ខ្វះឈាម ឬកង្វះគ្រាប់ឈាមក្រហម បណ្តាលមកពីការថយចុះនៃការផលិតគ្រាប់ឈាមរបស់ខួរឆ្អឹង និងការកើនឡើងការបំផ្លាញគ្រាប់ឈាម របបអាហារមិនសម្បូរជាតិដែក វីតាមីន បេ ១២ ឬហ្វូឡាត។
ខ្វះគ្រាប់ឈាមមានរោគសញ្ញាអីខ្លះ ហើយត្រូវធ្វើដូចម្តេច?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កង្វះគ្រាប់ឈាមក្រហម ត្បិតតែវាមិនមែនជាជំងឺធ្ងន់ធ្ងរក្តី តែយើងមិនត្រូវបណ្តែតបណ្តោយនោះទេ ព្រោះអាចមានបញ្ហាសុខភាព បង្កទៅជាជំងឺច្រើនមុខ នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
១- រោគសញ្ញាជំងឺខ្វះគ្រាប់ឈាមក្រហម
រោគសញ្ញាដែលងាយកត់សម្គាល់បំផុតចំពោះអ្នកជំងឺខ្វះគ្រាប់ឈាមក្រហមនោះគឺ ស្លេកស្លាំង តែទោះយ៉ាងណាជំងឺនេះនៅមានសញ្ញាសម្គាល់ជាច្រើនទៀត ដូចជា៖
– អស់កម្លាំង
– ញ័រទ្រូង
– ឈឺទ្រូង
– ចង្វាក់បេះដូងដើរមិនទៀង
– ឆាប់ហត់ ពិសេសពេលកំពុងធ្វើការ
– ឧស្សាហ៍ក្តៅខ្លួន
– ត្រជាក់ចុងដៃចុងជើង
– ឈឺក្បាល វិលមុខ
– ជ្រុះសក់
– ឃ្លានអាហារខុសធម្មតា។
អត្ថបទពាក់ព័ន្ធ៖
- គេងលក់ស្កប់ស្កល់ជួយរាងកាយយើងបានច្រើនដល់ម្ល៉ឹង!
- ក្រោកពីគេងមានអារម្មណ៍ថាខ្សោះៗខ្លួន មកពីបែបនេះសោះ!
២- ខ្វះគ្រាប់ឈាមក្រហម ធ្វើដូចម្តេច?
មូលហេតុនាំឲ្យខ្វះគ្រាប់ឈាមក្រហម មកពីកង្វះជាតិដែក ដូច្នេះការញ៉ាំថ្នាំជាតិដែកពិតជាអាចជួយបំពេញកង្វះគ្រាប់ឈាម ឬយ៉ាងណា? លោកវេជ្ជបណ្ឌិត ចាន់ ស៊ីណេត ថា មិនអ៊ីចឹងទាំងអស់នោះទេ អ្នកជំងឺខ្វះគ្រាប់ឈាមក្រហមចាំបាច់ត្រូវតែពិគ្រោះជាមួយគ្រូពេទ្យជំនាញ ទើបអាចរករោគវិនិច្ឆ័យបានត្រឹមត្រូវ ព្យាបាលចំគោលដៅ។
ក្រៅពីការព្យាបាលបំពេញគ្រាប់ឈាមក្រហម ដើម្បីបំបាត់ភាពស្លេកស្លាំង គ្រូពេទ្យនឹងណែនាំឲ្យអ្នកជំងឺខ្វះគ្រាប់ឈាមញ៉ាំអាហារមួយចំនួនដែលជួយប៉ូវគ្រាប់ឈាម មានដូចជា ទឹកដោះគោ បន្លែ ផ្លែឈើ និងសាច់ ដែលសម្បូរជាតិដែក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម