឆ្អឹង​ខ្នង​លៀន​លយ​ចេញ​ជា​រឿយៗ​ជួប​ប្រទះ​នូវ​ភាព​ស្ពឹក ឬ​ភាព​ស្រពន់​ស្កៀប​នៅ​ក្នុង​រាងកាយ។ ទន់ខ្សោយកម្លាំង៖ ពេល​សរសៃ​ប្រសាទ​ត្រូវ​បាន​បំផ្លាញ វា​នឹង​ជះ​ឥទ្ធិពល​ដល់​សាច់ដុំ​ដែល​បាន​គ្រប់​គ្រង​ដោយ​សរសៃ​ប្រសាទ​នោះ។ […]

បាក់ឆ្អឹង

អង្គុយ​កោង​ខ្នង ដង​ខ្លួន​មិន​ត្រង់ អាច​ក្លាយ​ជា​ទម្លាប់ និង​​ឈាន​ដល់​បញ្ហា​ធំ​ៗ យ៉ាងហោច ៤ ពិសេស​​បញ្ហា​​​​ប្រព័ន្ធ​ឆ្អឹង​ខ្នង និង​ផ្នែក​ផ្សេង​ៗ​នៃ​រាង​កាយ​ ដែល​ជាប់​ពាក់​ព័ន្ធ​។​ ១. កំពស់​លូត​មិន​​អស់​ (ឆ្អឹង​លូត​មិន​សព្វ​ល្អ) នៅ​វ័យ​លូត​លាស់ ប្រព័ន្ធ​ឆ្អឹង​​ធ្វើ​ការ​​យ៉ាង​ស្និទ្ធ​ទៅ​នឹង​​សាច់​ដុំ និង​សរសៃ​ផ្សេង​ៗ​សព្វ​​​រាង​កាយ ដូច​នេះ កាយ​វិការ​ដែល​ជា​ទម្លាប់​អង្គុយ គឺ​​មាន​ឥទ្ធិពល​ខ្លាំង​​ទៅ​លើ​ការ​លូត​លាស់​​​ឆ្អឹង ជា​ហេតុ​​ ដែល​គួរ​គប្បី​អង្គុយ​ឱ្យ​ត្រង់​ខ្លួន។ ២. ខូច​ជាលិកា​សន្លាក់​ អង្គុយ​មិន​ត្រង់​ខ្លួន ប្រៀប​ដូច​​ដាក់​បន្ទុក​បន្ថែម​​ទៅ​លើ​ជាតិ​ជាលិកា​ត្រង់​ចំណុច​ដែល​​ឆ្អឹង​សន្លាក់​ភ្ជាប់​គ្នា ពិសេស​ឆ្អឹង​ខ្នង ឆ្អឹង​ស្មា និង​​សន្លាក់​ឆ្អឹង​ជង្គង់។ ដោយ​បញ្ហា​នេះ អាច​ផ្តល់​គុណវិបត្តិ​ទៅ​លើ​ប្រព័ន្ធ​​ឆ្អឹង​​​រ៉ាំ​រ៉ៃ​ក្នុង​រយៈ​ពេល​យូរ ដូច្នេះ​​ទម្លាប់​អង្គុយ​ឱ្យ​ត្រង់​ខ្លួន គឺ​ជា​ផ្នែក​មួយ​សំខាន់​គួរ​យក​ចិត្ត​ទុក​ដាក់។ ៣. កើត​រោគ​រលាក​សន្លាក់​ឆ្អឹង រោគ​រលាក​សន្លាក់​ឆ្អឹង អាច​នឹង​កើត​ឡើង​​ផង​ដែរ ដោយ​ការ​អង្គុយ​​វៀច​ខ្នង ឬ​​កាយ​វិការ​ ទម្រេត​​ខ្លាំង​ទៅ​លើ​ឆ្អឹង​ខ្នង​។ ដើម​ហេតុ​ គឺ​ទម្លាប់​​​មិន​ល្អ​ទាំង​នោះ បន្ថែម​បន្ទុក​ ទៅ​លើ​​គន្លាក់​ឆ្អឹង នឹង​ធ្វើ​ឱ្យ​កើត​មាន​អាការៈ​ឈឺ​ចាប់​ខ្លាំង​​​ ក្នុង​រយៈ​ពេល​ណា​មួយ។ អត្ថបទ​ពាក់​ព័ន្ធ៖ អ្វីជាជំងឺសឹកឌីសឆ្អឹងខ្នង? ប៉ះពាល់ស្រីៗមានផ្ទៃពោះអត់? Epidural Anaesthetic (ចាក់ថ្នាំស្ពឹកក្រៅខួរឆ្អឹងខ្នង) ៤. វៀច​ឆ្អឹង​ខ្នង ដូច​ទៅ​នឹង បញ្ហា​សន្លាក់​ឆ្អឹង​​ អង្គុយ​មិន​ត្រង់​ខ្លួន អាច​បណ្តាល​ឱ្យ​ ឆ្អឹង​​ខ្នង​ វៀច និង​​មាន​​បញ្ហា​​ទៅ​ថ្ងៃ​ក្រោយ ដោយ​វា​បំផ្លាញ​​ទ្រង់​ទ្រាយ​ឆ្អឹង​ខ្នង។ ជា​ការ​ណែ​នាំ​​​បង្ការ​ពី​បញ្ហា​ខាង​លើ អ្នក​ជំនាញ​សុខភាព​បាន​ណែ​នាំ នូវ​វិធីសាស្រ្ត​មួយ​ចំនួន​ ដោយ​ការ​ជ្រើស​ប្រភេទ​កៅ​អី ដែល​សម​ល្មម​ទៅ​នឹង កំពស់​ និង​ទំងន់​ […]

បាក់ឆ្អឹង

ពន្លឺ​ព្រះ​អាទិត្យ​ជួយ​​ឲ្យ​​រាង​កាយ ទទួល​បាន​គុណប្រយោជន៍​ដោយ​សារ វា​ជួយ​ជម្រុញ​ប្រតិកម្ម​វីតាមីន​D ធ្វើ​ឲ្យ​ស្បែក​ និង​ឆ្អឹង​លូត​លាស់​បាន​​​ល្អ​។ ដោយ​ឡែក ការ​រក​ឃើញ​ថ្មី​ដោយ​អ្នក​វិទ្យាសាស្រ្ត​ ឃើញ​ថា ពន្លឺ​ថ្ងៃ​ជួយ​ឲ្យ​ ជម្រុញ​ឲ្យ​​មាន​បាក់តេរី​ល្អ​ក្នុង​រាង​កាយ ធ្វើ​ឲ្យ​មាន​ប្រយោជន៍​សម្រាប់​សុខភាព។ ការ​រក​ឃើញ​ខាងលើ​ បន្ទាប់​ពី​ក្រុម​អ្នក​វិទ្យាសាស្រ្ត​ពី​សាកលវិទ្យាល័យ​ British Columbia នៃ​ប្រទេស​កាណាដា បាន​ពិនិត្យ​លើ​អ្នក​ស្ម័គ្រ​ចិត្ត ២១ នាក់​ ដោយ​ពិនិត្យ​មើល​លម្អិត​នៅ​ក្នុង​រាង​កាយ ក្រោយ​ពេល​ពួក​គេ​(អ្នក​ស្ម័គ្រ​ចិត្ត​) បាន​ត្រូវ​ពន្លឺ​ព្រះ​អាទិត្យ​។ លទ្ធផល​តាម​ដាន​​​បង្ហាញ​ថា​ ពពួក​បាក់តេរី​ល្អ​​ក្នុង​រាង​កាយ​កើន​ឡើង​នៅ​ពេល អ្នក​ស្ម័គ្រ​ចិត្ត​ទទួល​បាន​ពន្លឺ​ព្រះ​អាទិត្យ​គ្រប់​គ្រាន់ ពោល​គឺ​ត្រឹម​តែ​ ៣​នាទី​ ក្នុង​១​សប្តាហ៍ ក៏​អាច​ធ្វើ​ឲ្យ​រាង​កាយ បាន​ប្រយោជន៍​​ប្រព័ន្ធ​រំលាយ​អាហារ​ដំណើរ​ការ​ល្អ ហើយ​ក៏​ធ្វើ​ឲ្យ​ហានិភ័យ​រលាក​ពោះ​វៀន​មាន​តិច​តួច​ ដែល​ជា​គុណ​ប្រយោជន៍​សំខាន់​សម្រាប់​រាង​កាយ។ អត្ថ​បទពាក់ព័ន្ធ៖ ខ្វះសារធាតុចិញ្ចឹមសំខាន់ពីរមុខនេះ ឆ្អឹងកូនខ្សោយ អត់មាំ អន់កម្ពស់ ឯធ្មេញក៏មានបញ្ហា វីតាមីន D មិនត្រឹមល្អចំពោះឆ្អឹងទេ អាចការពារជំងឺទឹកនោមផ្អែមទៀត! បន្ថែម​ពី​នោះ​ទៀត​​ ក្រុម​អ្នក​វិទ្យាសាស្រ្ត​​ខាង​លើ​ក៏​បាន​ពិនិត្យ​មើល​ពី លាមក​របស់​​ក្រុម​អ្នក​ស្ម័គ្រ​ចិត្ត​ ក៏​បាន​ឃើញ​ពី កម្រិត​ពពួក​បាក់​តេរី​ល្អ​ច្រើន ជា​ហេតុ​ធ្វើ​ឲ្យ​ពួក​គេ​មាន​សុខភាព​ល្អ។ ដោយ​ឃើញ​លទ្ធ​ផល​បែប​នេះ លោក​សាស្រ្តាចារ្យ​ Bruce Vallance ជា​អ្នក​ដឹក​នាំ​ការ​ស្រាវជ្រាវ បាន​​លើក​ទឹក​ចិត្ត​ឱ្យ​មាន​ពេល​ត្រូវ​ពន្លឺ​ព្រះ​អាទិត្យ​គ្រប់​គ្រាន់ ដើម្បី​​ឲ្យ​មាន​តុល្យភាព​​មីក្រូ​សារពាង្គកាយ​ល្អ​ក្នុង​រាង​កាយ ដែល​ជួយ​ឱ្យ​មាន​សុខភាព​ល្អ៕ ​​​​​​ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត […]

បាក់ឆ្អឹង

Sciatica ជាការ​ឈឺ​សរសៃ Sciatic ដែល​ជា​សរសៃ​ធំ​បំផុត​នៅ​ជើង​របស់​យើង ដោយ​វាចាប់​ឈឺ​ពីខ្នង​ខាងក្រោយ (Lower Back) រហូត​ដល់​ជើង។ បញ្ហា​នេះ កើតឡើង​លើ​មនុស្ស​ជាច្រើន និង​ជាញឹកញាប់ ប៉ុន្ដែ​វា​បាត់ទៅ​វិញ​ដោយ​ខ្លួនឯង ក្នុង​រយៈពេល ២-៣ម៉ោង ឬ ១​ថ្ងៃ។ តែករណី​ខ្លះ បញ្ហា​នេះ អាច​កើតឡើង​រហូត​ដល់​ច្រើនសប្ដាហ៍ តែ​កុំភ័យ មាន​វិធីមួយ​ចំនួន ជួយ​សម្រួល និង​ការពារ​វា​មិនឲ្យ​កើតឡើង​ទៀត។ ១. បង្កើនការហាត់ប្រាណ ការហាត់ប្រាណ ជាមធ្យោបាយ​សំខាន់មួយ ដើម្បី​បង្ការ និង​សម្រួល​បញ្ហា Sciatica មិន​ថា ការហាត់ប្រាណ​បែប Aerobic Exercise (ដើរ រត់ រាំ ហែលទឹក ជិះកង់) ការហាត់ប្រាណបែប Strength Training (លើកទម្ងន់ ប្រើម៉ាស៊ីន​លើក ឬទាញ​ទម្ងន់) និង​ការហាត់ប្រាណ​បែប Flexibility Training (យ៉ូហ្កា ឬ ក្បាច់ថៃជី)។ ២. ពង្រឹង​ដងខ្លួន ការពង្រឹង​ដងខ្លួន អាច​ជួយ​ឲ្យ​សុខភាព​ឆ្នឹងខ្នង​កាន់តែ​ល្អ។ ដងខ្លួន​របស់​យើង មិនមែន​មាន​សាច់ដុំ​ពោះ​ប៉ុណ្ណោះ​ទេ ដែល​ជួយ​រក្សាស្ថិរភាព​ឆ្អឹងខ្នង តែវាមាន​សាចដុំខាងក្រោយ […]

បាក់ឆ្អឹង

យើងដឹងហើយ ទម្លាប់​ជក់បារី ផឹកស្រាច្រើន និង​ញ៉ាំអាហារ​ច្រើន ជាពិសេសអាហារ​មាន​រសជាតិ​ផ្អែមខ្លាំង ឬប្រៃខ្លាំង ងាយ​បង្ក​គ្រោះថ្នាក់​ដល់​សុខភាព​របស់​យើងណាស់។ ប៉ុន្ដែ​នៅមាន​ទម្លាប់​គ្រោះថ្នាក់​ជាច្រើន​ទៀត ដោយ​វាប៉ះពាល់​ម្ដង​បន្តិចៗ ពីមួយ​ថ្ងៃ ទៅ​មួយ​ថ្ងៃ។ ១. ញ៉ាំអាហារ​លឿនៗពេក ការសិក្សាជាច្រើនបង្ហាញ​ថា ការញ៉ាំ​អាហារ​ដោយ​ទំពាលឿនៗ អាចបណ្ដាល​ឲ្យមាន​បញ្ហា​សុខភាព​ជាច្រើន ដូចជា​ឡើងទម្ងន់​យ៉ាងលឿន ហើយ​កើនហានិភ័យ​នៃ​ជំងឺ​បេះដូង ទឹកនោមផ្អែម និង​ដាច់សរសៃឈាម​ខួរក្បាល។ ជាធម្មតា ទាល់តែ​យើង​ញ៉ាំបាយ បាន​រយៈពេល​ប្រមាណ ២០​នាទី ទើបខួរក្បាល​យើងទទួល​សញ្ញា​នៃ​ការឆ្អែត។ ប៉ុន្ដែ​សម្រាប់​អ្នកញ៉ាំ​អាហារ​លឿនៗ ភាគច្រើន ញ៉ាំលើស​កម្រិត មុន​ខួរក្បាល​ទទួល​សញ្ញា​នៃ​ការឆ្អែត អ៊ីចឹងហើយ ទើប​ងាយ​នឹង​ឡើង​ទម្ងន់។ ២. ដុសធ្មេញ​ភ្លាមៗ ក្រោយ​ញ៉ាំអាហារ មានគ្នាយើង​មិនតិចទេ តែងតែ​ដុសធ្មេញ​ភ្លាមៗ ក្រោយ​ញ៉ាំអាហារ​ហើយ។ តែ​យោងតាម​ការសិក្សា​ជាច្រើនបង្ហាញ​ថា យើងគួរ​រង់ចាំ​រហូត​ឲ្យដល់ ៣០នាទី​សិន ចាំដុសធ្មេញ។ ធ្មេញរបស់​យើង ការពារ​ដោយ​កាចាធ្មេញ (Enamel) ហើយ​អាស៊ីដ ដែល​កើតឡើង​ដោយ​អាហារ អាច​ធ្វើ​ឲ្យ​ដាច់កាចាធ្មេញ មានន័យ​ថា ធ្មេញ​របស់យើង មាន​សភាព​ខ្សោយ ក្រោយ​ញ៉ាំអាហារ​ភ្លាមៗ។ ដូច្នេះបើយើង​ដុសធ្មេញ​ភ្លាមៗ មានន័យ​យើងកំពុង​បំផ្លាញ​ធ្មេញ​របស់​យើង​ហើយ។ ៣. ផឹកទឹកដបប្លាស្ទិច ផឹកទឹក​ដបប្លាស្ទិច ជារឿងសុវត្ថិភាព ប៉ុន្ដែ​ដបប្លាស្ទិក មាន​សមាសធាតុ​គីមី​ជាច្រើន ដែល​ចេញមកពេលវា​ត្រូវ​កម្តៅ។ ប្រសិន​បើយើង​ទុក​ដបទឹកប្លាស្ទិច​​ក្នុង​ឡាន […]

បាក់ឆ្អឹង

ចំពោះ​គ្នា​យើង ចូល​ចិត្ត​ហាត់​ប្រាណ​ដោយ ​ដើរ រត់ ជិះ​កង់ ឬ​សម្អាត​ផ្ទះ អាច​ប្រឈម​ករណី​របួស ត្រូវប្រើ​ឆ្អឹង សាច់ដុំ និង​សន្លាក់​។ រាង​កាយ​យើង បើ​មិន​មាន​សរីរាង្គ អវយវៈ​ទាំង​នោះ​ទេ នឹង​មិន​អាច​ឈ ដើរ លោត ឬ​សូម្បី​តែ​អង្គុយ​ ក៏​មិន​ស្រួល​ដែរ។ មួយ​ទៀត​ ករណី​ខ្លះ ទោះ​ឆ្អឹង​រឹង​មាំ​យ៉ាង​ណាក៏បាក់ដែរ ហេតុ​នេះត្រូវ​ប្រយ័ត្ន​ប្រយែង​បន្តិច ពិសេស​ត្រូវ​ដឹង​តិចនិក​សង្គ្រោះ​ពេល​ជួប​ករណី​នេះផង អាច​ជួយ​ខ្លួន​ឯងផង ក៏​ដូចជា​ជួយ​មិត្តភក្តិ ឬ​សាច់ញាតិយើងបាន។ “Hello គ្រូពេទ្យ” នឹង​ណែនាំ​វិធី​សង្គ្រោះ​បឋម​ពេល​ជួប​ករណី​របួស​ទាំង​នេះ។ ១- ស្វែង​យល់​មុខងារឆ្អឹង សន្លាក់ ​និង​សាច់ដុំ – មុខងារឆ្អឹង៖ ឆ្អឹង​ជា​ជាលិកា​រាង​កាយ​មាន​ការ​​ផ្លាស់ប្ដូរ​ជានិច្ច នឹង​​មាន​មុខងារ​ចាំបាច់មួយ​ចំនួន។ ឆ្អឹង​ទាំង​អស់​ ផ្គុំ​បញ្ចូល​គ្នា ដើម្បី​​បង្កើត​បាន​ជា​គ្រោង​ឆ្អឹង ហើយ​គ្រោង​ឆ្អឹង សាច់ដុំ សរសៃ​ពួរ សរសៃ​ចំណង​ឆ្អឹង (Ligaments) និង​សារធាតុ​ផ្សេង​ទៀតផ្គុំ​គ្នា បង្កើត​បាន​ជា ប្រព័ន្ធ​សាច់ដុំ​ និង​គ្រោង​ឆ្អឹង (Musculoskeletal system)។ គ្រោង​ឆ្អឹង​ផ្ដល់​កម្លាំង លំនឹង និង​ធ្វើ​ការ​រួម​ជា​មួយ​សាច់​ដុំ​ ដើម្បី​ជួយ​ឲ្យ​រាង​កាយ​យើង​មាន​ចលនា។ ឆ្អឹង​ក៏​មាន​នាទី​ ជា​រនាំង​ការពារ​សរីរាង្គ​សំខាន់​ៗ​ក្នុង​រាង​កាយ​ផង​ដែរ។ – មុខងារ​សន្លាក់៖ […]

បាក់ឆ្អឹង

១- ​អ្វី​ទៅ​ជា​ជំងឺ​ខ្វិន​ ឬពិការ​អវយវៈ​ទាំង​៤? ​ជំងឺ​ខ្វិន​ ឬពិការ​អវយវៈ​ទាំង ​៤ បណ្ដាល​មក​ពី​ការ​ខូច​ខាត​ទៅ​លើ​សរសៃ​ប្រសាទឆ្អឹង​ខ្នង កើត​ឡើង​នៅ​ពេល​ឆ្អឹង​ខ្នង​រង​ការ​ប៉ះ​ទង្គិច​ ធ្វើ​ឲ្យ​​បាត់​បង់​ការ​ទទួល​វិញ្ញាណ​ និង​ចលនា។ ដៃ​ ប្រអប់ដៃ ទ្រូង​ ជើង ​និង​សរីរាង្គ​អាង​ត្រគាក​ ត្រូវ​បាត់​បង់​ចលនា​បញ្ជា​ទាំង​អស់។ មាន​ផល​វិបាក​ជា​ច្រើន​ នឹង​កើត​មាន​បន្ទាប់​ពី​មាន​ការ​ប៉ះ​ទង្គិចទៅលើឆ្អឹងខ្នង មានដូចជា សម្ពាធឈាមចុះទាបខ្លាំង ឬក៏ចង្វាក់បេះដូងដើរយឺតខុសប្រក្រត្រី បង្ក​ឲ្យ​មាន​ផល​ពិបាកលើ​ការ​ដកដង្ហើម ឬមិនអាចដកដង្ហើមបាន​។ លើស​ពី​នេះ​ អាច​ឡើង​រមាស់​ស្បែក​ និង​ការ​កន្ត្រាក់​សាច់​ដុំ​ខុស​ប្រក្រី។ យើង​ក៏​អាច​មាន​វិបត្តិ​កំណកឈាម​កក ​បណ្ដាល​ឲ្យ​មាន​ការ​ប៉ះពាល់​ដល់​ជីវិត។ នៅ​ពេល​ខ្លះ​ រាង​កាយមិន​អាច​ឆ្លើយ​តប​ទៅ​នឹង​ការ​បញ្ជា​ទៅ​លើ​ប្លោក​នោម​ និង​ពោះវៀន​ធំ​បាន​ល្អ​នោះ​ទេ ​ដែល​គេ​ហៅ​ថា​វិបត្តិ Automonic Dysreflexia ​អាច​បង្ក​ឲ្យ​សម្ពាធ​ឈាម​ឡើង​ខ្ពស់​ទៀត​ផង។ ​បើ​មិន​ប្រញាប់​ស្វែង​រក​ការព្យាបាល ​អាច​នឹង​ធ្វើ​ឲ្យ​ដាច់​សរសៃ​ឈាម​ បណ្តាល​ឲ្យ​ស្លាប់​​ទៀត​ផង។ បើ​យើង​​មាន​ជំងឺ​ខ្វិន ឬពិការ​​អវយវៈ​ទាំង ​៤​ហើយ​មិន​ព្រម​ព្យាបាល​ ​នឹង​មិន​អាច​ប្រើ​អវយវៈ​រងគ្រោះ​ទាំង​នោះ​បានតែ​ម្ដង។ ២- ​ជំងឺ​ខ្វិន​ ឬពិការ​អវយវៈ​ទាំង ​៤ ​កើត​ឡើង​ញឹក​ញាប់​​ដែរទេ? ជំងឺ​នេះ​​ឧស្សាហ៍​ជួប​ប្រទះ​ និងអាច​ប៉ះពាល់​លើ​មនុស្ស​គ្រប់​វ័យ។ ប៉ុន្តែយើងគ្រប់គ្រង និង​បង្ការ តាមរយៈ​ការកាត់​បន្ថយ​កត្តា​ប្រឈម។

x